ایف جی ڈگری گرلز کالج کوئٹہ کینٹانا 17 ذہین طالبات BEEF اسکالرشپ کن میرٹ آ گچین

کوئٹہ۔ 16 ستمبر (اے پی پی) بلوچستان ایجوکیشن انڈومنٹ فنڈ (BEEF) نا چیف ایگزیکٹو آفیسر خالد ماندائی ایف جی ڈگری گرلز کالج، کوئٹہ کینٹ نا بی ایس انگلش لٹریچر پروگرام نا 17 ذہین طالبات نا BEEF پارشیئلی فنڈڈ اسکالرشپ پروگرام کن میرٹ آ گچین مننگ آ اوفتے مبارکباد ی تسنے۔ چیف ایگزیکٹو آفیسرBEEF خالد ماندائی پارے کہ بلوچستان نا لائخ آ مسن تیٹی مون آ ہِننگ نا عزم، خواری و لائخیستاکڑزنگ نا قابل ءِ۔ او پارے کہ عزم، استقامت و خواری اتون تینا تعلیمی سفرءِ برجاء تخوک آ ننا مسنک ہرمیدان اٹ ہم تینا لائخیءِ منفنگ کیرہ۔ BEEFنا کنڈ آن میرٹ آ گچین مروک آ مسن تے تعلیمی کمک تننگ نا مسخت اوفتا لائخی تے مون آ اتنگ و بڑزکو تعلیم نا دوئی کننگ اٹ پین پیش رفت نا وارخواہیفراوان کننگ ءِ۔او پارے کہ بلوچستان نا مسنک ننا صوبہ نا نہادی میرات ءُ و اوفتا تعلیم آ زرکاری اسہ گچین، تعلیمیافتہ و شون ہلوک راج اسے ناجوڑ کننگ اٹ اہم کڑد ادا کیک۔ BEEFچندی اسکالرشپ پروگرام آتا کمک اٹ داوڑنا لائخ و حقدار ورناتا است بڈی و کمک ءِ کننگ ءِ ہرا تینا لائخی و خواری نا بنداو آ مون آ ہِننگ نا عزم تخرہ ۔ایف جی ڈگری گرلز کالج کوئٹہ کینٹ نا بی ایس انگلش لٹریچر پروگرام نا 17 مسڑ BEEF پارشیئلی فنڈڈ اسکالرشپ پروگرام کن میرٹ آ گچین مسنو۔ اوفتا تعلق ضلع کوئٹہ، ضلع قلات و ضلع پشین آن ءِ و دا مسنک تینا تعلیمی سفر نا جتا جتا ریسہ غاتیٹی خواننگ ءُ۔چیف ایگزیکٹو آفیسرBEEF پارے کہ وزیراعلیٰ بلوچستان میر سرفراز احمد بگٹی نا تعلیم دوست وژن نا رداٹ صوبہ ٹی تعلیم نا شونداری، میرٹ نا است بڈی و ورناتا، خاص کر مسن تیکن بڑزکو تعلیمی وارخواہی تے ودفنگ کن عملی گام گیجبرجاءِ ۔ بلوچستان ایجوکیشن انڈومنٹ فنڈ ہم ہمو وژن نا رداٹ جتا جتا اسکالرشپ پروگرام آتا کمک اٹ حقدار و لائخ آ طالب علم آتے تعلیمی کمک فراوان کننگ ءِ تانکہ مالی مشکلات اوفتا تعلیمیسرسہبی نا کسر اٹ اڑاند مف۔اومستی پارے کہ اسہ خوانوک ءُ مسڑ اس تینا خاہوت تون اوار اوار مچ آ راج اکن مثبت بدلی نا ذریعہ مننگ کیک۔ بلوچستان نا مسن تیٹی لائخی، حوصلہ و مون آ ہِننگ نا جوزہ ارے ، و ہراتم اوفتے میرٹ نا بنداو آ جوان وارخواہی دو بریک تو او تینا لائخی ءِ نمان سرسہبی اٹ بدل کننگ کیرہ۔ BEEF نا مسخت ہم ہندادے کہ لائخ آ ورناتے ہندن ءُ وارخواہیتننگے ہراڑے او تیناخواری و لائخی ءِ عملیسرسہبی اٹ بدل کننگ کیر۔چیف ایگزیکٹو آفیسرBEEF غٹ گچین مروک آ مسن تے تینا تعلیمیخواری ، نظم و ضبط و استقامت ءِ برجاء تخنگ نا پارت کرسا پارے کہ اسکالرشپ دوئی کننگ اوفتا تعلیمی سفر اٹ اسہ اہم پیش رفت اسے ۔ او امیت ظاہر کرے کہ دا مسنک آخبت اٹ نئے بیرہ تینالمہ و باوہ و تعلیمی ادارہغاتےکن گمرنا سوب جوڑ مریرہ بلکن بلوچستان و پاکستان نا شونداری ، تعلیم و راجی گچینی ٹی ہم گچین کڑد ادا کیرہ۔بلوچستان ایجوکیشن انڈومنٹ فنڈ (BEEF) نا کنڈ آن ایف جی ڈگری گرلز کالج، کوئٹہ کینٹ نا غٹ گچین مروک آ مسڑ و اوفتا لمہ و باوہ غاتے مبارکبادی پیش کننگانے و اوفتا روشنا، بامسخت آخبت کن نیکاست خواہی نا درشانیءِ کننگانے۔