صدر ءِ مملکت ءَ مادر ءِ ملت  فاطمہ جناح ءِ 133می سالروچ ءِ درگت ءَ مزنیں سروک ءَ را  توسیپ ءُ ستا پیش

اسلام آباد۔31جولائی  (اے پی پی): صدر ءِ مملکت آصف علی زرداری ءَ  مادر ءِ ملت بانک  فاطمہ جناح ءِ 133می سالروچ ءِ درگت ءَ آئی ءَ را وشیں لبزاں گوں شگر ءُ منت درشان کتگ۔ جمعہ ءِ روچ ءَ صدر گس ءِ پریس ونگ ءِ رد ءَ صدر ءِ مملکت ءَ اے موہ ءِ سر ءَ وتی کلوہ ءِ تہ ءَ گوشت کہ راج ءِ مات محترمہ فاطمہ جناح قائداعظم محمد علی جناح ءِ معتبریں ھمراہ ات، پاکستان تحریک ءِ نامداریں سروک ءُ جمہوری قدر آنی مھکمیں وکالت کنوک ات۔ آئی ءَ گوشت کہ راج ءِ مات ءَ زالبول آناں راجی زند ءُ آجوئی ءِ تحریک ءِ تہ ءَ جوانیں کرد پیلو کنگ ءِ واستہ دلبڈی داتگ، آئی ءِ کوشست انگت ءَ راج ءِ واستہ رژن ءِ چراگ اِنت۔ صدر ءِ مملکت ءَ گوشت کہ راج ءِ مات محترمہ فاطمہ جناح ءِ راجی، جمہوری ءُ چاگردی ازمت آناں مدام شرپ ءُ شرپ ءَ گوں یات کنت۔ آئی ءَ دعا کت کہ اللہ تعالیٰ راج ءِ مات خانم فاطمہ جناح ءَ وتی رحمت ءِ تہا مزنیں مقامے بہ دنت۔