راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ مزن تک ءِ دیوان ءِ سروکی ءَ پاکستان ءُ ایف اے او ءِ نیام ءَ پائیدار کشت ءُ کشاری ءُ میتگ ءِ دیمروئی ءِ واستہ یکجائی گامگیج آنی سر ءَ تپاک

اسلام آباد۔31جولائی  (اے پی پی): راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءِ سروکی ءَ مزنیں تک ءِ دیوان برجم دارگ بوت کہ ایشی ءِ تہ ءَ فوڈ اینڈ ایگریکلچر آرگنائزیشن ءِ ایشیا ءُ پیسفک ءِ نائب دمگی نمائندہ رابرٹ سمپسن ءَ بہر زرتگ۔ جمعہ ءِ روچ ءَ راجی وردن ءُ وردن ءِ سلامتی ءُ پٹ ءُ پول ءِ نیمگ ءَ چہ جاڑی بوتگیں بیان ءِ رد ءَ دیوان ءَ برجاھیں کمک ءِ سر ءَ چار ءُ تپاسی کنگ بوتگ ءُ موسمی بدلی ءِ ھلاپ ءَ زرکاری ، وردن ءِ سلامتی ءُ برجمیں کشت ءُ کشاری دیمروئی ءِ شوبگ آنی تہ ءَ کمک ءَ را گیش دیمروئی دیگ ءِ امچاتات آنی سر ءَ گپ ءُ تران کنگ بوتگ۔ وفاقی وزیر ءَ ایف اے او ءِ ڈل ءَ را وش اتک کنان ءَ پاکستان ءِ گوما تنظیم ءِ دیریں شریکداری ءِ توسیپ کت ءُ کشت ءُ کشاری شوبگ ءُ وردن ءِ نظام ءَ را مھکم کنگ ءِ واستہ ایف اے او ءِ کمک ءَ را ارزشتی لیک ات۔ آئی ءَ گوشت کہ جھان ءِ کاربن ءِ کشگ ءِ تہ ءَ سک کم کمک ءِ باوجود پاکستان موسمیاتی بدلی ءَ چہ گیش آماچیں ملک آنی تہ ءَ ھوار اِنت، پمیشکا موسمیاتی ردوم ءِ جوڑ کنگ ءُ برجاھیں منصوبگ آناں وھد ءِ سر ءَ سرجم کنگ ءِ واستہ ایف اے او ءِ نیمگ ءَ چہ گیش تکنیکی کمک ءِ ضلورت اِنت۔ ایف اے او ءِ ڈل ءَ وفاقی وزیر ءَ را برجاھیں کمک ءِ کلیدی پڑ آنی بابت ءَ سرپدی دات، ایشی ءِ تہ ءَ یک جان سلامتی پروگرام، فوڈ سیکیورٹی، سینیٹری ءُ فائٹوسینٹری (ایس پی ایس) سسٹم، اینٹی مائکروبیل مزاحمت (اے ایم آر)، پائیدار زرعی میچاتائزیشن، سندھ دریا ءِ طاس ءِ پروگرام ءِ چیر دستی ءَ موسمیاتی لچک ءُ موسمیاتی مزاحمت ءِ وسیلگ ءَ دیمروئی ءِ وسیلگ ءَ ھوار انت۔ زرعی شناسی ٹیکنالوجیز ءِ سرا کار کنگ ءَ انت۔ رابرٹ سمپسن ءَ راجی فوڈ سیکیورٹی ءُ پٹ ءُ پول ءِ وزارت ءِ کمک ءَ نیشنل کلائمیٹ فورم ءِ برجم دارگ ءِ ھم تجویز داتگ کہ ایشی ءَ چہ حکومت، دیمروئی شریک ءُ نجی شعبہ ءَ را یک پلیٹ فارم ءِ سر ءَ آرگ بیت کہ آ زراعت ءِ شوبگ ءَ موسمیاتی چیلنج آنی گیواری ءِ واستہ یکجائی حکمت عملی ءِ جوڑ کنگ ءَ انت۔ وفاقی وزیر ءَ اے تجویز ءِ وش اتک کت ءُ حکومت ءَ را سرجمیں کمک ءِ دل یکیمی دات۔ وفاقی وزیر رانا تنویر حسین ءَ حکومت ءِ اولویت آنی بابت ءَ سرپدی دیان ءَ گوشت کہ حکومت فوڈ سیکیورٹی ءُ ایس پی ایس سسٹم ءَ را گیش مھکم کنگ ءِ واستہ عملی گامگیج زورگ ءَ اِنت، نیس ڈیک ءِ وسیلگ ءَ موسمی بدلی ءِ ھمگرنچیں سرٹیفائیڈ بیج آناں دیمروئی دیگ ءَ اِنت، زرعی میچاتائزیشن ءُ اسٹوریج ءِ آسراتی ءَ را گیش کنگ ءَ اِنت، ون پروڈکٹ” منصوبہ ءِ پد منتگیں ضلع آنی تہ ءَ ، لائیو سٹاک ءِ برآمدات ءَ را گیش کنگ ءُ گندم ءُ کھان ءِ تیل ءِ درآمد آنی سر ءَ انحصار ءَ را کم کنگ۔ ایف اے او ءِ ڈل ءَ وفاقی وزیر ءَ را سرپد کت کہ اگاں چہ تنظیم ءِ براہ راست مالیاتی وسیلگ کم انت بلے آ پاکستان ءَ را میاں اوستمانی مالیاتی ادارگ ءُ دیمروئی شریک آنی نیمگ ءَ چہ مالی وسیلگ ءِ گرگ ءِ تہ ءَ سرجمیں کمک ءَ را برجاہ دار ایت۔ گند ءُ نند ءَ پاکستان ءِ وردن ءِ پیداوار، وردن ءِ ضلورت ءُ پالیسی ءِ کمی آنی ھوالگ ءَ ایف اے او ءِ آیوکیں پالیسی رپورٹ ءِ سر ءَ ھم ھیال ریچی کنگ بوت۔ ایشی ءَ ابید یک ملک یک ترجیحی پیداوار ءِ پروگرام ءِ ھم چار ءُ تپاسی کنگ بوتگ کہ ایشی ءِ چیر دستی ءَ پاکستان چلگوزہ ءِ گوما بھر زوری کنگ ءَ اِنت وھدیکہ اے پروگرام ءِ تہ ءَ چونسہ آم ءِ ھوار کنگ ءِ تجویز ھم چار ءُ تپاسی کنگ بوھگ ءَ اِنت۔ گند ءُ نند ءِ گڈ ءَ دوئیں نیمگاں پاکستان ءِ کشت ءُ کشاری ءُ کشت ءُ کشاری ءِ شوبگ ءِ برجائی دیمروئی ءَ را دل یکیمی کنگ ءِ واستہ موسمیاتی ردوم، پائیدار کشت ءُ کشاری، لائیو سٹاک ءِ دیمروئی ءُ فوڈ سیکیورٹی ءِ پڑ ءَ کمک ءَ را گیش مھکم کنگ ءِ وتی جزم ءِ پدر کنگ بوت۔