مزن وزیر ءَ ایف بی آر ءِ اصلاحات ءَ را داتگیں وھد ءِ تہ ءَ سرجم کنگ ءِ پنت ءُ شون کتگ، ٹیکس چوری ءُ اسمگلنگ ءِ ھلاپ ءَ آپریشن ءَ را تیز کنگ بہ بیت

اسلام آباد۔28اگست (اے پی پی): مزن وزیر محمد شہباز شریف ءَ ٹیکس چوری، اسمگلنگ ءُ ناجائزیں کاروبار ءِ حلاف ءَ موثر آپریشن ءَ را تیز کنگ ءِ پنت ءُ شون کتگ ءُ ایف بی آر ءَ اصلاحات ءَ را ایر کتگیں وھد ءِ تہا سرجم کنگ ءِ پنت ءُ شون کتگ ءُ گشتگ کہ حکومت ملک ءِ دیمروئی ءِ ھاتر ءَ ٹیکس ءِ نظام ءَ اصلاحات ءِ سرا عمل کنگ ءَ انت۔ مزن وزیر محمد شہباز شریف ءِ سروکی ءَ جمعہ ءِ روچ ءَ ایف بی آر ءَ اصلاحات ءِ ھوالگ ءَ ہفتگی جائزہ دیوان برجم دارگ بوت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ را دیوان ءَ ’’پرال‘‘ ءِ نوک جوڑیشت ءِ ھوالگ ءَ سرپد کنگ بوت۔ مزن وزیر ءَ دیوان ءَ گوں گشتانک دیان ءَ گوشت کہ ٹیکس ءِ نظام ءَ اصلاحات ءِ واستہ گامگیج آنی سر ءَ عمل درآمد ایر کتگیں وھد ءُ پاس ءِ تہ ءَ سرجم کنگ بہ بیت ءُ اصلاحات ءِ سیمی فریق آڈٹ ءَ را دل یکیمی کنگ بہ بیت۔ مزن وزیر ءَ گوشت کہ ملک ءِ دیمروئی ءِ واستہ ٹیکس ءِ نظام ءَ اصلاحات کنگ بوھگ ءَ انت۔ آئی ءَ ڈیجیٹلائزیشن، پروڈکٹ مانیٹرنگ ءُ آٹومیٹک سسٹم ءَ را ایف بی آر ءِ اصلاحات ءِ مستریں ستون لیک اِتگ ءُ ٹیکس چوری، اسمگلنگ ءُ ناجائزیں کاروبار ءِ ھلاپ ءَ موثر کارروائی ءَ را گیش مھکم کنگ ءِ پنت ءُ شون کتگ۔ آئی ءَ ایف بی آر ءَ جوانیں نام ءِ سامان ءِ ارزیابی کنوک آنی گچین کنگ ءِ عمل ءَ را وش آتکیں دیمروئی لیک اتگ ءُ گوشت کہ اے درگت ءَ چیئرمین ایف بی آر ءُ آئی ءِ ٹیم ءِ کوشست ستا کرز انت۔ دیوان ءَ ایف بی آر ءَ برجاھیں اصلاحات ھاسیں رنگ ءَ ”پی آر اے ایل“ ءِ نوکیں رنگ ءَ جوڑ کنگ، ٹیکس سسٹم ءِ ڈیجیٹلائزیشن ءُ سمگلنگ ءِ گر ءُ دار ءِ واستہ گامگیج آنی سر ءَ سرجمیں بریفنگ دیگ بوت، ایشی ءِ تہ ءَ ھال دیگ بوت کہ آئی آر آئی ایس 3.0، نوکیں ٹیکس آپریٹنگ ماڈل ءُ مرکزی ڈیٹا ہب ءِ سر ءَ مرحلہ وار کار کنگ بوھگ ءَ اِنت تانکہ ٹیکس سسٹم ءَ را نوکیں، یکجاھیں ءُ ڈیٹا ہب جوڑ کنگ بہ بیت۔ آئی آر آئی ایس 3.0 ءِ ڈیزائن ءِ ھاتر ءَ میان استمانی مشیر گپتگ انت۔ بریفنگ ءِ تہ ءَ گوشت کہ پی آر اے ایل ءَ ٹیکنالوجی، ڈیٹا سیکیورٹی، آپریشن ءُ ٹیکس ڈومین ءَ ھوار جتا جتائیں پڑ آنی تہ ءَ نوکیں سینئر لیڈر شپ ایر کنگ بوتگ وھدیکہ آئی آر آئی ایس 3.0 ءِ چیر دستی ءَ ٹیکس سسٹم ءَ را گیش موثر جوڑ کنگ ءِ منصوبگ ءِ سر ءَ کار ترندی ءَ گوں دیم ءَ روگ ءَ اِنت، آٹو ٹیکس ءِ تصور ءَ را پائلٹ کنگ ءُ آیوکیں وھد ءَ ٹیکس کولیکشن ءَ را گہتر کنگ ءِ واستہ مصنوعی ذہانت ءُ مشین لرننگ ءِ کارمردی کنگ بوھگ ءَ اِنت۔ کسٹم ءِ شوبگ ءَ بے دیمیں جائزہ ءِ جوانیں اثر ءِ ھوالگ ءَ دیوان ءَ را سرپد کنگ بوت کہ جنوری ءَ چہ جون 2026ءِ ساھت ءَ 12درسد ءِ اوسط آمدنی ءِ تہ ءَ گیشی ریکارڈ کنگ بوتگ۔ بے ضابطگی ءِ سبب ءَ بوتگ۔ 280 سامان ءِ جائزہ کار آنی بھرتی ءِ عمل گڈی پڑ ءَ انت تانکہ کسٹم ءِ جائزہ ءِ نظام ءَ را گیش یکجا کنگ بہ بیت۔ اسلام آباد ءَ مرکزی جائزہ یونٹ ءِ جوڑ کنگ ءِ سر ءَ ھم پیشرفت کنگ بوھگ ءَ اِنت، ایشی ءِ تہ ءَ عبوری بندوبست ءِ رد ءَ یونٹ ءَ را 31دسمبر 2026ءَ تاں آپریشنل جوڑ کنگ ءِ ٹارگٹ اِنت، وھدیکہ نوکیں کمپلیکس ءَ جون 2027ءَ تاں سرجمیں یکجاھیں آسراتی ءِ ٹارگٹ اِنت۔ دیوان ءَ را سرپدی دیگ بوت کہ جولائی 2025 ءَ ڈیجیٹل انوائسنگ ءِ وسیلگ ءَ 236ارب کلدار ءِ لین دین کنگ بوتگ وھدیکہ جولائی 2026ءَ ایشانی کساس 2.5 کھرب کلدار ءِ تک ءَ چہ گیش بوتگ، ءُ دسمبر 2026ءَ تاں ڈیجیٹل انوائسنگ ءِ وسیلگ ءَ 4 کھرب کلدار ءِ لین دین ءِ ٹارگٹ ایر کنگ بوتگ۔ قاچاق ءِ گر ءُ دار ءِ ھوالگ ءَ دیوان ءَ را سرپدی دیگ بوت کہ پٹرولیم ءِ چیز آنی ناجائزیں رھادگ بوھگ ءِ گر ءُ دار ءِ واستہ بازیں گامگیج سرجم کنگ بوتگ اَنت، ایشی ءِ تہ ءَ سرجمیں قانونی پٹرول پمپ آنی جی آئی ایس ٹیگنگ، جی پی ایس ءِ وسیلگ ءَ پٹرولیم ءِ چیز آنی ٹریکنگ، آئل مارکیٹنگ کمپنی آنی ای آر پی سسٹم ءَ را ٹریکر آنی گوما یکجا کنگ ءِ واستہ یک مرکزی ایپ ءِ ٹریکنگ ھوار اِنت۔ راہ گزر ایپ ءِ وسیلگ ءَ 2500 ناجائزیں پٹرول پمپ آنی حلاف ءَ کانودی کارروائی کنگ بوتگ، وھدیکہ پٹرولیم ءِ چیز آنی بہا کنگ ءِ ڈیجیٹل مانیٹرنگ ءُ اے دگہ گامگیج آنی سر ءَ ھم کار کنگ بوھگ ءَ انت۔ مزن وزیر ءَ پنت ءُ شون کت کہ ایف بی آر اصلاحات ءِ توامیں گامگیج ایر کتگیں وھد ءُ پاس ءِ تہ ءَ سرجم کنگ بہ بنت ءُ اصلاحات ءِ عمل ءِ شفافیت، کارکردگی ءُ برجائی ءِ واستہ تھرڈ پارٹی آڈٹ ءَ را دل یکیمی کنگ بہ بیت۔ مزن وزیر ءَ ٹیکس نظام ءَ را نوک کنگ ءُ کارآمد جوڑ کنگ ءِ واستہ اصلاحات آنی سر ءَ عمل درآمد ءَ را گیش تیز کنگ ءِ پنت ءُ شون کت، آمدنی ءِ یکجا کنگ ءَ را گیش کنگ ءُ اسمگلنگ ءَ را سرجمی ءَ ھلاس کنگ ءِ واستہ پنت ءُ شون کت۔ دیوان ءِ تہ ءَ وفاقی وزیر اعظم نذیر تارڑ، ڈاکٹر مصدق مسعود ملک، احد خان چیمہ، محمد اورنگزیب، عطاء اللہ تارڑ، شزہ فاطمہ خواجہ، وزیرِ مملکت بلال اظہر کیانی، باسک  قومی اسمبلی عثمان اویسی، گورنر اسٹیٹ بینک جمیل احمد، چئیرمین ایف بی آر  ءَ  بہر زوری کتگ۔