احتجاج ءِ نام  ءَ زوراکی، پرشت ءُ پروش  ءِ اجازت دیگ نہ بیت، وفاقی داخلہ ءِ وزیر ءَ چارسڈا ءَ وفاقی کانسٹیبلری ٹریننگ سینٹر ءَ گوں تران

چارسدہ۔28اگست (اے پی پی): وفاقی داخلہ ءِ وزیر محسن نقوی ءَ گشتگ کہ پرامن احتجاج ہر شہری ءِ حق انت، قانون ءَ احتجاج ءِ طریقہ کار ءِ سرا ھاسیں لیکہ داتگ، قانون ءِ دائرہ ءِ تہا پرامن احتجاج ءِ سرا کس ءَ را ہچ وڑیں اعتراض نیست ءُ ملک ءِ امن، امن ءُ ایمنی ءِ سرا ہچ وڑیں تخریب کاری ءِ اجازت دیگ نہ بیت۔ آئی ءَ اے گپ جمعہ ءِ روچ ءَ چارسدا ءَ وفاقی کانسٹیبلری ٹریننگ سنٹر ءِ شب القدر ءِ تر ءُ تاب ءِ موہ ءَ کت۔ وفاقی وزیر داخلہ محسن نقوی ءَ اینٹی رائٹ  ونگ ءِ ھاسیں تربیت ءِ مشق آنی چار ءُ تپاسی کت ءُ کارندہ آنی پیشہ وارانہ مہارت، نوکیں تربیت ءُ آپریشنل تیاری ءِ ساڑات کت۔ وفاقی داخلہ ءِ وزیر ءَ اینٹی رٹ ونگ ءِ کارندہ آنی جتا جتائیں عملی مشق آنی چار ءُ تپاسی کت۔ کارندہ آں وتی پیشہ وارانہ مہارت ءِ درشانی کتگ کہ آ ہجوم ءِ کنٹرول، حساسیں جاہ آنی ایمنی، زوراکی ءِ جاور آنی دیم ءَ دارگ ءُ امن ءُ ایمنی ءِ برجائی ءَ کن اَنت۔ وزیر داخلہ محسن نقوی ءَ گوشت کہ اینٹی ریوٹ فورس ءَ را نوکیں لیکہ آنی سر ءَ تربیت دیگ بوتگ، فورس سرجمی ءَ تیار اِنت ءُ امن ءُ ایمنی ءِ کجام ھم جاور ھال ءَ گوں گر ءُ چیل بوھگ ءِ لائک اِنت۔ آئی ءَ گوشت کہ کس ءَ را زھرشانی ءِ آڑ ءَ زوراکی، پرشت ءُ پُر کنگ، سرکاری یا نجی ملکیت ءَ را تاوان دیگ ءُ امن ءُ کانود ءِ ھراب کنگ ءِ موہ دیگ نہ بیت۔ ریاست امن ءُ ایمنی ءِ برجائی ءِ وتی ذمہ واری ءَ پیلو کنت ءُ ھما عناصر کہ قانون ءَ وتی دست ءَ زور اَنت آھاں گوں قانون ءِ رد ءَ کار کنگ بیت۔ آئی ءَ گوشت کہ امن ءُ ایمنی ءِ استیں جاور ھال آنی تہ ءَ سرجمیں ملک ءَ وفاقی کانسٹیبلری ءِ کرد سک باز ارزشتی اِنت۔ ترا ہر وڑیں چیلنجانی دیم ءَ دارگ ءِ ھاترا تیار بوھگی اِنت، وتی تربیت ءَ شری ءَ سرجم کنگی اِنت ءُ سرجمیں پیشہ وارانہ تیاری ءَ گوں میدان ءَ داخل بوھگی اِنت۔ میدان ءِ تہا وتی سلامتی ءُ آپریشنل کارکردگی ءَ را دل یکیمی کنگ ءِ ھاتر ءَ ترا میاں اوستمانی معیار ءِ نوکیں تحفظ ءِ گیئر ءِ گوما داتگ بوھگ ءَ انت۔ وفاقی وزیر داخلہ محسن نقوی ءَ درستیں فوجی آناں گیس ماسک ءِ پھجارینگ ءِ پنت ءُ شون کتگ ءُ گوشت کہ آہانی تربیت ءِ سر ءَ ھاسیں دلگوشی دیگ بوتگ، محنت، لگن ءُ سرجمیں پیشہ وارانہ رنگ ءَ ہر وڑیں تربیت ءَ را سرجم کنگ بوتگ۔ وفاقی داخلہ ءِ وزیر ءَ ایف سی ءِ ہیڈ کوارٹر ءَ جوانیں اسپورٹس آسراتی پجاری ءِ جار جتگ ءُ گوشت کہ جھان ءِ درجہ ءِ سوئمنگ پول ھم جوڑ کنگ بیت۔ وفاقی داخلہ ءِ وزیر ءَ بیرک ءِ تر ءُ تاب کتگ ءُ کارندہ گوں گند ءُ نند کتگ ءُ آہانی جیڈھ آنی بابت ءَ جست ءُ پرس کتگ۔ وفاقی داخلہ ءِ وزیر ءَ ایف سی ءِ ہیڈ کوارٹر ءَ کارندہ آنی درستیں واش روم آنی نوک جوڑ کنگ ءِ پنت ءُ شون کتگ۔ فدرال وزیر داخلہ ءَ مسئولین ءَ را جست کت کہ شما گوستگیں تر ءُ تاب ءَ لوڈشیڈنگ ءِ جیڈھ چست کتگ ات، نوں جاور چے انت؟ مسئولین ءَ گشتگ کہ انوگ ءَ لوڈشیڈنگ نیست ءُ بجلی ءِ پجاری ءَ بے رکاوٹ ءَ کنگ بوہگ ءَ انت۔ حکام ءَ جیڈھ ءِ گیواری ءِ ھاتر ءَ فدرال وزیر داخلہ محسن نقوی ءِ منت گپت۔ وفاقی داخلہ ءِ وزیر ءَ یک کارندہ ءِ مات ءِ کینسر ءِ علاج ءِ ھاتر ءَ ترندیں گامگیج آنی ھم پنت ءُ شون کتگ۔ بریفنگ ءِ تہ ءَ سرپدی دیگ بوتگ کہ تربیت ءِ تہ ءَ ھواریں کارندہ آنی تہ ءَ آزات کشمیر ءُ گلگت بلتستان ءَ ھوار درستیں صوبگ آنی نمائندگی کنگ بیت وھدیکہ اولی رند ءَ 35 زالبولیں کارندہ ھم تربیت ءِ پروگرام ءَ ھوار کنگ بنت۔ اے موہ ءِ سر ءَ آئی جی فیڈرل کانسٹیبلری، ڈی آئی جی ٹریننگ، ڈی او ایف سی ءُ ایندگر مزنیں افسر ھم ساڑی بوتگ اَنت۔