حکومت یک ٹوھیں راجی بیٹری توانائی ءِ ذخیرہ کنگ ءِ فریم ورک ءِ سر ءَ کار کنگ ءَ اِنت کہ ایشی ءِ تہ ءَ سیفٹی ءِ رہبند، گرڈ کنکشن، تکنیکی لوٹ ءُ سرمایہ کار آنی واستہ ھاسیں  رھبند ھوار کنگ بنت، سردار اویس احمد خان لغاری

اسلام آباد۔4اگست  (اے پی پی):وفاقی وزیر توان سردار اویس احمد خان لگاری ءَ گوشت کہ پاکستان توان ءِ شوبگ ءَ راجدپتری مٹ ءُ بدلی ءِ تہ ءَ چہ گوزگ ءَ انت۔ آزاد اندازہ کاری ءِ رد ءَ گوستگیں مالی سال ءِ گڈ ءَ تاں ملک ءَ ڈسٹری بیوٹڈ سولر ءِ گنجائش 38 گیگاواٹ ءِ کساس ءَ سر بوتگ کہ اے یوٹیلٹی ءِ تک ءَ کلیں پیداوار ءِ گنجائش ءِ نزیک اِنت۔ حکومت یک ٹوھیں راجی بیٹری توانائی ءِ ذخیرہ کنگ ءِ فریم ورک ءِ سر ءَ ھم کار کنگ ءَ اِنت کہ ایشی ءِ تہ ءَ سرمایہ کار آنی واستہ سیفٹی ءِ معیار، گرڈ کنکشن، تکنیکی لوٹ ءُ ھاسیں رھبند ءُ رھبند ھوار بنت۔ سئے شمبے ءِ روچ ءَ سولر، اسٹوریج ءُ لچک ءِ کانفرنس 2026 ءَ گوں تران کنان ءَ وفاقی وزیر ءَ گوشت کہ سولر، اسٹوریج ءُ لچک ایوک ءَ سئے اصطلاح نہ اَنت بلکیں مرچی پاکستان ءِ بجلی ءِ شوبگ ءِ دیم ءَ اوشتاتگیں مزنیں تکنیکی ءُ پالیسی چیلنج آنی رد ءَ انت۔ نیشنل گرڈ یک راہ ءِ بجلی ءِ ٹرانسمیشن ءِ تصور ءِ رد ءَ جوڑ کنگ بوتگ وھدے کہ مرچی ایشی ءَ را لاکھوں لوگ ءُ کاروباری مراگش آنی چھت آنی سر ءَ ایریں شمسی نظام ءَ چہ بجلی رسگ ءَ اِنت ایشی ءِ آسر ءَ روچ ءِ تہ ءَ بجلی ءِ لوٹ کم بوھگ ءَ اِنت وھدے کہ شام ءِ وھد ءَ لوٹ گیش اِنت۔ پاکستان مرچی بے دروریں رفتار ءَ ہمے پڑ ءِ دیم ءَ انت کہ دنیا ءِ بازیں ملک یک دہائی ءَ چہ ایشی ءِ دیم ءَ دارگ ءِ تیاری ءَ انت، "بطخ کوہ” ءِ جاور۔ اے سوبمندی ھچ وڑیں سرکاری سبسڈی یا دراجیں مدتی منصوبہ بندی ءِ آسر نہ اِنت بلکیں لاکھوں پاکستانی شہری، کشت ءُ کشاری، صنعت کار، تاجر ءُ لوگی صارفین ءِ انفرادی پیسلہ ءِ آسر اِنت کہ آہاں کم ھرچ ءُ درچ ءُ معتبریں توانائی ءِ رسگ ءِ ھاترا شمسی ٹیکنالوجی ءِ سرا عمل کتگ۔ اے راستی ءَ راج ءِ سروکی ءَ توانائی ءِ انقلاب اِنت کہ اے گپ ءِ درشان اِنت کہ وھدے نوکیں ٹیکنالوجی ارزان ءُ دستیاب اِنت گڑا پاکستانی راج سگ نہ کنت بلکیں وتی فیصلہ ءَ کنت۔ آئی ءَ اے گپ ءِ پدرائی کت کہ پاکستان ءَ مرچی بجلی پیداک کنگ ءِ جیڈھ ءِ دیم ءَ نہ اِنت، مئے سرپلس بجلی ءِ پیداوار اِنت، اصل جیڈھ ایش اِنت کہ اے سرپلس شمسی توانائی ءَ را بچائینگ ءُ شام ءِ وھد ءَ کارمرد کنگ ءِ لائک جوڑ کنگ بہ بیت، اے ھما لچک اِنت کہ مرچی مارا گیش ءَ چہ گیش لوٹ اِنت۔ اویس لغاری ءَ گوشت کہ مرچی انرجی سیکورٹی ءِ بابت ءَ ایوک ءَ ملکی تناظر ءَ گپ ءُ تران کنگ نہ بیت۔ گوستگیں لھتیں ماھانی تہ ءَ میاں اوستمانی تک ءَ پیداکیں کش ءُ گوراں یک رندے پدا اے گپ ثابت کتگ کہ جھان ءِ جیڑھ توانائی ءِ بازار، تیل ءِ نھاد، جہاز رانی ءِ راہ ءُ ایندھن ءِ رسگ ءَ چونیں رنگے ءَ تاوان دنت۔ پاکستان ءِ وڑیں ملکے ءِ واستہ کہ انگت ءَ وتی تھرمل پاور ءِ پیداوار ءِ واستہ درآمدیں ایندھن ءِ سر ءَ سک باز بڈوئی کنت، اے وڑیں بے یقینی نہ ایوک ءَ مالیاتی استحکام ءِ سر ءَ بلکیں راجمانی زند ءِ سر ءَ ھم براہ راست اثر مند اِنت۔ وفاقی وزیر ءَ گوشت کہ بنجاھی وسیلگ آنی تہ ءَ چہ پیداک بوھوکیں ھمک یونٹ بجلی پاکستان ءِ توانائی ءِ آجوئی ءَ را گیش مھکم کنت۔ سورج ءُ ہوا ءِ توانائی ہما اثاثہ انت کہ آ ہچ وڑیں عالمی تنازعہ یا ہچ وڑیں درائیں مارکیٹ ءِ اتار چڑھاؤ ءَ چہ متاثر نہ بنت۔ البت بیٹری توانائی ءِ ذخیرہ کنگ ءَ اے وسیلگ راستی ءَ معتبر بنت دانکہ بجلی نہ ایوک ءَ روچ ءِ رژنائی ءَ دست کپیت بلکیں ھما وھد ءَ ھم کہ لس مھلوک ءَ را لوٹ ایت۔ آئی ءَ گوشت کہ اپریل ءَ قطر ءَ چہ آر ایل این جی ءِ سپلائی ءِ تہ ءَ رکاوٹ ءِ سبب ءَ شپ ءَ بجلی ءِ کمی بوتگ وھدیکہ روچ ءِ تہ ءَ سولرائزیشن ءَ بجلی ءِ ضلورت آناں پیلو کنگ ءَ مزنیں کرد پیلو کتگ، ایشی ءِ سبب ءَ بیٹری توانائی ءِ ذخیرہ کنگ ءِ نظام نہ ایوک ءَ گرڈ ءِ توازن ءِ وسیلگ اِنت بلکیں پاکستان ءِ توانائی ءِ یک ھاسیں ستون ءُ اقتصادی ستون اِنت۔ اویس لغاری ءَ گوشت کہ پاکستان ءِ نزیک ءَ 55درسد بجلی پیسر ءَ چہ ھائیڈرو پاور، ایٹمی، ھوا ءُ شمسی توان ءَ ھوار ساپیں وسیلگ آنی تہ ءَ چہ پیداک کنگ بوھگ ءَ اِنت۔ حکومت ءِ یک ھاسیں مول ءُ مراد ءِ است انت کہ آ 2035 ءَ تاں اے تناسب ءَ را 90درسد ءَ سر بہ کنت، ایوک ءَ قابل تجدید توانائی ءِ گنجائش ءَ را گیش کنگ ءَ چہ اے مول ءُ مراد سرجم نہ بیت۔ اگاں بیٹری ءِ ذخیرہ ءُ گرڈ ءِ لچک ءِ تہا متوازی سرمایہ کاری نہ کنگ بہ بیت گڑا ہر نوکیں شمسی یا ہوا ءِ گنجائش گرڈ ءِ ھاتر ءَ گیشتر جیڑھ پیداک کنت۔ پمیشکا بیٹری ءِ ذخیرہ کنگ اے سرجمیں سفر ءِ مستریں ستون اِنت کہ مئے مول ءُ مراداں سرمایہ کاری ءِ ھاترا ممکن، قابل اعتماد ءُ دلکش کنت۔ شمسی توانائی ءَ پد ساپیں توانائی ءِ تہ ءَ آیوکیں باب ءَ را بیٹری ءِ ذخیرہ ءُ لچک ءِ وسیلگ ءَ حکومت، ریگولیٹرز، صنعت، سرمایہ کار ءُ دیمروئی شریک آنی نیمگ ءَ یکجاہ جوڑ کنگ لوٹ ایت۔ آئی ءَ گوشت کہ مئے مول ءُ مراد ایوک ءَ درآمدیں بیٹری آنی سر ءَ بڈوئی کنگ نہ اِنت بلکینگ ءَ پاکستان ءَ بیٹری پیک، انکلوژر، سسٹم انٹیگریشن، انجینئرنگ، سافٹ ویئر ءُ ایشی ءَ گوں سیادی داروکیں ٹیکنالوجی ءِ لوکل انڈسٹری ءَ را دیمروئی دیگ اِنت تانکہ اے بدلی ءِ اقتصادی ارزشت ملک ءِ اندر ءَ ھم جوڑ بہ بیت۔ اے مول ءُ مراد ءِ چیر دستی ءَ وزارت صنعت ءُ پیداوار بیٹری توانائی ءِ ذخیرہ کنگ ءِ نظام ءِ لوکل مینوفیکچرنگ پالیسی ءَ را گڈی رنگ ءَ دیگ ءَ اِنت ایشی ءِ وسیلگ ءَ لوکل سرمایہ کاری ءُ پیداواری ءِ دلبڈی دیگ بیت۔ آئی ءَ گوشت کہ حکومت ءَ اے شوبگ ءِ تہ موثر پیشرفت ءِ واستہ نیشنل بیٹری انرجی اسٹوریج سٹیئرنگ کمیٹی جوڑ کتگ، ایشی ءَ را من ءَ سپرد کنگ بوتگ، ایشی ءِ گوما تکنیکی ءُ ریگولیٹری ورکنگ گروپ ھم جوڑ کنگ بوتگ انت تانکہ بیٹری اسٹوریج ءِ واستہ یک ھاسیں مارکیٹ، موثر ریگولیشنز ءُ سرمایہ کاری دوستیں فریم ورک ءِ دیمروئی کنگ بہ بیت۔ اے درگت ءَ ڈسکو آنی تہ ءَ بیٹری ءِ سٹوریج ءِ پائلٹ منصوبگ ھم منظور کنگ بوتگ اَنت تانکہ آیوکیں پالیسی ءُ ریگولیشن ءِ عملی تجربگ آنی بنیاد ءَ جوڑ کنگ بہ بیت۔ آئی ءَ گوشت کہ ایشی ءِ گوما حکومت یک سرجمیں راجی بیٹری توانائی ءِ ذخیرہ کنگ ءِ فریم ورک ءِ سر ءَ ھم کار کنگ ءَ اِنت۔ کنگ ءَ اِنت کہ ایشی ءِ تہ ءَ سیفٹی ءِ رہبند، گرڈ کنکشن، تکنیکی لوٹ ءُ سرمایہ کار آنی واستہ ھاسیں رھبند ءُ رھبند ھوار بنت، ایشی ءِ واستہ مارا وتی دیمروئی شریک آنی نیمگ ءَ چہ تکنیکی کمک ءِ ضلورت اِنت، سرمایہ کار آنی بھروسہ، ٹیکنالوجی ءِ داتگیں مردمانی تجربگ ءُ پاکستانی انجینئر ءُ صنعت کار آنی توانائی آنی ضلورت اِنت۔ اویس لغاری ءَ گوشت کہ ما ھما رپورٹ نہ لوٹ ایں کہ آ فائل آنی تہ ءَ ایوک ءَ زیب ءُ زیبائی بہ بنت بلکیں کارروائی ءِ لائکیں سفارشات بہ بنت کہ پاکستان ءِ توانائی ءِ آیوکیں وھد ءِ رھبند ءَ ٹھینگ بہ بنت، ما یک انچیں پاکستان ءِ جوڑ کنگ ءَ ایں کہ آ وتی توانائی ءِ واستہ جھان ءِ بے وسی آنی سر ءَ نہ بلکیں وتی روچ ، وتی انجینئر ، وتی صنعت ءُ وتی   ءِ سر ءَ بڈوئی کنت۔