وزیرِ اعظم تون سعودیڈل انا اوڑدہی،متکن آ تعلقداری تے سوگو واپاری و زرکاریشریداری ٹی بدل کینہ، محمد شہباز شریف

اسلام آباد۔ 28 اگست (اے پی پی)وزیرِ اعظم محمد شہباز شریف پاکستان و سعودی عرب نا نیام اٹ ایلمی تعلقداری تے تالان کرسا پارینے کہ ہڑتوم آ ملک آک تزویراتیشریدار ءُ ،متکن آ تعلقداری تے سوگو واپاری و زرکاریشریداری ٹی بدل کینہ، مکہ مکرمہ اسیجائی دفاعی معاہدہ غان پاکستان، سعودی عرب و ترکیہ پین خُڑک بسنو، دا معاہدہ مچ آ ڈیہہاٹیسیوت و امن نا کلہو تسنے۔ دا خیال آتا درشانی ءِ او سعودی عرب نا وزیرِ ماحولیات، دیر و کشت وکشارانجینئر عبدالرحمٰن بن عبدالمحسن الفضلی تون گپ و تران کرسا کرے ہرا جمعہ نا دے آداڑے پی ایم ہاؤس اٹی اوڑتون اوڑدہی کرے۔ پی ایم آفس نا میڈیا ونگ انا رداٹ وزیرِ اعظم سعودی وزیر و اونا ڈل ءِ بخیر کرسا پارے کہ ہڑتوم آ ملک آتا نیام اٹ ایلمی تعلقداری ءِ ۔ او خادم الحرمین الشریفین شاہ سلمان بن عبدالعزیز آل سعود و ولی عہد شہزادہ محمد بن سلمان بن عبدالعزیز آل سعود کن نیکاست خواہی نا درشانی ءِ کرسا پارے کہ سعودی عرب، ترکیہ و پاکستان نا نیام اٹ زوت آتے اٹ طے مروک مکہ اسیجائی دفاعی معاہدہ غان ہر مسٹ آ ملک آک پین خُڑک بسنوو دا معاہدہ مچ آ ڈیہہاٹیسیوت و امن نا کلہو تسنے۔ او پارے کہ پاکستان و سعودی عرب سٹریٹجکشریدار ءُ ہندا سوب آن ہڑتوم آ ملک آک اقتصای و کشاری بشخ آتے ٹی کمکاری ءِ پین ودفنگ آ چکار کیرتانکہ متکن آ تعلقداری تے سوگو واپاری و زرکاریشریداری ٹی بدل کننگ مرے ہراڑآن ہڑتوم آ ملک آتے فائدہ مرے۔ وزیرِ اعظم ہڑتوم آ ملک آتا نیام اٹ خاص کر پاکستان آن سعودی عرب ءِ کشاری گڑاتابرآمد نا بابت برجامثبت کمکار ی آ است جمی نا درشانی ءِ کرے۔ اوڑدہی ٹی پاکستان اٹیکشاری پیداوار ءِ ودفنگ کن ٹیکنالوجی،پٹ وپول و شونداری و دیرانا وسیلہغاتا گیشترکاریم اٹ اتنگ نا کمک اٹ کمکاری ءِ ودفنگ آ ہم گپ و تران مس۔ وزیرِ اعظم پڑو کرے کہ پاکستان نا کشاری چاہندار آتا اسہ ڈل اس زوت ریاض نا دورہ ءِ کیک ہراڑے ہڑتوم آ ملک آتا نیام اٹ دا امور تیا پین گپ و تران کننگک تانکہ دا شریداری نا پورو لائخی آن فائدہ ہرفنگ مرے۔ سعودی وزیرجم و جوش اٹ بخیر و مہمانداری آ وزیرِ اعظم نا منت واری ءِ ہرفے۔ اوکشت وکشار ، دیر و غذائیرکھ انا بشخ آتے ٹی پاکستان تون کمکار ی ءِ پین ودفنگ نا سعودی عرب نا عزم انا درشانی ءِ کرے۔ اوڑدہی ٹیبنجائی وزیر رانا تنویر حسین،محمد اورنگزیب، عطا تارڑ، جام کمال خان، ڈاکٹر مصدق ملک، جنید انوار چوہدری، بلال اظہر کیانی، وزیرِ اعظم نا خاص کمکار طارق فاطمی و ڈاکٹر سید توقیر شاہ تون اوار ایلو بڑزکو کمامدار آک بشخ ہلکُر۔