ناشرکاری، جرم ءُ بدامنی ءِ ھلاپ ءَ پولیس ءِ قربانی سرجمیں راج ءِ ھاترا پھر ءِ وسیلہ اِنت، سینیٹر روبینہ خالد

اسلام آباد۔4اگست  (اے پی پی): چیئرپرسن بے نظیر انکم سپورٹ پروگرام ءِ سینیٹر روبینہ خالد ءَ پولیس شہید آنی روچ ءِ درگت ءَ راج ءِ بہادریں زھگ آناں شگر ءُ منت پیش کنان ءَ گوشت کہ پولیس شہید آنی روچ ءَ ما پولیس شہید آناں سلام پیش کن ایں کہ آہاں ملک ءِ واستہ وتی جان ندر کتگ۔ سئے شمبے ءِ روچ ءَ جاڑی بوتگیں کلوہ ءِ تہ ءَ سینیٹر روبینہ خالد ءَ گوشت کہ پولیس شھید آں امن، کانود ءِ حکمرانی ءُ السی ایمنی ءِ یک رژنائیں راجدپتر ءَ گوں وتی ھوناں جوڑ کتگ۔ راج وتی پولیس شہیدانی ابدی قربانی ءَ ہچبر شموشکار بوت نہ کنت۔ آئی ءَ گوشت کہ ناشرکاری، جرم ءُ بدامنی ءِ ھلاپ ءَ پولیس فورس ءِ قربانی سرجمیں راج ءِ واستہ پھر ءِ آدینک انت۔ خاندان شہیدان انتظامی مئے احترام، دعا و تمام یکوئی مستحق انت۔ چیئرپرسن بی آئی ایس پی ءَ گوشت کہ ما ھمک پولیس شھید ءَ را سلام پیش کن آں کہ آئی ءَ پاکستان ءِ امن ءُ ایمنی ءِ واستہ وتی سر ندر کتگ ۔ پولیس شہیدانی روچ مارا وطن ءِ رکھینگ ءِ واستہ داتگیں مزنیں قربانیانی یات ءَ کیت۔ اللہ تعالیٰ کلیں پولیس شہیدانی اڑاں برز بہ کنت ءُ پش کپتگیں ھانداناں سگ ءُ اوپار ءِ ھاٹیگ بہ دنت۔