وفاقی وزیر انجینئر امیر مقام سوات ءِ تراک ءَ ٹپیانی چارگ ءِ ھاترا سیدو شریف ءِ نادراھجاہ ءَ تر ءُ تاب

سوات۔ 04 اگست (اے پی پی): کشمیر ءِ کارانی وفاقی وزیر گلگت بلتستان ءُ صدر پاکستان مسلم لیگ ءِ انجینئر امیر مقام ءَ سوات ءِ تراک ءَ ٹپیگ آنی چار ءُ تپاسی ءِ واستہ سیدو شریف ہسپتال ءِ تر ءُ تاب کتگ، اودا آئی ءَ ٹپیگ آنی جان سلامتی ءِ بابت ءَ جست ءُ پرس کتگ ءُ آہانی دعا کتگ۔ وفاقی وزیر انجینئر امیر مقام ءَ ہسپتال ءِ جتا جتائیں وارڈ آنی تر ءُ تاب کت، ٹپیگ ءُ اہلکار آنی گوما گند ءُ نند کت ءُ آہانی کھول ءِ جرات ءِ توسیپ کت ءُ دل یکیمی دات کہ وفاقی حکومت آماچیں کھول آنی واستہ ہر وڑیں کمک ءَ کنت۔ اے موہ ءِ سر ءَ تران کنان ءَ وفاقی وزیر ءَ گوشت کہ آ پاکستان مسلم لیگ (ن) ءِ سروک میان محمد نواز شریف ءُ مزن وزیر میان محمد شہباز شریف ءِ نیمگ ءَ چہ ٹپیگ آنی جان سلامتی ءِ بابت ءَ جست ءُ پرس کنگ ءُ آھانی گوما یکوئی ءِ درشان کنگ ءِ واستہ اتکگ آں ۔ فیڈرل انجینئر امیر مقام ءَ گشتگ کہ من ءَ اے گپ ءِ اشکنگ ءَ سک باز دلپدرد بوتگ کہ خیبر پختونخوا ءِ سر وزیر چوشیں نازرکیں موڑ ءَ ہم سیاست ءِ بابت ءَ پریشان بوتگ۔ آئی ءَ گوشت کہ بنجاھی وزیر صوبگ ءِ چیف ایگزیکٹو اِنت ءُ آئی ءِ پارٹی گوستگیں سی ءُ یک سال ءَ چہ صوبگ ءِ تہ ءَ اقتدار ءَ اِنت پمیشکا امن ءُ ایمنی ءِ برجائی صوبائی حکومت ءِ آئینی ءُ انتظامی ذمہ واری اِنت۔ آئی ءَ گوشت کہ اے ملامت لئیگ یا سیاسی پوائنٹ اسکورنگ ءِ وھد نہ انت، بلے سیاست ءَ چہ بُرز چست بوھگ ءُ ناشرکاری ءِ آفت ءِ ھلاپ ءَ یکجا بوھگ ءِ ضلورت انت۔ آئی ءَ اے گپ ءِ سر ءَ زور پر دات کہ راجی سلامتی ءُ راجی ایمنی ءِ جیڈھ ءِ سر ءَ توامیں سیاسی قوت اختلاف آنی سر ءَ بُرز بہ بنت ءُ یکجائی رھبند ءِ زیرگ لوٹ ایت۔ انجینئر امیر مقام ءَ گشتگ کہ من ءَ وت ناشرکارانی ہفت وت کُش اُرش ءِ دیمپانی بوتگ، من ءَ اے درد ءِ مارشت انت۔ آئی ءَ گوشت کہ ناشرکاری ءِ سبب ءَ بے کساس مردم شھید بوتگ انت، ھزاراں ھاندان بے لوگی ءِ سبب ءَ اندری ھجرت کنگ ءَ لاچار بوتگ انت ءُ آئی ءَ وت ھم وتی مردمانی لاش چست کتگ انت۔ پمیشکا آ آماچیں ھاندانانی درد ءُ رنجاں سک باز مار اِیت۔ آئی ءَ گوشت کہ ایوک ءَ بیان یا سیاسی گلاسنگ اوور ءَ چہ جیڈھ گیش ءُ گیوار نہ بنت۔ ضلورت اِنت کہ سرجمیں راج ءُ سرجمیں سیاسی سروکی یکجاہ بہ بنت ءُ ناشرکاری ءِ ھلاسی ءِ ھاترا عملی گامگیج بہ زور اَنت ءُ اے وبا ءِ ھلاپ ءَ یک مھکمیں ءُ یکجائی موقف ءِ زورگ بہ بنت۔ آئی ءَ سیادی داروکیں واکدار آناں ہدایت کت کہ آ ٹپیگ آناں جوانیں علاج ءِ آسراتی ءِ پجارینگ ءِ تہ ءَ ھچ وڑیں لاپروائی ءِ اجازت مہ دنت ءُ دستیابیں درستیں وسیلگ آناں کارمرد بہ کن اَنت تانکہ زدگیں مردم آناں وھد ءِ سر ءَ ءُ کوالٹی ءِ علاج ءِ آسراتی رس ایت۔ وفاقی وزیر ءَ تراک ءَ ٹپی بوتگیں سیکورٹی کارندہ آنی بہادری، فرض ءِ احساس ءُ قربانی ءِ جذبہ ءَ را شگر ءُ منت گپت ءُ گوشت کہ سرجمیں راج وتی بہادریں گارڈ آنی قربانی ءَ را ارزشت دنت وھدیکہ حکومت آوانی وشھالی ءُ علاج ءِ واستہ ھرچ وڑیں گامگیج زورگ ءَ برجاہ دار ایت۔ تر ءُ تاب ءِ وھد ءَ ضلعی پولیس افسر ءُ پولیس ءِ ایندگر مزنیں افسر ھم ھوار بوتگ اَنت ءُ وفاقی وزیر ءَ را تراک ءِ وئیل، سیکورٹی ءِ جاور ھال ءُ تاں انوگ ءَ بوتگیں پیشرفت ءِ بابت ءَ سرجمیں بریفنگ داتگ۔ ایشی ءَ چہ پیسر سیدو شریف ہسپتال ءَ سر بوھگ ءَ گوں میڈیکل سپرنٹنڈنٹ، سینئر ڈاکٹر ءُ انتظامی کارندہ آں وفاقی وزیر ءَ را وش آتک کت ءُ ٹپیگ آنی سرجمیں جاور ھال، جاری علاج ءُ ہسپتال ءَ داتگیں طبی آسراتی آنی بابت ءَ سرپد کت۔ انجینئر امیر مقام ءَ آماچیں ھاندان ءِ گوما دل ءِ تہ ءَ ھمدردی ءِ درشانی کت ءُ گوشت کہ اے غم ءِ ساھت ءَ حکومت آھانی ھمراھی ءَ اوشتاتگ ءُ ٹپیگ آنی الاج ءُ بحالی ءِ واستہ ھرچ وڑیں وسیلگ کارمرد کنگ بنت۔ ایشی ءَ پد کشمیر ءِ کارانی وفاقی وزیر ءُ گلگت بلتستان ءِ انجینئر امیر مقام ءَ سوات ءِ وت کُش اُرش ءَ شہید بوتگیں کارندہ آنی کھول آنی گس آنی تر ءُ تاب کت ءُ پاتیہ پیش کت، آھاں گوں دل ءِ جہلانکی ءَ دلپدردی درشان کت ءُ شھید آنی رند ءِ بُرز کنگ ءِ دعا کت۔ اے موہ ءِ سر ءَ پیسریگیں صوبائی وزیر ، مسلم لیگ ن سوات ڈویژن ءِ صدر واجد علی خان،سابق صوبائی وزیر و سابق ضلع  ناظم و سکرٹری جنرل محمد علی شاہ خان ، ضلع صدر قوی خان، سٹی مینگورہ صدر حاجی عمران خان،سکرٹری جنرل نور خان، وزیرِاعظم یوتھ کوآرڈینیٹر سید صادق عزیز باچا،سابق رکن صوبائی اسمبلی فضل اللہ خان   ءُ   پارٹی  ءِ دگہ اگدہ دار ءُ کارندہ ھم ھوار اتنت۔