پاکستان، سعودی عرب ءُ ترکی ءِ نیام ءَ دیمپانی منوگری نوکیں دور ءِ بندات انت، طلال چوہدری

اسلام آباد۔9اگست  (اے پی پی): تہی کارانی وزیر ءِ مملکت طلال چوہدری ءَ گوشت کہ پاکستان، سعودی عرب ءُ ترکی ءِ نیام ءَ دیمپانی منوگری یک نوکیں دور ءِ بندات انت۔ اے منگ نامہ کس ءِ ھلاپ ءَ نہ اِنت بلکیں آھانی حاکمیت، ایمنی ءُ رکھینگ ءِ واستا اِنت۔ یک شمبے ءِ روچ ءَ مکہ ءَ پاکستان، ترکی ءُ سعودی عرب ءِ نیام ءَ بوتگیں دو نیمگی منوگری ءِ بابت ءَ گپ ءُ تران کنان ءَ آئی ءَ گوشت کہ سئیں ملک آنی یکجائی ءَ چہ مسلمان آنی واستہ یک نوکیں امیت ءِ سوب جوڑ بیت۔ اے منوگری ءَ چہ نہ ایوک ءَ دمگ ءَ امن ءُ ایمنی کیت بلکینگ ءَ سرجمیں دگنیا ءَ ایمنی ءُ توازن ءِ برجائی ءَ ھم ھاسیں کرد پیلو کنت۔ طلال چوہدری ءَ گوشت کہ مارا سک باز وشی اِنت کہ اللہ تعالیٰ پاکستان ءَ را اے موہ داتگ۔ الحمداللہ شہباز شریف مزن وزیر انت۔ ءُ مروچی ما اے مزنیں ذمہ واری ءِ سر ءَ اللہ ءِ دیم ءَ وتی سر ءَ جھل کنیں، پرچا کہ اے ذمہ واری ءِ تہ ءَ ھما پاکیں ھند ءُ دمگانی رکینگ ھم ھوار اِنت کہ مارا درستاں چہ وتی جند ءَ دوست تر اَنت۔ آئی ءَ گوشت کہ دیمپانی منوگری ءَ پد دگنیا ءَ پاکستان ءِ ارزشت باز رند ءَ گیش بوتگ ۔ گوستگیں لستیں ماھانی تہ ءَ پاکستان ءِ ھوالگ ءَ جوانیں پیشرفت بوتگ ءُ آیوکیں روچ ھم پاکستان ءِ واستہ جوانیں ھال ءُ اھوال ءِ آرگ ءَ انت انشاء اللہ۔