آزات جموں ءُ کشمیر ءَ لس گچین کاری ءِ سیمی بھر ءِ پیشرفت ءِ سر ءَ چار ءُ تپاسی ءِ تہ ءَ وزیر ءِ تہی کار ءِ سروکی ءَ دیوان

اسلام آباد۔4اگست  (اے پی پی): اسلام آباد ءَ پونچ ڈویژن ءِ وزیر مملکت ءِ کار ءُ گچین کاری ءِ کوآرڈینیٹر طلال چوہدری ءِ سروکی ءَ آزات جموں ءُ کشمیر ءِ سیمی بھر ءِ عام گچین کاری ءِ پیشرفت ءِ چار ءُ تپاسی ءِ تہ ءَ دیوان برجم دارگ بوت کہ ایشی ءِ تہ ءَ ضلعی ڈویژن لیگ ءِ ضلعی کوآرڈینیٹر، حلقہ ءِ کوآرڈینیٹر مسلم لیگ (ن) ءَ چہ بھر زوری کت۔ دیوان ءَ پونچ ڈویژن ءَ مسلم لیگ (ن) ءِ گچین کاری مہم، تنظیمی کار ءُ پولنگ ڈے ءِ حکمت عملی ءِ سر ءَ سرجمی ءَ چار ءُ تپاسی کنگ بوت۔ اے موہ ءِ سر ءَ تران کنان ءَ طلال چوہدری ءَ گوشت کہ آزاد کشمیر ءِ گچین کاری آنی اولی دوئیں بھر آنی تہ ءَ مسلم لیگ ءِ دراجیں سوبمندی وفاقی ءُ پنجاب حکومت ءِ کارکردگی ءِ سر ءَ کشمیری الس ءِ سرجمیں دل یکیمی ءِ درشان اِنت۔ آئی ءَ گوشت کہ کشمیری آں ھالیگیں نعرہ آنی بدل ءَ کار ءُ کارکردگی ءِ ووٹ داتگ ءُ مرچی پاکستان ءِ ھمک دمگ پنجاب ءِ وڑ ءَ دیمروئی لوٹ ایت۔ بلاول بھٹو زرداری ءِ برنا ءِ سر ءَ رد عمل پیش کنان ءَ آئی ءَ گْوشتگ کہ آ وتی دل ءَ پچ بہ کنت، سرمچار شکست ءِ سر ءَ گریوگ ءَ شر نہ گندگ ءَ کاینت۔