نائب مزن وزیر اسحاق ڈار ءَ سعودی ءِ دری کارانی وزیر ءَ را ٹیلی فون کتگ، آئی ءَ را او آئی سی ءِ سیکرٹری جنرل ءِ یکمشت ءَ گچین کنگ ءِ مبارک بات

اسلام آباد۔28اگست (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ سعودی ءِ دری کارانی وزیر شہزادہ فیصل بن فرحان السعود ءَ گوں ٹیلی فون ءِ سر ءَ گپ ءُ تران کت۔ جمعہ ءِ روچ ءَ دری کارانی کارگس ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءَ شہزادہ فیصل بن فرحان السعود ءَ را موریطانیہ ءِ پیسریگیں دری کارانی وزیر اسماعیل ولد شیخ احمد ءِ اسلامی کمک ءِ گل ءِ نوکیں سیکرٹری جنرل ءِ بستار ءَ یکوئی ءَ گچین کنگ ءِ سر ءَ مبارک بات داتگ۔ دوئیں رہشوناں دمگی جاورحال ءُ وت مہ وتی ءِ جیڈھ آنی سر ءَ ھم گپ ءُ تران کتگ ایشی ءِ تہ ءَ آر فور ءِ آیوکیں دیوان ھم ھوار اِنت۔ گپ ءُ تران ءِ ساھت ءَ دوئیں راہشوناں نزیکیں رابطہ برجاہ دارگ ءِ سرا تپاک کتگ ۔