بنجائی وزیر داخلہ محسن نقوی نا فیڈرل کانسٹیبلری ٹریننگ سینٹرشب قدر نا دورہ، خصوصیہیلکاری مشق آتا معائنہ ءِ کرے

چارسدہ۔ 28 اگست (اے پی پی)بنجائی وزیر داخلہ محسن نقوی فیڈرل کانسٹیبلری ٹریننگ سینٹرشب قدر نا دورہ ءِ کرے۔ دورہ نا وخت آ بنجائی وزیر اینٹی رائٹ ونگ انا خصوصیہیلکاری مشق آتا معائنہ ءِ کرے و کارندہ غاتا کسبی لائخی ،پوسکن تربیت و آپریشنل تیاری نا ستاءِ کرے۔ بنجائی وزیر داخلہ اینٹی رائٹ ونگ انا کارندہ غاتا چندی عملی مشق آتے ہرا۔ کارندہ غاک مچی ءِ کنٹرول کننگ، حساس جاگہ غاتا رکھ، پرتشدد حالیتآتون مون تننگ و امن و ایمنی ءِ برقرار تخنگ نا بابت تیناکسبی مہارت نا عملی درشانی ءِ کریر۔ دا وخت آ بنجائی وزیر داخلہ محسن نقوی پارے کہ اینٹی رائٹ فورس ءِ پوسکن آ وڑتیا تربیت تننگانے، امن و ایمنی نا ہر حالیتآتون مون تننگ کن فورس پورو وڑاٹ تیار و پبی لائخی تخک۔ او پارے کہ ملک انا امن و ایمنی و سوگوی ءِ ہچ ءُ وڑ اسے ٹیلتاڑنگ نا موکل تننگپک، پرامن برانز ہر شاری نا حق ءِ، کانود برانز نا وڑوڈول ءِ پیدوار وڑ اٹ تعینءِ کرینے،کانود نا دنگ ءِ رہینگسا پرامن برانز آ کس اسے اعتراض اف۔ برانز نا آڑاٹ بیدادی ، پرغ و بٹ ، سرکارییا پرائیویٹ ملکیت آتے نسخان تننگ و امن و ایمنی ءِ خراب کننگ نا ہچ کس ءِ موکل تننگپک۔بنجائی وزیر داخلہ پارے کہ ریاست امن و ایمنی ءِ برقرار تخنگ نا تینا زمواری ءِ پورو کیک و کانود ءِ دوٹیہلوک آ زموار آتون کانودنا رداٹ سرتننگک۔ او پارے کہ امن و ایمنی نا ساڑی حالیتآتیٹی فیڈرل کانسٹیبلری نا کڑد مچ آ ملک اٹیبے کچ اہمیت تخک۔ او فیڈرل کانسٹیبلری نا کارندہ غاتے مخاطب کرسا پارے کہ نمےہر وڑ نا چیلنج آتا مقابلہ کننگ کن تیار مروئی ءِ، تینا تربیت ءِ پورو وڑ اٹ پورو کبوو پورو پورو کسبی تیاری اتون میدان اٹیدڑنگبو۔ دا وخت آ آئی جی فیڈرل کانسٹیبلری، ڈی آئی جی ٹریننگ، ڈی او ایف سی و ایلو بڑزکو آفیسر آک ہم ساڑی ئسر۔