ادارُکی صدر سردار ایاز صادق ءَ بیرسٹر افتخار گیلانی ءَ را آزات جموں کشمیر ءِ مزن وزیر گچین بوھگ ءِ مبارک بات داتگ، نیکیں واھگ آنی درشان  

اسلام آباد۔28اگست (اے پی پی): ادارُکی صدر سردار ایاز صادق ءَ بیرسٹر افتخار گیلانی ءَ را آزات جموں ءُ کشمیر ءِ مزن وزیر گچین بوھگ ءِ پد ءَ مبارک بات داتگ ءُ وتی نیکیں واھگ آنی درشان ھم کتگ۔ جمعہ ءِ روچ ءَ وتی مبارکی بیان ءِ تہ ءَ آئی ءَ گوشت کہ بیرسٹر افتخار گیلانی ءِ آزاد جموں ءُ کشمیر ءِ مزن وزیر ءِ گچین بوھگ آئی ءِ سروکی ءِ ھنر ءِ سر ءَ کانود اسمبلی ءِ باسک آنی دل یکم ءِ درشان اِنت۔ آئی ءَ امیت سہرا کت کہ آزات جموں ءُ کشمیر ءِ نوک گچین بوتگیں مزن وزیر وتی سیاسی بصیرت ءُ سروکی ءِ ھنر ءَ کارمرد کنان ءَ ریاست ءَ را دیمروئی ءُ وشھالی ءِ راہ ءَ راھشونی کنت۔ آئی ءَ گوشت کہ آزات جموں ءُ کشمیر ءِ دیمروئی، وشھالی ءُ السی گہبودی ءِ واستہ فیڈریشن آزاد جموں ءُ کشمیر وتی سرجمیں کرد ءُ کمک ءَ برجاہ دار ایت، ءُ آزات جموں ءُ کشمیر ءَ جمہوری عمل ءِ برجائی ستا کرز انت۔ ادارُکی صدر سردار ایاز صادق ءَ آزات جموں ءُ کشمیر ءِ مزن وزیر بیرسٹر افتخار گیلانی ءِ کامیابی ءِ واستہ دعا کت۔