مکہ ءِ منوگری ءِ دروشم ءَ ھاس  دیمپانی انت ءُ ایشی ءِ مول ءُ مراد ہچ ملک ءِ ھلاپ ءَ کارروائی کنگ نہ انت، نائب مزن وزیر ءُ درئی کارانی وزیر سینیٹر  محمد اسحاق ڈار

اسلام آباد۔9اگست  (اے پی پی): نائب مزن وزیر ءُ دری کارانی وزیر سنیٹر  محمد اسحاق ڈار ءَ اے گپ پدر کتگ کہ مکہ ءِ منوگری ءِ دروشم ءَ چہ دیمپانی انت ءُ ایشی ءِ مول ءُ مراد ہچ ملک ءِ ھلاپ ءَ کارروائی کنگ نہ انت بلکیں دمگ ءَ امن، مھکم ءُ وشھالی ءِ ھاترا برجاھیں کوشست آناں گیش مھکم کنگ انت۔ ہر ملک اے منوگری ءَ ہوار بوت کنت کہ آ منوگری ءِ اصولانی سرا عمل کنگ ءُ یکے دومی ءِ احترام، تعاون ءُ امن ءِ وسیلہ ءَ اختلافات ءِ گیش ءُ گیوار کنگ ءِ واہگ دار بہ بیت۔ یک شمبے ءِ روچ ءَ ایکس ءِ سر ءَ وتی پیغام ءِ تہ ءَ نائب مزن وزیر ءُ درئی کارانی وزیر سردار محمد اسحاق ڈار ءَ مکہ ءِ یکجائی دیمپانی منوگری (مکہ ءِ منوگری) ءِ بابت ءَ درشان کت ءُ گوشت کہ ’’مکہ ءِ یکجائی دیمپانی منوگری‘‘ ءِ ھوالگ ءَ برجاھیں گپ ءُ تران ءُ السی مفاد ءِ رد ءَ ’’مکہ ءِ یکجائی دیمپانی منوگری‘‘ (مکہ ءِ منوگری) ءِ ھوالگ ءَ برجاھیں گپ ءُ تران ءُ السی مفاد ءِ تناظر ءَ اے دو روچ ءِ تہ ءَ اے گپ ءِ درشان کنگ بوتگ۔ آئی ءَ گوشت کہ مکہ ءِ یکجائی دیمپانی منوگری کہ ایشی ءِ سر ءَ پاکستان، سعودی عرب ءُ ترکی ءِ نیمگ ءَ 7اگست 2026 ءَ مکہ ءَ یکجائی ءَ دستخط کنگ بوتگ، اے سئیں ملک آنی یکجائی ءُ راج آنی نیام ءَ براتی سیادی آنی گہتری ءِ آدینک انت۔ آئی ءَ گوشت کہ مکہ ءِ منوگری بازیں سال آنی تہ ءَ گپ ءُ تران ءُ وت مہ وتی ھمگرنچی ءِ آسر اِنت، ایشی ءِ مول ءُ مراد امن ءُ ایمنی ءِ جتا جتائیں چیلنج آنی گیواری، اسٹریٹجک کمک ءَ را مھکم کنگ ءُ پڑ ءَ امن، برجائی ءُ وشھالی ءِ دیمروئی ءِ یکجائی واھشت ءَ را دیم ءَ برگ اِنت۔ نائب مزن وزیر ءَ گوشت کہ مکہ ءِ منوگری ءَ اے ملک آنی نیام ءَ استیں دو نیمگی یا کثیر نیمگی منوگری، یا دگہ ملک ءُ تنظیم آنی گوما منوگری ءِ رد کنگ، ترمیم یا رد کنگ نہ بیت۔ سئیں ملکانی تہا چہ یکے ءِ سرا سلاہ بندیں اُرش ءَ را سئیں ملکانی سرا اُرش لیکگ بیت کہ اے اقوام متحدہ ءِ منشور ءِ آرٹیکل 51 ءِ رد ءَ انفرادی ءُ اجتماعی دفاع ءِ ذاتی حق ءِ رد ءَ انت۔ آئی ءَ گوشت کہ مکہ ءِ منوگری خالص دیمپانی رنگ ءَ انت۔ ایشی ءِ مول ءُ مراد ھچ ملک ءِ ھلاپ ءَ گامگیج زورگ نہ اِنت بلکیں مئے امن، مھکم ءُ وشھالی ءِ ھاترا برجاھیں کوشست آناں گیش مھکم کنگ اِنت۔ مکہ ءِ منوگری ءِ ھاتر ءَ دمگ ءِ ھرچ ملک ءِ ھاتر ءَ پچ اِنت کہ آ وتی بُن ھشت ءِ رھبندانی سر ءَ عمل بہ کنت ءُ یکے دومی ءِ احترام، کمک ءُ امن ءِ وسیلگ ءَ اختلافات آناں گیش ءُ گیوار کنگ ءِ واھشت مند بہ بیت۔ اے منوگری مئے دری پالیسی ءِ بُن ھشت ءِ رہبندانی رد ءَ اِنت۔ نائب مزن وزیر ءُ وزیر ءِ درئی کار ءَ اے گپ پدر کت کہ پاکستان برجائی امن ءُ ایمنی ءِ واستہ خطہ ءِ توامیں براتیں ملک آنی گوما نزیکیں کمک ءَ را برجاہ دارگ ءِ واھشت مند اِنت۔ ما درستیں جیڈھ آنی پرامن گیواری ءِ دیمروئی ءُ وتی راج آنی واستہ گیش ایمن، مھکم ءُ وشھالیں آیوکیں وھد ءِ جوڑ کنگ ءِ واستہ پابند ایں ۔