مزن وزیر محمد شہباز شریف ءَ سرکاری ادارگ آنی نجکاری ءِ تہ ءَ پیشرفت ءِ چار ءُ تپاسی ءِ واستہ دیوان ءِ سروکی کت، نجکاری پروگرام ءِ توامیں پڑ آناں ٹھینگ بوتگیں وھد ءُ پاس ءِ تہ ءَ سرجم کنگ ءِ پنت ءُ شون

اسلام آباد۔3اگست  (اے پی پی): مزن وزیر محمد شہباز شریف ءَ نجکاری ءِ پروگرام ءِ درستیں پڑاں ٹھینگ بوتگیں وھد ءِ تہ ءَ سرجم کنگ ءِ پنت ءُ شون کتگ ءُ گوشت کہ سیادی داروکیں وزارت ءُ ادارگ نجکاری ءِ جتا جتائیں پڑ آناں وھد ءِ سر ءَ سرجم کنگ ءِ واستہ ھمگرنچیں رنگ ءَ کار بہ کن اَنت، زرعی دیمروئی بینک ءِ نجکاری ءِ کارروائی ءِ رھبند ءِ رد ءَ جوڑ کنگ بہ بیت زرعی شعبہ ءِ برجاہ دارگ بنت۔ دو شمبے ءِ روچ ءَ مزن وزیر محمد شہباز شریف ءِ سروکی ءَ سرکاری ادارگ آنی نجکاری ءِ تہ ءَ پیشرفت ءِ چار ءُ تپاسی ءِ واستہ دیوان برجم دارگ بوت۔ مزن وزیر ءَ دیوان ءَ گوں گشتانک دیان ءَ گوشت کہ نجکاری پروگرام ءِ چیر دستی ءَ ٹھینگ بوتگیں درستیں ٹارگٹ ءُ ٹائم لائن آنی سر ءَ عمل کنگ بہ بیت ءُ نجکاری ءِ جتا جتائیں بھر آنی وھد ءِ سر ءَ سرجمی ءِ واستہ سیادی داروکیں وزارت ءُ ادارگ ھمگامی ءَ کار بہ کن اَنت۔ مزن وزیر ءَ پنت ءُ شون کت کہ زرعی دیمروئی بینک ءِ نجکاری ءِ طریقہ کار انچیں رنگ ءَ جوڑ کنگ بہ بیت کہ بینک ءِ اصل مول ءُ مراد ءُ زرعی شوبگ ءِ تہا آئی ءِ کرد برجاہ بہ بیت، ءُ زرعی دیمروئی بینک ءِ زرعی وام ءُ مالی وسیلگ ءِ پھجارینگ ءِ سر ءَ کسانیں ءُ حاشیہ ءِ کشت ءُ کشاری ءَ پد مین ای کنگ بہ بیت۔ مزن وزیر ءَ گوشت کہ فی ایکڑ پیداوار ءَ را گیش کنگ ءِ واستہ کشت ءُ کشاری ھاسیں رنگ ءَ کسانیں ءُ حاشیہ ءِ کشت ءُ کشاری ءِ مالی وسیلگ آناں رسائی ءَ را گہتر کنگ المی اِنت، پاکستان ءِ اقتصادی دیمروئی ءُ وردن ءُ وراک ءِ سلامتی ءِ واستہ کشت ءُ کشاری دیمروئی بنیاتی ارزشت ءِ واھند اِنت۔ گند ءُ نند ءَ مزن وزیر ءَ را نجکاری ءِ پروگرام، جتا جتائیں سرکاری ادارگ آنی نجکاری ءِ تہ ءَ تاں انوگ ءَ بوتگیں پیشرفت ءُ آیوکیں وھد ءِ مول ءُ مراد آنی ھوالگ ءَ وزارت ءِ نجکاری ءِ نیمگ ءَ سرجمیں بریفنگ دیگ بوت۔ دیوان ءَ را گوشت دیگ بیت کہ حکومت ءِ نجکاری پروگرام ءِ رد ءَ سرجم ءَ 27سرکاری ادارگ جتا جتائیں پڑ آنی تہ ءَ نجکاری ءِ ایجنڈا ءِ تہ ءَ ھوار کنگ بوتگ اَنت۔ گند ءُ نند ءَ گوشگ بوت کہ پاکستان انٹرنیشنل ایئر لائنز ءُ فرسٹ وومن بینک ءِ نجکاری ءِ مالیاتی بندی بھر سرجم بوتگ ۔ مزن وزیر ءَ را گوشت بوت کہ پی آئی اے ءِ اولی مالیاتی بندش ءُ انتظامی کنٹرول ءِ ٹرانسفر 29جون 2026ءَ سرجم بوتگ۔مزن وزیر ءَ را اسلام آباد الیکٹرک سپلائی کمپنی، فیصل آباد الیکٹرک سپلائی کمپنی ءُ گجرانوالہ الیکٹرک پاور کمپنی ءِ نجکاری ءِ عمل ءِ بابت ءَ ھم سرپدی دات۔ دیوان ءَ را ھال دیگ بوت کہ سئیں کمپنی آنی واستہ دلچسپی ءِ درشان ءِ اشتہار دیگ بوتگ وھدیکہ سرمایہ کار آنی نیمگ ءَ دستاویزات جمع کنگ ءِ گڈی روچ فیسکو ءِ واستہ 7اگست، جیپکو ءِ واستہ 21اگست ءُ اسکول ءِ واستہ 7ستمبر ءِ جار جنگ بوتگ۔ دیوان ءَ ھال دیگ بوت کہ 1 انٹرنیشنل کمپنی ءَ اے کمپنی آنی تہ ءَ دلگوشی ءِ درشانی کتگ۔ گند ءُ نند ءَ گیش گوشگ بوت کہ اے درگت ءَ سرمایہ کار آنی گوما روڈ شو ھم جاری انت۔ مزن وزیر ءَ را زرعی دیمروئی بینک لمیٹڈ ءِ نجکاری ءِ ھوالگ ءَ پیشرفت ءِ بابت ءَ ھم سرپد کنگ بیت۔ دیوان ءَ چہ گوشگ بیت کہ زرعی دیمروئی بینک لمیٹڈ ءِ زرعی وام ءِ ھوالگ ءَ نان کیش مینڈیٹ ءِ رکھینگ ءِ واستہ ایگرچرل ڈویلپمنٹ بینک لمیٹڈ ءِ ٹرانزیکشن اسٹرکچرنگ ءِ سر ءَ ھاسیں ھیال داری کنگ بوھگ ءَ اِنت۔ دیوان ءَ اسلام آباد میاں اوستمانی بالی پٹ، جناح انٹرنیشنل ایئرپورٹ کراچی  ءُ علامہ اقبال میاں اوستمانی بالی پٹ لاہور ءِ نجکاری ءِ ھوالگ ءَ پیشرفت ءِ بابت ءَ ھم سرپد کنگ بیت۔ مزن وزیر ءَ جاری توامیں نجکاری ءِ جیڈھ آنی تہ ءَ دیمروئی ءِ سر ءَ برجمیں رنگ ءَ چار ءُ تپاسی کنگ ءُ ایر کتگیں ٹارگٹ آناں وھد ءِ سر ءَ سرجمی ءَ را دل یکیمی کنگ ءِ پنت ءُ شون کت۔ گند ءُ نند ءِ تہ ءَ نائب مزن وزیر ءُ درئی کارانی وزیر سنیئر محمد اسحاق ڈار، وفاقی وزیر خواجہ محمد آصف، جام کمال خان، احد خان چیمہ ، سردار اویس خان لغاری، وزیر مملکت بلال اظہر خان، ھاسیں کمکار ہارون   اختر ءُ  سیادی داروکیں اپسرگ آں بھر زوری کت۔