قومی اسمبلی نا اسپیکر نا ملائیشیا نا ہم منصب تون اوڑدہی، ہڑتوم آ ملک آتا پارلیمانیتعلقداری تے سوگو کننگ آ امنا

کیپ ٹاؤن۔ 16 ستمبر (اے پی پی)قومی اسمبلی نا اسپیکر سردار ایاز صادق ملائیشیا نا ہاؤس آف رپریزنٹیٹوز نا اسپیکر ڈاکٹر جوہری بن عبدل تون اوڑدہی کرے، ہراٹی ہڑتوم آ ملک آتا پارلیمانیتعلقداری تے پین سوگو کننگ آ امناکننگا۔ قومی اسمبلی سیکرٹریٹ نا رداٹ سردار ایاز صادق دا وخت آ پارے کہ پارلیمانی فرینڈشپگروپس ہڑتوم آ ملک آتا نیام اٹ تعلقداری تے پین سوگو کننگ اٹ اہم کڑد ادا کننگ کیک۔ او پارے کہ دے ٹک نیامی ٹی امن کن پاکستان نا کوشست آتا مخ تفی آ ملائیشیا نا کڑد ستاکڑزک، پاکستان علاقائی امن و سوگوی کن سفارتی کوشست آتے برجا تخنگ کن سنبرینگوک ءِ ۔ اسپیکر پارے کہ پہلگام واقعہ غان پد ودی مروک آ بے چیٹی نا وخت آ پاکستان امن ءِ اولیت تس، بھارت سندھ طاس معاہدہ ءِ اسہ کنڈی وڑ اٹ معطل کرسا جہانی کانود آتا خلاف ورزیءِ کرے۔ اونا پاننگ ئس کہ پاکستان ءِاوغان ڈغار آن دہشت گردی نا مون تروک ءِ، علاقائیجھیڑہ غاتا پرامن ایسر المیءِ ۔ او پارے کہ پاکستان ڈیہہ اٹیامن و سوگوی نا مون آ دننگ کن سنبرینگوک ءِ ، مکہ مکرمہ جوائنٹ ڈیفنس معاہدہ غا گچین عملدرآمد مسلم ملک آتا سیوت اٹ کمکارمریک۔ اسپیکر سردار ایاز صادق ملائیشین ہم منصب ءِ پاکستان نا دورہ ءِ کننگ نا سلہ ہم خلک ۔