فیلڈ مارشل سید عاصم منیر ءَ پاکستان ءُ سعودی عرب ءِ نیام ءَ دیریں اسٹریٹجک شراکت داری ءَ را گیش مھکم کنگ ءِ پاکستان ءِ جزم ءِ  درشان

راولپنڈی۔28اگست (اے پی پی): آرمی اسٹاف ءِ سروک ءُ دفاعی اُرد ءِ سروک فیلڈ مارشل سید عاصم منیر ءَ پاکستان ءُ سعودی عرب ءِ نیام ءَ گہتریں براتی سیادی ءِ سر ءَ چمشانک دات ءُ دوئیں براتیں ملک آنی نیام ءَ دیریں اسٹریٹجک شریکداری ءَ را گیش مھکم کنگ ءِ واستہ پاکستان ءِ جزم ءِ سر ءَ پدا زور دات۔ جمعہ ءِ روچ ءَ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءِ رد ءَ فوج ءِ سروک ءُ دفاعی افواج ءِ سروک فیلڈ مارشل سید عاصم منیر ءَ سعودی عرب ءِ چاگرد ، آپ ءُ کشت ءُ کشاری ءِ وزیر انجینئر عبدالرحمن عبدالمحسن   الفضلی ءَ  جنرل ہیڈ کوارٹر ءَ   گند ءُ نند کتگ۔ گند ءُ نند ءِ ساھت ءَ وت مہ وتی ھب ءُ واھگ ءِ جیڈھ آنی سر ءَ ھیال ریچی کنگ بوت۔ آرمی اسٹاف ءِ سروک ءُ دفاعی اُرد ءِ سروک ءَ پاکستان ءُ سعودی عرب ءِ نیام ءَ گہتریں براتی سیادی ءِ سر ءَ زور پر دات ءُ دوئیں براتیں ملک آنی نیام ءَ دیریں اسٹریٹجک شریکداری ءَ را گیش مھکم کنگ ءِ واستہ پاکستان ءِ جزم ءِ سر ءَ زور پر دات۔ شرپداریں مہمان ءَ دمگی امن ءُ ایمنی ءِ دیمروئی ءِ واستہ پاکستان ءِ جوانیں کرد ءِ ساڑات ءُ دوئیں براتیں ملک آنی نیام ءَ ھاسیں رنگ ءَ کشت ءُ کشاری ءُ چاگردی برجائی ءِ شوبگ آنی تہ ءَ کمک ءَ را گیش گیش کنگ ءِ واھشت ءِ درشان کت۔