اسحاق ڈار ءَ گوں کینیڈین  ءِ وزیر ءِ درئی کاراں ٹیلی فون گپ ءُ تران کتگ ، دمگی جاور ءُ مکہ ءِ دیمپانی منوگری ءِ بابت ءَ گپ ءُ تران

اسلام آباد۔9اگست  (اے پی پی): نائب مزن وزیر ءُ درئی کارانی وزیر محمد اسحاق ڈار ءَ گوں کینیڈین درئی کارانی وزیر انیتا آنند  ءَ ٹیلی فون ءِ سر ءَ گپ ءُ تران کت۔ دوئیں رہشون آں دمگی جاور ھال آنی بابت ءَ ھاسیں رنگ ءَ پاکستان، سعودی عرب ءُ ترکی ءِ نیام ءَ نوکی ءَ بوتگیں مکہ ءِ یکجائی دیمپانی منوگری ءِ سر ءَ گپ ءُ تران کت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ وزیر ءِ درئی کار ءَ کرد درئی کار ءِ وزیر ءَ را اے منوگری ءِ باروا سرپدی داتگ ءُ دمگ ءَ امن ءُ ایمنی ءُ ایمنی ءِ دیمروئی ءِ واستہ وتی کرد ءَ پیلو کنگ ءِ سئیں ملک آنی یکجائی جزم ءِ درشان کتگ۔ دوئیں وزیرانی درئی کار ءَ امریکہ ءُ ایران ءِ تناظر ءَ بدل بوھوکیں جاور ھال آنی سر ءَ ھم ھیال ریچی کت ۔ نائب مزن وزیر ءُ دری کارانی وزیر اسحاق ڈار ءَ مقبوضہ مشرقی بیت المقدس ءِ جاور ھال آنی سر ءَ ھم چمشانک دات کہ ایشی ءِ سر ءَ گوستگیں روچاں اردن ءَ برجم داشتگیں وزارتی دیوان ءَ گپ ءُ تران کنگ بوتگ۔ دیوان ءَ بیت المقدس ءِ ھوالگ ءَ گپ ءُ تران ھم کنگ بوت۔ دوئیں وزیرانی درئی کار ءَ وت مہ وتی رابطہ آنی برجائی ءَ را ساڑات۔ اسحاق ڈار ءَ گوستگیں روچاں پاکستان ءِ تر ءُ تاب ءِ پد ءَ انیتا آنند  ءِ  شگر ءُ منت گپت۔ گپ ءُ تران ءِ گڈ ءَ دوئیں رہشوناں وت مہ وتی مفاد ءِ جیڈھ آنی سر ءَ نزیکیں رابطہ برجاہ دارگ ءِ سر ءَ تپاک کت۔