صوبائی حکومت الس نا ویل آتے ایسرکننگ کن ہر ممکن گام گیج کننگ ءِ،پاکستان پیپلز پارٹی بلوچستان نا صدر و سینیٹر سردار محمد عمر گورگیج و ایلوفتا تران

کوئٹہ۔ 16 ستمبر (اے پی پی) پاکستان پیپلز پارٹی بلوچستان نا صدر و سینیٹر سردار محمد عمر گورگیج، مرکزی ایگزیکٹو کمیٹی نا باسک ومسکوہی بنجائی وزیر سردار باز محمد خان کھیتران، کوئٹہ ڈویژن نا صدر خیر محمد ترین، لورالائی ڈویژن نا صدر رحمت اللہ کدیزئی، سردار سرور سلیمانخیل، احسان افغان ئسک پارینو کہ پاکستان پیپلز پارٹی الس نا حق حکمرانی، آئین نا بالادستی و پارلیمنٹ نا سوگوی کن جہد کننگ ءِ، وزیراعلیٰ بلوچستان سرفراز بگٹی نا کماشی ٹی صوبائی حکومت الس نا ویل آتے ایسرکننگ کن ہر ممکن گام گیج کننگ ءِ، ناراض پارٹی کارندہ غاتون اوڑدہی کرسا اوفتے پدی پارٹی ٹی اتینہ، کارندہ غاک تین پہ تینی اختلاف آتیانایڑتر مرسا بلاول بھٹو زرداری نا کلہو ءِ الس اسکان سرکیر۔ دا ہیت او مسکوہی بنجائی وزیر سردار باز محمد خان کھیتران نا کنڈآن تننگوک آ سُوارہ غان تران کرسا پاریر۔ عشائیہ ٹی سید سعد اللہ، ثناء اللہ جتک، میر نصیب اللہ شاہوانی، اختر بلوچ، امتیاز جتک، پیپلز لیبر بیورو نا صدر شاہجہان گجر، سپورٹس اینڈ کلچر ونگ انا صدر شہزادہ کاکڑ، سردار سرور سلیمانخیل، الطاف گجر، سید ایوب آغا، نعمت لالہ، ایم ظاہر موسیٰ خیل، عبدالغفور جعفر، جہانگیر بلوچ، اشفاق بلوچ، ایم ظاہر موسیٰ خیل، انجینئر احسان اللہ، عبدالنبی، مٹھا خان عمرانی، عصمت اللہ اوار پیپلز پارٹی نا ڈویژنل صدر، جنرل سیکرٹری و صوبائی ایگزیکٹو نا باسک آک بشخ ہلکر۔تران کروک آک پاریر کہ پاکستان پیپلز پارٹینیزگار و نیامیتپہ نا جماعت ءِ و پارٹیمدام الس نا ویل آتے ایسر کننگ کن عملی گام گیجکرینے، داوخت آ بلوچستان اٹ پیپلز پارٹی نا مخلوط صوبائی حکومت الس نا ویل آتے ایسر کننگ کن دے و نن کاریم کننگ ءِ۔ او پاریر کہ پارٹی ٹی کارندہ غاک تمبہ نا حیثیتتخرہ ، اوفتا روا ویل آتے ایسر کننگ کن ہر ممکن کوشست کننگ و پارٹی نا ہرا سنگت آک ناراض مرسا اُراتیٹی تولوک ءُ اوفتیا ہنسا اوفتے خوش کینہ و پارٹی ٹیدُوارہ فعال کینہ۔ او پاریر کہ شہید ذوالفقار علیبھٹو الس اٹی جمہوری شعور تالان کرے و ملک ءِ امنائی آئین 1973 نا ٹیکی تس و شہیدگودی بے نظیر بھٹو آمریت نا برخلاف بہادری اٹ جہد کرسا عوامی حاکمیت نا بیرک ءِ بڑز تخا۔ شہید ذوالفقار علی بھٹو و گودی شہید بے نظیر بھٹو نا مشن ءِ اینو چیئرمین بلاول بھٹو زرداری، آصف علی زرداری، آصفہ بھٹو و فریال تالپور مون آ دننگ ءُ ۔ او پاریر کہ پارٹی ٹی اختلاف جمہوریت نا زیبائی ءِ، سیاسی اختلاف آتے اواری اٹ تولسا ایسرکننگک۔ او پاریر کہ پاکستان پیپلز پارٹی نا جیالہ غاک سیاسی اختلاف آتیانایڑترمرسا چیئرمین بلاول بھٹو زرداری، شریک چیئرمین آصف علی زرداری، آصفہ بھٹو و فریال تالپور نا کلہو ءِ ہر اُرااسکان سرکیر و الس تون خڑکی رابطہ تخر۔