ورناک پاکستان نا شونداری و شونہالی نا حقی محرک آک ءُ، حکومت تعلیم، کسب و کاروبار نا بشخ آتیٹی وارخواہی تے ودفنگ کن سنبرینگوک ءِ، وزیراعظم

اسلام آباد۔ 12 اگست (اے پی پی)وزیراعظم محمد شہباز شریف ورناتے ملکی شونداری و شونہالی نا حقی محرک گوندسا پارینے کہ حکومت تعلیم، کسب و کاروبار نا بشخ آتیٹی وارخواہی تے ودفنگ کن سنبرینگوک ءِ۔ چارشنبے نادے آ ایکس آ تینا کلہو اٹ وزیراعظم پارے کہ ورناتا جہانی دے انا وخت آ نن پاکستان نا ورناتا توانائی، لائخی و عزم ءِ خراجِ تحسین پیش کینہ۔ ننا ورنا ک پاکستان نا شونداری و شونہالی نا حقی محرک آک ءُ ہرافتاجدت، تخلیقی لائخی و سروکی ننا قوم انا روشنا آخبت ءِ جوڑ کننگ ءِ۔ او پارے کہ کنا حکومت تعلیم، کسبکاری و کاروبار نا بشخ آتیٹی وارخواہی تے ودفنگ کن سنبرینگوک ءِ تانکہ ہر پاکستانی ورنا ء واکدار کننگ مرے و او تینا پورو لائخی تے کاریم اٹ اتسا تینا تغ تے حقیقت اٹ بدل کننگ کیر۔