بنجائی وزیر مواصلات عبدالعلیم خان نا کماشی ٹی ایکسل لوڈ کنٹرول رجیمنا بابت دیوان، مچ آ ملک انا وے سٹیشن تے 100 درسد خودکار جوڑ کننگ نا پرمان

اسلام آباد۔ 28 اگست (اے پی پی)بنجائی وزیر مواصلات عبدالعلیم خان ایکسل لوڈ کنٹرول رجیم نا آخبتی و پائیدار ایسری کن بروک غٹ کانودی و آپریشنلاڑاند آتے چٹفنگ کن این ایچ اے نا کانودی فریم ورک اٹ اسہ ہفتہ نا تہہ ٹیالمی ترمیم اتنگ، فیکٹری تیاجرمانہ غاتا نافذ کننگ و موٹرویز و قومی شاہراہ تیاپوسکن کیمرہ و آرٹیفیشل انٹیلی جنس نا کمک اٹ پورو آٹومیشن نافذ کننگ نا پارت کرینے ۔ دا ہیت ءِ او جمعہ نادے آ ایکسل لوڈ کنٹرول رجیم نا بابت اسہ بڑزکو کہول انا دیوان نا کماشی نا وخت آ کرے۔ دیوان اٹ بنجائی سیکرٹری مواصلات، چیئرمین این ایچ اے، آئی جی موٹروے پولیس، ڈی جی این ایل سی و ڈی جی ایف ڈبلیوتون او اوار ایلو تعلقدار کمامدارآک بشخ ہلکر و امور نا پورو جاچ ہلکر۔ بنجائی وزیرپیدوار کرے کہ کانودیترمیم آتا بنداوی مسخت ایکسل لوڈ نا نفاذ اٹ پیش بروک آ غٹ کانودی و آپریشنلاڑاند آتے ماس آن چٹفنگ ءِ تانکہ قومیمیرات یعنی سڑک آتا انفراسٹرکچر ءِ بھسکاری آن بچفنگ مرے۔ او پارے کہ ٹرک آتیا زیاتوزن شاغنگ نا سوب جوڑمروک فیکٹری تا باقاعدہ پیدواری ءِ کرسا داسہ اوفتیا ہم بھلو ڈنڈ اس نافذ کننگک۔ عبدالعلیم خان ٹرانسپورٹر آتے گاڑی تا پنجرآ پیدوار راہشونی فراوان کننگ نا پارت کرساپارےکہ گاڑی تیاداوڑنا بے گرج و بھلا آرائشی گڑاتا کاریم اٹ اتنگ ءِ توننگ مرے ہرا بیرہ گاڑی نا وزن ءِ ودفنگ نا سوب جوڑ مریک ۔ بنجائی وزیر ملک انا مچ آ وے سٹیشن تے 100 درسد خودکارجوڑ کننگ نا پرمان کرسا پارے کہ غٹ مال بردار گاڑیتا وے سٹیشن تیانگدرینگنگ ءِ ءِ المی گوندنگے تانکہ قطار و وخت انا زیان چٹے ۔ او موٹروے تا وڑآ جی ٹی روڈ تیا ہم وے سٹیشن جوڑ کننگ نا پارت کرے و پیدوارکرے کہ کانود نا خلاف ورزی کروک آ گاڑی تے ٹریک کننگ کن پوسکن کیمرہ و آرٹیفیشل انٹیلی جنس نا کمک ہلنگے۔