چیف آف ڈیفنس فورسز و فیلڈ مارشل سید عاصم منیر تون ہارورڈ بزنس اسکول نا طالب علم آتا اوڑدہی، تعلیم،کسبکاری نا مون آ دننگ و حقیقت آ تالان جاچکاری لائخی تے کاریم اٹ اتنگ نا اہمیت آ زور

راولپنڈی۔ 28 اگست (اے پی پی)چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر ورناتیکن تعلیم،کسبکاری نا مون آ دننگ ، کاروباریسرجزو حقیقت آ تالان جاچکاری لائخی تے کاریم اٹ اتنگ نا اہمیت آ زور شاغانے۔ جُمعہ نا دے آپاک فوج انا شعبہ تعلقاتِ عامہ (آئی ایس پی آر) نا کنڈآن جاری بیان نا رداٹ چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر پاکستان نا دورہ غا بروک ہارورڈ بزنس سکول نا چندی ملک آتیان تعلق تخوک آ طالب علم آتا ڈل اتون اوڑدہی کرے و اوفتے تون گپ و تران کرے۔ اوڑدہی نا وخت آ علاقائی و جہانی حالیت، پاکستان نا سکیورٹی منظرنامہ و ڈیہہ اتون اوار مچ آ دنیا ٹی امن، سوگوی و شونہالی نا مون آدننگ کن کروک آ کوشست آتیاگپ وتران کننگا ۔ چیف آف آرمی سٹاف و چیف آف ڈیفنس فورسز ورناتیکن تعلیم،کسبکاری نا مون آ دننگ ، کاروباریسرجزو حقیقت آ تالان جاچکاری لائخی تے کاریم اٹ اتنگ نا اہمیت آ زور شاغا تانکہ ہندن ودوک آ غیریقینی و پرآشوب جہانیچاگڑد اٹ بامعنی کڑد ادا کننگ کیر ہراڑے سوشل میڈیا و پروپیگنڈا ہم اثر انداز مننگ ءِ ۔ ہارورڈ بزنس سکول نا طالب علم آک پاکستان نا برجادورہ غا تیٹی تینا خوشگوار آزموندہ غاتا درشانی ءِ کریر۔ او خاص کر پاکستانی الس نا کشادہ دلی و گرمجوشی نا ستاءِ کریر و پاکستان اٹ ساڑی بے کچ لائخی و وارخواہی تاہم ستاءِ کریر۔