سینیٹ نا فنکشنل کمیٹی انسانی حق آتا دیوان، چناتا رکھ انا گام گیج ، ڈیجیٹل سیفٹی پروٹوکول نا جاچ ءِ ہلنگا

اسلام آباد۔ 16 ستمبر (اے پی پی)سینیٹ نا انسانی حق آتا فنکشنل کمیٹی نا دیوان کمیٹی نا چیئرپرسن سینیٹر ثمینہ ممتاز زہری نا کماشی ٹی پارلیمنٹ ہاؤس اٹیتدوک آ دے مس، ہراٹی مچ آ ملک اٹیچناتا رکھ، ڈیجیٹل سیفٹی پروٹوکول و مزورآتا بہبود نا گڑتی تا جاچ ءِ ہلنگا ۔ کمیٹی ٹی سینیٹر ایمل ولی خان، قرۃ العین مری، حافظ عبد الکریم، عطاء الحق و مسرور حسین، ڈی آئی جی انویسٹی گیشن خیبر پختونخوا (کے پی) و ڈپٹی سیکرٹری ہوم ڈیپارٹمنٹچناتتون بیدادی نا برخلاف کارروائی و توننگ نا حکمت عملی نا فریم ورک نا بابت اسہ آپریشنل اسٹیٹس رپورٹ اس پیش کریر۔ چیف ویلفیئر پروٹیکشن آفیسر دا ہیتءِ مون آ تخا کہ 2010 اٹی منظور کروک آ چائلڈ پروٹیکشن ایکٹ نا رداٹ پولیس، اسکول، ڈسٹرکٹ کمشنر آفس و کمیونٹیراجی کارندہ غاتیاتالان ملٹی اسٹیک ہولڈر میکانزم تعلیمی ادارہ، مدرسہ، چائلڈ لیبر و کسر آتیا پنڈو ک آ چناتتون بدسلوکیتون مون توننگ کن سرگرم عمل ءُ۔ عہدیدار آک نوٹ کریر کہ سوشل میڈیا غان چلینگوک آ کمیونٹی بیداریالسی رپورٹنگ و سرکاری چینل تیا پت اٹی ودکی کرینے، ولے ڈائریکٹر جنرل چائلڈ پروٹیکشن نابالغ چناتون بدسلوکی ٹی ودکی آ سخت گڑتی نا درشانیءِ کرے۔ 2025 اٹی کے پی ٹی 855 و مچ آ ملک اٹی 17000 آن زیات کیس رپورٹ مسنو۔ صوبائی رپورٹنگ و کانودی کارکڑد، ٹرمز آف ریفرنس (ٹی او آرز) آ سرجمی اٹ سجفنگ اٹی کمیٹی کے پی نا کمامدارآتے پارت کرے کہ او کمیونٹی لیول چائلڈ پروٹیکشنیونٹ آتے کنٹرول کروک آ درست ٹی او آرز پیش کیر۔ پراسیکیوشن اینڈ کنویکشن آپریشنل رپورٹ نا رداٹ خیبر پختونخوا ٹی 625 رجسٹرڈ کیس آتیان 576 کیس آ کارروائی مسنے و 300 آن زیات عدالتی ٹرائل کن جمع کرفنگانووخت اس کہ سزا ک کم  ود 6 درسد ءُ۔ کمیٹی خیبر پختونخوا ٹیہندی فرانزک سائنس لیبارٹری (ایف ایس ایل) نا ساڑی مفننگ آ سخت گڑتی نا درشانیءِ کرے۔ پنجاب پراسیکیوشن ڈیپارٹمنٹ نا نمائندہ غاک پک کریر کہ پاہونا گڈیکو سزا غاعملدرآمد 2019 اٹیمس ۔ کمیٹی اسلام آباد نا اسہ پرائیویٹ اسکول اسے ٹی بدسلوکی نا گواچی مروک 4 سال انا چناسے نا غیر معمولی بہادری نا ستاءِ کرے۔ کمیٹی نا باسک آک اسکول نا انتظامیہ نا کنڈان رپورٹ کپننگ آ سخت ترندی نا درشانی ءِ کرے ۔