پاکستانی الس مکہ مشترکہ دفاعی معاہدہ ءِ امن و سرسہبی نا کلہو اس گوندار

اسلام آباد۔ 12 اگست (اے پی پی)پاکستان، سعودی عرب و ترکی نا نیام اٹ مکہ مشترکہ دفاعی معاہدہ نا بھاز ستا ءِ کننگ انگ ءِ، پاکستانی الس معاہدہ ءِ امن، سیوت و سرسہبی نا کلہو اس گوندسا دادے امتِ مسلمہ نا سوگو آ آخبت نا نوید گوندانو۔ دا بابت اسہ سروے اسے ٹی شاریک مکہ مشترکہ دفاعی معاہدہ نا بابت تینا جوزہ غاتا درشانی ءِ کرسا پاریر کہ دا معاہدہ غان پاکستان دنیا ٹی اسہ بھلو و سوگو ءُ طاقت اسے نا وڑ اٹ مون آ بسنے۔ او پارے کہ مکہ مشترکہ دفاعی معاہدہ بانی پاکستان قائداعظم محمد علی جناحؒ نا وژن نا پورو کننگ ءِ، وخت اس کہ پاک فوج انا کوشست آتا سوب آن پاکستان ءِ اسہ سوگو آ طاقت اسے نا وڑ اٹ مننگ انگ ءِ۔ شاریک پاریر کہ مسہ برادر اسلامی ملک آتا نیام اٹ دا تاریخ ساز معاہدہ مون آ ہنسا امتِ مسلمہ نا سیوت و تین پہ تینی کمک ءِ پین مون آ دننگ نا سوب جوڑ مریک ۔ او پارے کہ مکہ مشترکہ دفاعی معاہدہ پاکستان، سعودی عرب و ترکی نا سیوت و امتِ مسلمہ نا سوگو آ آخبت نا نوید ءِ۔