2026 ءَ سیکورٹی فورسز ءَ سرجمیں ملک ءَ 40348 ءَ چہ گیش انٹیلی جنس ءِ بنیاد ءَ آپریشن کتگ، 2084 ناشرکار بیران بوتگ، بلوچستان ءَ 31080 ءَ چہ گیش آپریشن کنگ بوتگ، ڈی جی آئی ایس پی آر لیفٹیننٹ جنرل احمد شریف چوہدری ءِ پریس کانفرنس

راولپنڈی ۔31جولائی  (اے پی پی): پاک فوج ءِ انٹر سروسز پبلک ریلیشنز ءِ ڈائریکٹر جنرل لیفٹیننٹ جنرل احمد شریف چوہدری ءَ گوشت کہ 2026 ءَ سیکورٹی فورسز ءَ سرجمیں ملک ءَ 40348 ءَ چہ گیش انٹیلی جنس ءِ بنیات ءَ ناشرکاری آپریشن کتگ کہ ایشی ءِ تہ ءَ 80 ءَ چہ گیش ناشرکاری آپریشن کنگ بوتگ۔ اے وھد ءَ بلوچستان ءَ 31080 ءَ چہ گیش آپریشن کنگ بوتگ ، وھدیکہ خیبرپختونخوا ءَ 7177 ءُ دگہ ملک ءَ 2091 آپریشن کنگ بوتگ ۔ سرجمیں ملک ءَ ناشرکاری ءِ 3145 واقعہ رپورٹ بوتگ انت کہ ایشی ءِ تہ ءَ 1971 خیبر پختونخوا ءَ بوتگ انت، 1148 بلوچستان ءَ بوتگ انت ءُ 26 ملک ءِ دگہ دمگاں چہ بوتگ انت کہ ایشی ءِ تہ ءَ 2084 ناشرکار بیران بوتگ انت کہ ایشی ءِ تہ ءَ 10 ناشرکار بیران بوتگ انت۔ جمعہ ءِ روچ ءَ ناشرکاری ءِ ھلاپ ءَ جنگ ءُ سیکورٹی ءِ کار آنی ھوالگ ءَ پریس کانفرنس ءَ گوں تران کنان ءَ آئی ایس پی آر ءِ ڈائریکٹر جنرل لیفٹیننٹ جنرل احمد شریف چوہدری ءَ گوشت کہ سیکورٹی فورسز روچے 200 ءِ کساس ءَ انٹیلی جنس ءِ بنیات ءَ آپریشن کنگ ءَ اَنت کہ اے روچے 194 ءِ اوسط اِنت۔ رواں سال ءِ تہ ءَ ناشرکاری اُرش آنی تہ ءَ 819 پاکستانی وتی جان ندر کتگ اَنت۔ ایشانی تہ ءَ 303 لشکر ءِ کارندہ بوتگ اَنت، 194 پولیس ءُ سول سلاہ بندیں اُرد ءَ ھوار کانود ءِ نفاذ ءِ ادارگ بوتگ اَنت ءُ 322 شہری بوتگ اَنت۔ ڈی جی آئی ایس پی آر ءَ گشتگ کہ اے سال ءَ سرجم ءَ 28 وت کُش بمب تراک بوتگ۔ آئی ءَ گوشت کہ گوستگیں سال ءِ وڑ ءَ وت کُش اُرش کنوکیں مردمانی گیشتریں بہر اوگان راج دپتر ءِ مردم اَنت۔ آئی ءَ گوشت کہ ٹینک ءَ انوگیں وئیل ءَ اوگانی ھمگرنچ بوتگ اَنت ءُ کراچی ءَ اوگان ھم ھوار بوتگ اَنت پمیشکا اے رواج برجاہ اِنت۔ اے وت کُشیں اُرشانی تہ ءَ بیران ءُ دستگیر ءُ ھواریں ناشرکارانی تہ ءَ اوگان راج ءُ ھما ھم کہ آھانی سیکورٹی فورسز ءَ گوں ھمگرنچ اَنت ھوار بوتگ اَنت۔ گوستگیں سال ءِ حوالہ ءَ آئی ءَ گوشت کہ 2025 ءَ 2597ناشرکار بیران بوتگ، اے سال ءَ تاں انوگ ءَ 2084 ناشرکار بیران بوتگ وھدیکہ نزیک ءَ نیم سال، نزیک ءَ چار ءُ پنچ ماہ انگت ءَ ھست انت۔ آئی ءَ گوشت کہ انسداد ناشرکاری ءِ متحرکیں تک پختہ بوھگ، پسو دیگ ءُ دیم دیگ بوھگ ءَ اِنت۔ اگاں 2023 ءَ بچار اِت گڑا مئے شھید ءُ ناشرکارانی کُشگ ءِ تناسب نا شر بوتگ، پرچا کہ مئے کارندہانی قربانیانی مقابلہ ءَ سک کم ناشرکار ھلاس کنگ بوتگ اَنت۔ آئی ءَ گوشت کہ اے ناشرکار ءُ آھانی سرپرست نوں سرپد بوتگ اَنت کہ ایشی ءِ تہ ءَ وش کنگ ءُ گپ ءُ تران ءِ گنجائش نیست۔ یک رندے کہ آ سرپد بنت کہ ریاست اے گپ ءَ پدر کنت کہ آ یا آئین ءُ قانون ءِ دیم ءَ سرنڈر بہ بنت یا آسراں گوں دیم پہ دیم بہ بنت گڑا آہانی ناامیتی پدر بیت۔ ڈی جی آئی ایس پی آر ءَ گیش گوشت کہ سیکورٹی آپریشن آنی فعالیں رنگ ءَ ھم انسداد ناشرکاری ءِ جوانیں آسر آنی تہ ءَ کرد پیلو کتگ۔ آئی ءَ گوشت کہ یک زانتگیں بیانیہ ءِ دیم ءَ برگ بوھگ ءَ انت کہ بلوچستان ءَ ایمنی ءِ جاور سرجمیں آشوب ءِ تک ءَ ھراب بوتگ انت۔ آئی ءَ گوشت کہ من اے جیڈھ ءَ را سئے جُست ءُ سئے زاویہ ءَ چہ چار ءُ تپاس کنگ لوٹاں۔ اے ایوک ءَ بلوچستان ءِ خاصیں جیڑھے نہ اِنت بلکیں پاکستان ءِ سرجمیں ایمنی ءِ جاوراں گوں ھم سیادی دار اِیت۔ ڈی جی آئی ایس پی آر ءَ ہارڈ اسٹیٹ ءِ تصور ءِ پسو ءَ گوشت کہ ہارڈ اسٹیٹ ءِ بزانت ھما ریاست اِنت کہ آئین ءُ کانود ءِ سر ءَ درستاں یک پیم ءَ کارمرد کنگ بہ بیت، آئین ءِ رد ءَ درستیں جیڈھ آنی سر ءَ سکیں رھبند ءِ رد ءَ کار کنگ بہ بیت ءُ ایشی ءِ تہ ءَ اشرافیہ نیست۔ اے یک انچیں ریاستے کہ اودا قانون ءِ سرا درستیں شہری یک پیم ءَ کارمرز بیت۔ آئی ءَ گیش گوشت کہ اگاں سرجمیں ریاستی کار آئین ءُ کانود ءِ رد ءَ، بے فرق ءَ کنگ بہ بنت، اودا اشرافیہ ءُ عام شہری یک پیم ءَ پیش دارگ بہ بنت گڑا اے یک مھکمیں ریاستے جوڑ بیت۔ چوشیں ریاست ءِ سبب ءَ شکایتانی ایمنی، استحکام ءُ گیش ءُ گیوار ءِ ضمانت دیگ بیت۔ ڈی جی آئی ایس پی آر ءَ گوشت کہ مردم باز براں شکایت چست کن اَنت ءُ وتی ھک آنی لوٹ کن اَنت کہ ایشی ءِ تہ ءَ بازیں شکایت حقیقی بوت کن اَنت، بلے آئی ءَ اے گپ ءِ سر ءَ زور پر دات کہ بنیاتی ھک بنیاتی ذمہ واری آنی دیم ءَ کیت۔ آئین ءِ آرٹیکل 5 ءِ حوالہ ءَ آئی ءَ گوشت کہ آئین بنیاتی حق آنی ھوالگ ءَ شق آناں چہ پیسر اِنت۔ اے گپ ءِ تہا گشگ بوتگ کہ ریاست ءِ گوں وفاداری ہر شہری ءِ بنیاتی فرض انت۔ آئین ءُ قانون ءِ اطاعت ءَ ہم ہر شہری ءِ ناقابل واپسی زمہ واری جوڑ کنت، آ ہرجاہ کہ بہ بیت۔ آئین ءَ گوشت کہ آئین ءَ ھاسیں رنگ ءَ ٹھینگ بوتگ کہ ھمک شہری ءِ بنیاتی فرض ریاست ءِ گوما وفادار بوھگ ءُ آئین ءُ کانود ءِ پابند بوھگ اِنت۔ اے ذمہ واریانی پیلو کنگ ءَ پد ایوک ءَ حقانی بابت ءَ گپ جنگ بیت کنت۔ ڈی جی آئی ایس پی آر ءَ گشتگ کہ اشرافیہ ءِ لھتے باسک ءُ لھتے قبائلی سردار ھما جاور ءَ برجاہ دارگ لوٹ اَنت، من ایشانی درستانی گپ ءَ نہ کناں بلے لھتے اشرافیہ ءُ سردار نہ لوٹ اَنت کہ یک عامیں شہری یے بہ وان اِیت، دیمروئی بہ کنت، انجینئر بہ بیت، ڈاکٹر بہ بیت، فوج ءَ ھوار بہ بیت، اکانومسٹ بہ بیت، زرعی یا ثقافتی بہ بیت۔ ڈی جی آئی ایس پی آر ءِ رد ءَ اے مردم ناشرکاری ءِ اصل ڈرائیور بوتگ اَنت پرچا کہ آ چاگردی ءُ معاشی بدلی ءِ ترس ءَ بوتگ اَنت۔ آئی ءَ گوشت کہ آ ترسگ ءَ اَنت کہ وھد بدل بوھگ ءَ اِنت، ھرچے گیش ترس ءُ بیم ءِ آماچ بہ اَنت آ گیش پریشان بنت ءُ آ گیش زوراکی ءِ نیمگ ءَ رھادگ بنت۔ کار کنگ ءِ کوھنیں راہ ھلاس بوتگ، ما گوں آھاں دگہ گپ ءُ تران کنگ نہ لوٹیں۔ ما گوں اصل اسٹیک ہولڈراں، بلوچستان ءِ مہلوک ءَ گپ ءُ تران کنیں، آ اصل اسٹیک ہولڈر نہ انت۔ آئی ءَ گیش کرتگ کہ شما ایوک ءَ وتی نپ ءُ وتی کھول ءِ مال ءُ مڈی ءِ سٹیک ہولڈر اِت، بلوچستان ءِ مہلوک ءِ نپ ءَ نہ اِت۔ ڈی جی آئی ایسپی آر ءَ گیش گوشت کہ اے وڑیں عناصر سوداگری ءِ آڑ ءَ قاچاق ءِ تہ ءَ ھوار اَنت۔ کاروبار ءُ نام نہاد بیپار ءِ نام ءَ شپوکی ءِ آماچ انت، منشیات ءُ ڈیزل آرگ ءَ انت ءُ وتی اصل نہاد ءَ باز رند ءَ گیش بہا کن انت۔ وھدے کہ اے ناجائزیں کار بند بنت گڑا آ ناشرکاری ءِ نیمگ ءَ رھادگ بنت ءُ پد ءَ دعویٰ کن اَنت کہ جاور چہ کنٹرول ءَ دراتکگ اَنت ءُ بلوچستان رُستگ ءُ رُستگ اِنت۔ ڈی جی آئی ایس پی آر ءَ گوشت کہ لھتیں اشرافیہ سرکاری وسیلگ آنی سر ءَ مراعات ءُ کنٹرول ءِ لوٹ کنگ ءَ اَنت۔ آ گُش اَنت گوں ما گپ بہ کن اِت، مئے پرمٹاں پدا بہ کن اِت، مئے کاروباراں پدا پچ بہ کن اِت ءُ اے ھزار ارب ءَ گیش ءِ بجٹ ءِ تہ ءَ مارا شیئر بہ دئے اِت۔ پاراب گیش نہ اِنت، تو اسٹیک ہولڈرے نہ ئے، زرّ بلوچستان ءِ مہلوک ءِ دست ءَ رو اَنت۔ آئی ءَ گوشت کہ بلوچستان ءِ اسٹریٹجک ارزشت ءُ پرواھیں مڈّی آں چہ بلوچستان دژمنیں نپ آنی نشانگ جوڑ کتگ۔ آئی ءَ گوشت کہ من زاناں کہ بلوچستان ءِ یک اسٹریٹجک جغرافیائی جاہ ءِ واھند اِنت، من اے ھم زاناں کہ بلوچستان نہ ایوک ءَ باصلاحیت ءُ دیمروئی پسندیں انسانی وسیلگ آنی وسیلگ ءَ چہ وشھال اِنت بلکیں مزنیں قدرتی وسیلگ آنی تہ ءَ ھم مالا مال اِنت۔ آئی ءَ گیش کرتگ کہ اگاں بلوچستان دیمروئی کنت گڈا سرجمیں پاکستان دیمروئی کنت ءُ دمگ ھم دیمروئی کنت۔ ہمے سبب انت کہ ایشی ءِ دیمروی ءَ مخالفت کن انت۔ ناشرکاریں گلانی وسیلہ ءَ آ براہ راست ھوار بنت۔ ڈی جی آئی ایس پی آر ءَ گْوشتگ کہ ریاست ءِ نیمگ ءَ ”فتنہ الهندستان“ ءُ ”فتنہ الخریج“ گْوشگ بیتگیں گل اشرافیہ ءُ قبائلی سردارانی لھتیں باسک آنی میان ءَ رضامندیں شریکداری اَنت کہ آ ترسگ ءَ اَنت کہ وھد بدل بیت۔ آئی ءَ گوشت کہ آ کوھنیں سرداری ءِ نظام ءَ را برجاہ دارگ لوٹ اَنت، ھما نوکر لوٹ اَنت، ھما زاتی جیل ءُ کنٹرول ءِ نظام ءَ لوٹ اَنت۔ دمگی ایمنی ءِ ھوالگ ءَ آئی ءَ گوشت کہ ناشرکاری ءِ کمک ءِ وسیلگ ءَ بھارت ءُ اوگانستان یکوئی انت۔ آئی ءَ گوشت کہ بھارت ءُ اوگانستان ءِ نیام ءَ چے یکوئی انت؟ ایشانی تہا یک چیزے مشترک انت آ ناشرکاری انت، ایشانی سفارتکاری ہم ناشرکاری ءِ سرا بندوک انت۔ آئی ءَ گیش کرتگ کہ اے دوئیں جنگولیں گل اگاں چہ نظریاتی رد ءَ جتا اَنت بلے آھانی یکیں مول ءُ مراد اِنت۔ آئی ءَ گوشت کہ یکے سیکولر، یکے نیشنلسٹ ءُ دومی انتہا پسند مذہبی گل انت بلے پروپیگنڈا ایشاں یکجاہ کنت۔ گوادر ءِ تہ ءَ دیمروئی منصوبگ آنی سر ءَ چمشانک دیان ءَ آئی ءَ گوشت کہ 305ہزار ءِ نزیک ءَ آبادی ءِ گوں اے شہر ءَ سئے یونیورسٹی، چار وانگ ءُ زانگ ءِ کالج، 318 اسکول، پاک چین دوستی ءِ نادراھجاہ، یک ضلعی ہیڈ کوارٹر نادراھجاہ، یک میتگ ءِ جان سلامتی ءِ مرکز، پنچ چائلڈ ہیلتھ یونٹ ءُ 19 پرائمری ہیلتھ یونٹ است انت۔ آئی ءَ گوشت کہ گوادر ءَ انٹرنیشنل ایئرپورٹ، ڈیپ سی پورٹ، ایسٹ بے ایکسپریس وے، صنعتی ءُ ٹیکس فری زون، کرکٹ اسٹیڈیم ءُ دگہ بازیں دیمروئی منصوبگ ھم است انت۔ تربت ءِ حوالہ ءَ آئی ءَ گوشت کہ شہر ءَ دو یونیورسٹی، شش ایجوکیشن کالج، یک کیڈٹ کالج، یک جنکیں کیڈٹ کالج، بازیں اسکول، 9 سرکاری طبی آسراتی، یک ٹیچنگ ہسپتال، 27 نجی ہسپتال، یک میاں اوستمانی بالی پٹ ءُ مزنیں سڑک ءُ کاروباری رابطہ است انت۔ آئی ءَ گْوشتگ: “من ءَ دگہ ھما شھر ءَ پیش دار اِت کہ ھمے آبادی ءِ تہ ءَ اے کچ ءِ بنیاتی ءُ آسراتی ھست اَنت۔” ڈی جی آئی ایس پی آر ءَ گوشت کہ 1947 ءَ بلوچستان ءَ ایوک ءَ 114 اسکول بوتگ انت، مرچی بلوچستان ءَ 15300 اسکول، 12 یونیورسٹی، پنچ میڈیکل کالج، 145 کالج، 13 کیڈٹ کالج ءُ 321 ٹیکنیکل انسٹیٹیوٹ انت۔ آئی ءَ گیش کرتگ کہ آجوئی ءِ وھد ءَ اے استان ءَ ایوک ءَ شش ڈسپینسری بوتگ بلے نوں 13 مزنیں نادراھجاہ، 18 درس ءِ نادراھجاہ، 36 ضلعی ہیڈ کوارٹر نادراھجاہ، 56 میتگ ءِ جان سلامتی ءِ مرکز، 650 نادراھجاہ، 5 دل ءِ مرکز، 8 سل ءِ مرکز ءُ 24 مرکز است انت۔ آئی ءَ گیش کرتگ کہ 1947 ءَ بلوچستان ءَ ایوک ءَ 375 کلومیٹر سڑک بوتگ اَنت وھدے کہ مرچی 24400 کلومیٹر ءَ چہ گیش سڑک اَنت کہ ایشی ءِ تہ ءَ 4400 کلومیٹر ءَ چہ گیش شاہراہ ھوار اَنت۔ محرومیں مردمانی بیانیہ ءِ سر ءَ جُست ءُ پُرس کنان ءَ آئی ءَ گوشت کہ بلوچستان ءِ سرجمیں دیمروئی بجٹ 75 ہزار ءَ چہ گیش اِنت کہ اے درستیں صوبہ آنی تہ ءَ گیش اِنت ءُ پنجاب ءِ 45 ہزار ءَ چہ کم اِنت۔ گڑا اے محرومی ءِ روایت کجام بنیاد ءَ دیم ءَ آرگ بوھگ ءَ اِنت؟ ڈی جی آئی ایس پی آر ءَ گشتگ کہ ناشرکاریں گلاں مزدوراں نشانگ جوڑ کتگ، انفراسٹرکچر ءِ سرا اُرش کتگ ءُ پدا دعویٰ کتگ کہ صوبہ ءَ دیمروئی نہ بوتگ۔ بیگواھیں مردمانی بابت ءَ گپ ءُ تران کنان ءَ آئی ءَ گوشت کہ حکومت ءَ زوراکیں بیگواھی آنی پٹ ءُ پول ءِ دائمی کمیشن جوڑ کتگ کہ ایشی ءِ سروک سپریم کورٹ ءِ ریٹائرڈ جج اِنت۔ آئی ءَ گوشت کہ 2010ءِ دہائی ءِ بندات ءَ چہ کمیشن ءَ را 10901 شکایت رستگ انت۔ آئی ءِ رد ءَ سرجمیں پٹ ءُ پول ءَ پدر بوتگ کہ بازیں شکایتانی تہ ءَ زوراکی ءَ بیگواہ کنگ نہ بوتگ بلکیں ردیں ھال داتگ اَنت۔ آئی ءَ گوشت کہ کمیشن ءِ نیمگ ءَ سرکاری رنگ ءَ 2933 کیس درج کنگ بوتگ انت۔ ایشانی تہ ءَ 2767 کیس گیش ءُ گیوار بوتگ اَنت یا پٹ ءُ پول کنگ بوتگ اَنت وھدے کہ 166 کیس پٹ ءُ پول ءِ تہ ءَ اَنت۔ آئی ءَ گیش کرتگ کہ سندھ، خیبر پختونخوا ءُ پنجاب ءَ ھم ھلاس نہ بوتگیں کیس است انت۔