شفا انٹرنیشنل ءِ جان سلامتی ءِ دود ءُ ربیدگ ءَ مزنیں دیمروئی گامگیج  ءِ نشانی انت، شفا ایمبولینس سروس ءَ جے سی آئی ءِ ایکریڈیٹیشن رستگ، شفا ءِ جارکش

اسلام آباد۔28اگست  (اے پی پی): شفا انٹرنیشنل ہسپتال ءَ پاکستان ءُ خطہ ءِ جان سلامتی ءِ شوبگ ءَ مزنیں سنگ میل ءِ سر ءَ سر بوتگ، جان سلامتی ءِ آسراتی، نادراہ آنی جان سلامتی ءُ ایمرجنسی ءِ میاں اوستمانی تک ءَ منگ بوتگیں معیار ءِ تہ ءَ مزنیں کوالٹی ءِ سر ءَ سر بوتگ۔ جمعہ ءِ روچ ءَ شفا انٹرنیشنل ہسپتال ءِ نیمگ ءَ چہ جاڑی بوتگیں بیان ءَ گوشت کہ شفہ جوائنٹ کمیشن انٹرنیشنل ءِ نیمگ ءَ بازیں ادارگ ءُ طبی پروگرام آنی منظوری ءُ سرٹیفیکیشن ءَ گوں ایمن، معتبر ءُ شواہد ءِ سر ءَ بنیات ءِ سر ءَ جان سلامتی ءِ رد ءَ نوکیں معیار ءِ جوڑ کنگ ءَ اِنت۔ بیان ءِ رد ءَ اے سوبمندی ءِ محور شفہ انٹرپرائز اِنت کہ آئی ءِ جے سی آئی انٹرپرائز ءِ اعتبار ءِ رد ءَ اے جزم ءِ درشان اِنت کہ کوالٹی ہیلتھ کیئر ءِ تہ ءَ یکیں آسراتی یا سروس ءَ را محدود نہ بیت بلکیں سرجمیں شفہ ءِ ماحولیاتی نظام ءِ تہ ءَ یک رنگ ءَ دل یکیمی کنگ بیت۔ شفا ءِ جارکش ءَ گوشت کہ اے سوبمندی ءِ ارزشت ءَ را شفا ایمبولینس سروس ءِ جے سی آئی میڈیکل ٹرانسپورٹ ایکریڈیٹیشن ءَ چہ گیش گیش کتگ۔ آئی ءَ گوشت کہ شفا ایمبولینس سروس پاکستان ءِ اولی ایمبولینس سروس جوڑ بوتگ ایشی ءَ را جے سی آئی ءِ ایکریڈیٹیشن رستگ۔ اے ملک ءَ ایمرجنسی میڈیکل سروسز ءُ پری ہسپتال میڈیکل کیئر ءِ شوبگ ءَ مزنیں سوبمندی ءُ پاکستان ءِ جان سلامتی ءِ کمیونٹی ءِ واستہ شفا ءَ ھوار یک فخر ءِ ساھت اِنت۔ شفا ایمبولینس سروس ءِ واستہ اے دیمروئی اے گپ ءَ پدر کنت کہ معیاری ءُ ایمنیں طبی نگہداشت ءِ سفر چہ نادراہ ءِ ہسپتال ءَ سر بوہگ ءَ باز پیسر بندات بیت ءُ نگہداشت ءِ ہر نازرکیں ساھت ءَ پیشہ وارانہ معیار، ایمنی، باہمی رابطہ ءُ شفقت المی انت۔ بیان ءِ رد ءَ اے سوبمندی جون 2026 ءَ شفا انٹرنیشنل ہسپتال ءِ اکیڈمک میڈیکل سینٹر (اے ایم سی) ءِ بستار ءَ اعتبار ءِ برجاہ دارگ ءِ تہ ءَ اتکگ اَنت۔ طبی نگہداشت چہ نادراھجاہ ءِ سیمسراں درکپگ ءَ چہ نادراہانی لوگاں سر کنگ بیت۔ جون 2026 ءَ ایشی ءِ ایکیوٹ اسکیمیک اسٹروک ءُ ایکیوٹ کورونری سنڈروم ءِ پروگراماں ھم جے سی آئی ءِ سرٹیفیکیشن رستگ۔ اے سرٹیفیکیشن شفاء ءِ توانائی ءَ را توثیق کنت کہ آ گیشتریں پیچیدہ ءُ وھد ءِ سرا حساسیں طبی جاوراں یکجاھیں، معیاری، شواہد ءِ سرا مبنی ءُ نادراہ ءِ سرا مرکوزیں ھیالداری ءَ بہ کنت۔ ترجمان ءِ رد ءَ سرجمی ءَ اے سوبمندی ایوک ءَ اعتبار ءُ سرٹیفیکیشن ءِ یک سلسلہ یے نہ انت بلکیں پاکستان ءَ "کلچر آف کیئر” ءِ دیمروئی ءُ مھکم کنگ ءِ تہ ءَ یک ٹھینگیں ساھت ءِ انت۔ اے کامیابی پاکستان ءُ دمگ ءَ را یک طاقتوریں پیغام ءِ دیم ءَ آرگ ءَ انت کہ پاکستان ءَ نہ ایوک ءَ جھان ءِ درجہ ءِ طبی آسراتی پجارینگ ءُ برجائی کنگ بوت کنت بلکیں ایشی ءَ را مدام گہتر کنگ بوت کنت۔ شفہ ءِ ھاندان ءُ سرجمیں راج ءِ واستہ اے یک فخر ءِ ساھت ءِ رنگ ءَ بیان کنان ءَ شفہ ءِ جارکش ءَ گوشت کہ ما وتی ٹیم ءِ ھر یک باسک ءَ را دل ءِ جہلانکی ءَ مبارک بات دئیں کہ آئی ءِ لگن، پیشہ وارانہ ، جوانیں گامگیج آنی   جزم ءَ اے راجدپتری سوبمندی ممکن کتگ۔