مکہ ءِ یکجائی دیمپانی منوگری پاکستان ءِ دیمپانی طاقت ءُ مسلمان امت ءِ یکوئی ءِ علامت انت، علی پرویز ملک

اسلام آباد۔9اگست  (اے پی پی): وفاقی وزیر دفاع علی پرویز ملک ءَ گوشت کہ مکہ ءِ یکجائی دیمپانی منوگری پاکستان ءِ دیمپانی طاقت ءُ مسلم امت ءِ یکوئی ءِ علامت انت۔ مکہ ءِ دیمپانی منوگری ءِ رد ءَ سئیں ملک آنی تہ ءَ چہ یکے ءِ سر ءَ زوراکی کنگ ءَ را سئیں ملک آنی سر ءَ زوراکی لیکگ بیت۔ یک شمبے ءِ روچ ءَ پاکستان، ترکی ءُ سعودی عرب ءِ نیام ءَ مکہ ءِ یکجائی دیمپانی منوگری ءِ بابت ءَ گپ ءُ تران کنان ءَ وفاقی وزیر ءَ گوشت کہ انچوش کہ پیسریگیں مزن وزیر محمد نواز شریف ءَ پاکستان ءَ را یک معتبریں قوت جوڑ کتگ ءُ ملک ءِ دفاع ءَ را ناقابل حملہ جوڑ کتگ، ھمے رنگ ءَ مکہ ءِ دیمپانی منوگری پاکستان ءُ عرب ترکی ءِ نیام ءَ دیمپانی یکوئی ءِ نوکیں مثال اِنت۔ آئی ءَ گوشت کہ مکہ ءِ دیمپانی منوگری ءِ رد ءَ سئیں ملک آنی تہ ءَ کجام ھم یکے ءِ سر ءَ زوراکی سئیں ملک آنی سر ءَ زوراکی لیکگ بیت۔ اے تپاک نامہ سئیں براتیں اسلامی ملک آنی نیام ءَ یکے دومی ءِ سر ءَ اعتماد، یکوئی ءُ مشترکہ دفاع ءِ عزم ءِ درشان اِنت۔ علی پرویز ملک ءَ گوشت کہ مکہ ءِ منوگری ھم پڑ ءَ امن ءُ ایمنی ءِ نیمگ ءَ ھاسیں گامگیج انت ایشی ءَ چہ پاکستان، سعودی عرب ءُ ترکی ءِ نیام ءَ دیمپانی ءُ اسٹریٹجک کمک ءَ را گیش مھکم بیت۔