اسلام آباد۔ 12 اگست (اے پی پی)نائب وزیراعظم و وزیر خارجہ سینیٹر محمد اسحاق ڈار تون ایران نا سفیر رضا امیری مقدم اوڑدہی کرے۔ دفتر خارجہ نا رداٹ چارشنبے نادے آایران نا سفیر نائب وزیراعظم ءِ پاکستان و ایران نا نیام اٹ ساڑی آ بڑزکو کہولی دورہ غاتا تبادلہ غان پد چندی بشخ آتیٹی کمکاریءِ مون آ دننگ کن جوڑ کروک ہڑتوم آ کنڈآتا ادارہ جاتی نظام نا رداٹ مروک …
نائب وزیراعظم محمد اسحاق ڈار تون ایران نا سفیر رضا امیری مقدم نا اوڑدہی
گیشتریں ھال
اسلام آباد۔ 12 اگست (اے پی پی)نائب وزیراعظم و وزیر خارجہ سینیٹر محمد اسحاق ڈار تون ایران نا سفیر رضا امیری مقدم اوڑدہی کرے۔ دفتر خارجہ نا رداٹ چارشنبے نادے آایران نا سفیر نائب وزیراعظم ءِ پاکستان و ایران نا نیام اٹ ساڑی آ بڑزکو کہولی دورہ غاتا تبادلہ غان پد چندی بشخ آتیٹی کمکاریءِ مون آ دننگ کن جوڑ کروک ہڑتوم آ کنڈآتا ادارہ جاتی نظام نا رداٹ مروک آ پیش رفت نا بارواٹ معلومداری تس۔ نائب وزیراعظم ایران تون اولیتی بشخ آتیٹی رابطہ و کمک ءِ پین ودفنگ کن پاکستان نا عزم انا درشانی ءِ کرے۔ ہڑتوم آ کنڈآتیان ڈیہہ انا بدل مروک حالیت آتیا ہم گپ وتران کننگا۔ نائب وزیراعظم دا ہیت آ زور شاغا کہ زیر التوا ویل آتا ایسری و ڈیہہ اٹی دیرپا امن، سوگوی و شونہالی نا دوئی کننگ کن گپ وتران و سفارت کاری ہی گچین ذریعہ غاک ءُ۔
