تعلیم، پٹ وپول ، ٹیکنالوجی، گوازی، کاروبار و چندی زند انا بشخ آتیٹی ننا ورنا ک تینا لائخی تے منفنگ ءُ، ڈاکٹر طارق فضل چوہدری

اسلام آباد۔ 12 اگست (اے پی پی)بنجائی وزیر پارلیمانی امور ڈاکٹر طارق فضل چوہدری پاکستانی ورناتے خراج تحسین پیش کرسا پارینے کہ ننا ورنا چین تینا خواری ، لائخی و عزم اٹ ملک انا آخبت ءِ پوسکن ءُ اومیت اس تننگ ءُ ۔ دا خیال آتا درشانی ءِ او ورناتا جہانی دے انا وخت آ تینا اسہ کلہو اسے ٹی کرے۔ او پارے کہ ورنا ک بیرہ آخبت نا وارث آفس بلکن اینو نا پاکستان نا تعمیر اٹی ہم اہم کڑد ادا کننگ ءُ، تعلیم، پٹ وپول ، ٹیکنالوجی، گوازی، کاروبار و زند انا چندی بشخ آتیٹی ننا ورنا ک تینا لائخی تے منفنگ ءُ ، ننے تینا ورنا چین آ پورو یخین ءِ، اگہ اوفتے درست راہشونی ، آب اٹ تعلیم، پوسکن کسب و مون آ ہننگ نا بریبر وارخواہی تننگے تو ہندا ورنا ک پاکستان ءِ شونداری و آسودہی نا پوسکن آ بڑزی تسکان دننگ کیرہ۔ او پارے کہ ننا غٹ انا زمواری ءِ کہ ورناتا لائخی تے مثبت کنڈ آ دین ، اوفتا تغ تے وارخواہی تیٹی بدل کین و اوفتے راجی شونداری نا سفر انا حقی شریدار جوڑ کرین۔