بلوچستان ءَ گشگ بوتگیں راجی سوت وطن ءِ مہر ءُ پگر ءِ جذبہ ءَ جوانیں رنگے ءَ پدر کن انت، مزن وزیر شہباز شریف

اسلام آباد۔9اگست  (اے پی پی): مزن وزیر محمد شہباز شریف ءَ بلوچستان ءَ آجوئی ءِ روچ ءِ درگت ءَ گشگ بوتگیں راجی سوت ءَ را ساڑات ءُ گوشت کہ اے راجی سوت ءَ وتن ءَ گوں مہر ءُ پگر ءِ جذبہ ءَ را جوانیں رنگ ءَ پدر کنت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ آجوئی ءِ روچ ءِ آھگ ءَ گوں بلوچستان ءَ گشگ بوتگیں اے وشیں ءُ راجدوستیں سوت ءِ سر ءَ منی دل پھر ءَ پُر اِنت۔ مزن وزیر ءَ اے وشیں کوشست ءَ ہواریں گشندہ، ازمکار، پروڈیوسر ءُ ہر یک مردمے ءَ را مبارکی دات ءُ آہانی دل ءِ جہلانکی ءَ چہ شگر ءُ منت گپت کہ آہاں اے جوانیں کوشست ءَ وتی کرد پیلو کت۔ مزن وزیر ءَ گوشت کہ آ درستاں وتی پت ءِ سرزمین ءَ گوں مھر ءُ پھیسی ءِ جذبہ ءَ را جوانیں رنگ ءَ پدر کتگ۔