پاکستان نا شامی ڈیموکریٹک فورسز ءِ شامی فوج اٹی اوار کننگ نا گام انا خیرمقدم

اسلام آباد۔ 28 اگست (اے پی پی)پاکستان اقوام متحدہ ءِ پارینے کہ کرد سرکڑدہ ئی ٹی جوڑ شامی ڈیموکریٹک فورسز (ایس ڈی ایف) ءِ شام انا فوج و ریاستی ادارہ غاتیٹی اوار کننگ ملک اٹی پائیدار امن و سوگوی نا کنڈ آ اسہ اہم گام اسے۔ شام انا سیاسی و انسانی حالیتآتیاسلامتی کونسل نا دیوان اٹی پاکستان نا نائب آخبتی نمائندہ عثمان جدون پارے کہ کیہی سال آتا جھیڑہ، بشخ و انسانیتنکی آن پد شام اتون داسہ سوگوی، بحالی و معمول نا زند انا کنڈ آ پدی بننگ آ چکارتننگ نا حقی موقع ساڑی ءِ۔ او پارے کہ ایس ڈی ایف نا ریاستیپنجراٹی اوار مننگ شامی ریاست و اونا ادارہ غاتا سوگوی نا کنڈ آ پیش رفت نا درشانی ءِ کیک۔ اونا پاننگ ئس کہ پائیدار سوگوی بیرہ اسہ پرامن، جامع و شامی الس نا ملکیت و سروکی ٹیبرجاسیاسی عمل نا کمک اٹ ہی دوئی مننگ کیک۔ سفیر عثمان جدون پارے کہ شام آ اقتصادی پابندی تیٹی نرمی آن زرگزرانی بحالی و جہانی نظام اٹیدُوارہ اوار مننگ نا گمان ودیمسنے ، ولے سرسہبی نا اصل پیمانہ دا مریک کہ دا گام گیج زرگزرانی سرجزآتیٹی ودکی،پوسکن تفنگ اٹیترندی و الس نا زند اٹی عملی گچینی نا سوب جوڑ مرے۔ او خبڑدارکرے کہ داعش و درملکی دہشت گرد جنگوڑوآک داسہ ہم شام اکن سنگین خطرہ ءُ ہندا سوب آن دہشت گردی نا برخلاف مربوط کارروائی المیءِ ۔ او شام انا خانہ جنگی نا خرین میرات آتون مون تننگ کن انصاف و بے کنڈ ہلوک عبوری انصاف نا گرج آ ہم زور شاغا۔ پاکستانی سفیر شام ءِ گیشترعلاقائی جھیڑہ غان مرتخنگ آ شامیسرکڑدہ غاتا ستاءِ کرے و ابو الظہور ایئربیس آ اسرائیلی جلہو نا ترندی اٹ مذمت ءِ کرسا اودے جہانی کانود نا خلاف ورزیگوندا۔ او 1974 نا جتائی معاہدہ نا شرف و غٹ مقبوضہ علاقہ غاتیان اسرائیلی فوج آتا پورو کشنگ آ زور شاغا۔