وفاقی وزیر پٹرولیم علی پرویز ملک ءَ آذربائیجان ءِ سفیر خضر فرہادوف ءَ گوں  برو پہ ھیری گند ءُ نند

اسلام آباد۔31جولائی  (اے پی پی): آذربائیجان ءِ چہ وتی اگدہ ءَ درکپوکیں سفیر خیزر فرہادوف ءَ پٹرولیم ءِ وفاقی وزیر علی پرویز ملک ءَ گوں بروپہ ھیری  گند ءُ نند کت ایشی ءِ تہ ءَ دو نیمگی شریکداری ءَ را گیش مھکم کنگ ءُ نوکیں سنگ میل آنی سر ءَ چہ گوزگ ءِ جزم ءِ پدا پدر کنگ بوت۔ پٹرولیم ڈویژن ءِ جارکش ءِ رد ءَ گند ءُ نند ءَ وفاقی وزیر ءَ پاکستان ءُ آذربائیجان ءِ نیام ءَ مھکمیں شریکداری ءِ دیمروئی ءِ واستہ سفیر خیزر فرہادوف ءِ ازمت آناں ساڑات۔ علی پرویز ملک ءَ گوشت کہ پاکستانی کمپنی ءُ سوکار ءِ نیام ءَ توان ءِ شوبگ ءَ کمک ءَ سک باز گیشی بوتگ۔ وفاقی وزیر ءَ آذربائیجان ءِ گوما ھاسیں رنگ ءَ پٹرولیم ءُ توان ءِ شوبگ ءَ کمک ءَ را گیش وسعت دیگ ءِ پاکستان ءِ جزم ءِ سر ءَ زور پر دات ءُ گوشت کہ دوئیں ملک مھکمیں اقتصادی سیادی ءِ جوڑ کنگ ءُ آیوکیں نسل آنی واستہ فائدگ مندیں موہ آنی پیداک کنگ ءِ یکجائی وژن ءِ چیر دستی ءَ کار کنگ ءَ اَنت۔ اے موہ ءِ سر ءَ سفیر خزر فرھادوف ءَ وتی دور ءَ پاکستان حکومت ءِ کمک ءُ مہمان داری ءِ شگر ءُ منت گپت ۔ گند ءُ نند ءِ تہ ءَ آئی ءَ دل یکیمی ءِ درشان کت کہ آیوکیں سال آنی تہ ءَ پاکستان ءُ آذربائیجان ءِ نیام ءَ نزیکیں شریکی ءَ را گیش مھکم بیت ءُ دو نیمگی کمک نوکیں برزی آں سر بیت ءُ وت مہ وتی کمک ءَ چہ نوکیں سنگ میل آنی تہ ءَ چہ گوزگ بیت۔