مزن وزیر شہباز شریف اوگرا ءِ تہا اصلاحات ءِ ھوالگ ءَ دیوان ءَ گوں تران کنان ءَ الس ءَ را ایندھن ءِ پینگ  ءُ ساپ ءُ سلہ نرخ ءِ سپلائی ءَ را دل یکیمی کنگ حکومت ءِ اولی ترجی انت

اسلام آباد۔31جولائی  (اے پی پی): مزن وزیر محمد شہباز شریف ءَ حکومت ءِ اصلاحات ءِ ایجنڈا ءِ سرجمیں ادارگ آنی تہ ءَ یک رنگیں رنگ ءَ عمل کنگ ءَ را دل یکیمی کنگ ءِ پنت ءُ شون کتگ ءُ ایف بی آر ءِ نوکیں ٹریکنگ سسٹم ءَ را ماڈل جوڑ کنان ءَ ملک ءَ ایندھن ءِ ٹرانسپورٹ ءِ سر ءَ سکیں نگرانی ءِ واستہ یک نظام ءِ جوڑ کنگ ءِ پنت ءُ شون کتگ ءُ گوشت کہ ایندھن ءِ پینگ یں سرکاری سپلائی ءَ را دل یکیمی کنگ حکومت ءَ را اولی ترجی اِنت۔ مزن وزیر محمد شہباز شریف ءِ سروکی ءَ جمعہ ءِ روچ ءَ آئل اینڈ گیس ریگولیٹری اتھارٹی ءِ تہ ءَ اصلاحات ءُ ادارگی گنجائش ءِ تہ ءَ گہتری ءِ ھوالگ ءَ مزن تک ءِ دیوان برجم دارگ بوت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دیوان ءَ گوں تران کنان ءَ مزن وزیر ءَ پنت ءُ شون کت کہ حکومت ءِ اصلاحات ءِ ایجنڈا ءَ را درستیں ادارگ آنی تہ ءَ یک رنگ ءَ عمل کنگ بہ بیت، ایف بی آر ءِ نوکیں ٹریکنگ سسٹم ءَ را ماڈل جوڑ کنگ ءَ ملک ءَ ایندھن ءِ ٹرانسپورٹیشن ءِ سر ءَ سکیں نگرانی ءِ نظام جوڑ کنگ بہ بیت۔ آئی ءَ نوکیں ٹیکنالوجی ءُ سافٹ ویئر ءِ کارمردی ءِ وسیلگ ءَ بندرگاہ ءُ ریفائنری ءَ چہ پٹرول پمپ ءَ تاں سپلائی چین ءِ ڈیجیٹل نگرانی ءِ واستہ نجی شوبگ ءِ نامداریں ماہرین آناں گچین کنگ ءِ ھم پنت ءُ شون کتگ ءُ اوگرا ءِ گنجائش ءَ را گیش کنگ ءِ پنت ءُ شون کتگ۔ مزن وزیر ءَ گوشت کہ اوگرا ءِ نوکیں رنگ ءَ جوڑ کنگ ءَ چہ میرٹ ءِ بنیات ءَ شفاف رنگ ءَ ھمک شعبہ ءُ پوزیشن ءِ ھاتر ءَ ماہرین ایر کنگ بہ بنت۔ حکومت اوگرا ءِ اصلاحات ءُ نوکیں رنگ ءَ تنظیم سازی ءِ ھاتر ءَ ہر وڑیں پیشہ وارانہ مہارت ءِ وسیلگ ءَ دات کنت۔ مزن وزیر ءَ گوشت کہ حکومت الس ءِ ھمک کلدار ءِ رکھینگ ءَ کنت ءُ لس مھلوک ءِ تہ ءَ دزگٹی کنگ ءُ نظام ءِ تہ ءَ دز مان کنگ ءِ موہ نہ دنت۔ آئی ءَ توامیں ریگولیٹری ادارگ آناں پنت ءُ شون کت کہ آ وتی وتی وزارت آنی گوما باقاعدہ رابطہ جوڑ کنگ ءِ واستہ المی ئیں گامگیج بہ زور اَنت ءُ گوشت کہ منظور بوتگیں پالیسی ءِ چیر دستی ءَ ملک ءَ آئل ریفائنری آناں اپ گریڈ کنگ ءِ سر ءَ کار ترند کنگ بہ بیت۔ گند ءُ نند ءِ تہ چیئرمین اوگرا ءَ ادارگ ءِ استیں کارکردگی، دیم ءَ اتکگیں چیلنج ءُ جامع اصلاحاتی پروگرام ءِ ھوالگ ءَ سرجمیں بریفنگ دات۔ گند ءُ نند ءَ گوشگ بوت کہ اوگرا ءَ ڈیجیٹل سسٹم ءِ وسیلگ ءَ بندرگاہ ءَ چہ پٹرول پمپ ءَ تیل ءِ سپلائی چین ءِ نگرانی ءَ مزنیں پیشرفت کتگ۔ نیشنل مانیٹرنگ ڈیش بورڈ، ٹینکر ٹریک اینڈ ٹریس سسٹم، ڈپو ٹینک ٹیلی میٹری، راہ گزار موبائل ایپ، پٹرول پمپ آنی سر ءَ ڈیجیٹل سیلز انٹری سسٹم ءُ سینٹرل مانیٹرنگ سیل ءِ وڑیں بازیں ڈیجیٹل سسٹم چالو کنگ بوتگ انت، ایشی ءِ وسیلگ ءَ پٹرولیم ءِ چیز آنی نقل و حرکت، اسٹاک ءُ فروخت ءِ موثر نگرانی ممکن انت۔ مزن وزیر ءَ را گوشت کہ جولائی 2026 ءِ ساھت ءَ ھاسیں ڈیٹا ءِ سر ءَ بنیات ءِ مہم ءِ آسر ءَ ہارڈنگ ءِ بازیں وئیل، سپلائی ءِ تہ ءَ غیر ضروری رکاوٹ ءُ ایندگر خلاف ورزی آنی پجار کنگ بوتگ، ایشی ءِ سر ءَ شو کاز نوٹس، وضاحت جاری کنگ بوتگ۔ ءُ دگہ قانونی کارروائی کنگ بوتگ۔ دیوان ءَ اوگرا ءِ جامع اصلاحاتی پروگرام ءِ بابت ءَ ھم سرپدی دیگ بوت کہ ایشی ءِ تہ ءَ تنظیم ءِ ڈیجیٹلائزیشن، نفاذ ءِ نظام ءِ نوکیں رنگ ءَ جوڑ کنگ، تعمیل ءِ بالیگ ءِ جوڑ کنگ، لائسنسنگ ءِ نظام ءِ تہ ءَ اصلاحات، چاتود ءِ کار آنی موثر انتظام، مالی وسیلگ آناں مھکم کنگ ءُ ادارگی ڈھانچہ ءِ نوکیں رنگ ءَ جوڑ کنگ ھوار اِنت۔ مزن وزیر ءَ اوگرا ءِ نیمگ ءَ پیش کتگیں اصلاحاتی پروگرام ءَ را ساڑات ءُ پنت ءُ شون کت کہ تیل ءُ گیس ءِ شوبگ ءَ سرجمیں شفافیت، موثر نگرانی، ہارڈنگ ءِ ہلاس کنگ ءُ ناجائزیں منافع خیر کنگ ءِ واستہ نوکیں ڈیجیٹل سسٹم ءَ را زوتاں چہ زوت سرجمی ءَ کارآمد کنگ بہ بیت۔ الس ءَ را ایندھن ءِ بے مٹیں سپلائی ءَ را دل یکیمی کنگ ءُ ساپ ءُ سلہ نرخ آنی دل یکیمی کنگ حکومت ءِ اولی ترجی انت ءُ ایشی ءِ واستہ ہچ وڑیں لاپرواہی ءُ کرپشن برداشت کنگ نہ بیت۔ مزن وزیر ءَ سیادی داروکیں وزارت ءُ ادارگ آناں پنت ءُ شون کت کہ آ اوگرا ءِ اصلاحات ءُ ادارگی گنجائش ءِ تہ ءَ گیشی ءِ واستہ لوٹوکیں چاتودی، انتظامی ءُ پالیسی ءِ گامگیج آنی سر ءَ ترجیحی بنیاد ءَ پیشرفت ءَ را دل یکیمی بہ کن اَنت تانکہ ریگولیٹری نظام ءَ را گیش موثر، شفاف ءُ نوکیں لوٹ آنی رد ءَ جوڑ کنگ بہ بیت۔ گند ءُ نند ءَ نائب مزن وزیر ءُ درئی کارانی وزیر سینیٹر محمد اسحاق ڈار، وفاقی وزرا اعظم نذیر تارڑ، ڈاکٹر مصدق ملک، احد خان چیمہ، عطاء اللہ تارڑ، شزہ فاطمہ خواجہ، علی پرویز ملک، معاون خصوصی طارق باجوہ  ءُ سیادی داروکیں مزنیں اہلکار ءَ بہر زرتگ۔