پاکستان، ترکی ءُ سعودی عرب ءِ دیمپانی منوگری دمگ ءِ امن ءُ ایمنی ءِ واستہ المی انت، اویس لغاری

اسلام آباد۔9اگست  (اے پی پی): وفاقی وزیر توان سردار اویس احمد خان لغاری ءَ گوشت کہ پاکستان، ترکی ءُ سعودی عرب ءِ نیام ءَ یکجائی دیمپانی منوگری نہ ایوک ءَ پاکستان ءِ واستہ ازت ءُ شان ءِ وسیلہ انت بلکینگ ءَ سرجمیں دمگ ءِ واستہ یک ھاسیں گامگیج انت۔ یک شمبے ءِ روچ ءَ مکہ ءَ پاکستان، ترکی ءُ سعودی عرب ءِ نیام ءَ یکجائی دیمپانی منوگری ءِ سر ءَ گپ ءُ تران کنان ءَ آئی ءَ گوشت کہ پاکستان، ترکی ءُ سعودی عرب ھاسیں ملک اَنت کہ آھانی تہ ءَ مالی وسیلگ ءُ فوجی طاقت است انت ءُ وت رکینگ ءِ سرجمیں توان است انت۔ امن ءِ ھاتر ءَ جتا جتائیں ملک آنی یکجاہ بوھگ ءُ وتی دیمپانی توانائی آناں یکجا کنگ ءِ ھاتر ءَ دمگ ءِ امن ءِ برجائی ءُ ھرچ وڑیں ممکنہ تجاوزات ءِ دیم ءَ دارگ ءِ ھاتر ءَ المی اِنت۔ سردار اویس لغاری ءَ گوشت کہ سئیں ملک آیوکیں وھد ءَ یک دومی ءِ رکھینگ ءُ ایمنی ءِ واستہ یکجائی ءَ کمک کن اَنت وھدیکہ ہرمانت شرینگجا ءِ الس، ترکی ءِ الس ءُ پاکستان ءِ الس ءِ رکھینگ ءِ واستہ یکجائی کمک ءِ جار جنگ مزنیں گامگیج اِنت۔ آئی ءَ گوشت کہ آیوکیں وھد ءَ پاکستان، ترکی ءُ سعودی عرب یک آسن ءِ دیوال ءِ وڑ ءَ یکجاہ بنت ءُ کجام ھم زوراکی ءِ دیمپانی کن اَنت۔ سئیں ملکانی یکجاھیں زور ءِ سبب ءَ کس ءَ اے جرات نہ بیت کہ آ دمگ ءِ تہ ءَ یا دمگ ءَ دریں ملکانی ھلاپ ءَ زوراکیں گامگیج بہ زوریت۔ وفاقی وزیر ءَ گوشت کہ پاکستان، ترکی ءُ سعودی عرب ءِ اُلس ءُ حکومت آناں اے سئے نیمگی اتحاد ءِ پد ءَ مبارکی دیان آں ۔ اللہ تعالیٰ اے اتحاد ءَ دائمی بہ کنت ءُ سئیں ملک آنی نیام ءَ کمک ءَ را دمگ ءَ امن ایمنی ءُ برجائی ءِ وسیلہ جوڑ بہ کنت۔