حکومت ءَ قابل تجدید توانائی، نوکیں ٹیکنالوجی ءُ بنیاتی ڈھانچہ ءِ شوبگ ءَ درملکی سرمایہ کاری ءِ وش آتک کتگ، وفاقی وزیر تجارت

اسلام آباد۔1جولائی  (اے پی پی): وفاقی وزیر تجارت جام کمال خان ءَ گوشت کہ حکومت قابل تجدید توانائی، نوکیں ٹیکنالوجی ءُ بنیاتی ڈھانچگ ءِ شوبگ آنی تہ ءَ درملکی سرمایہ کاری ءَ را وش آتک کنت ءُ سرمایہ کار آنی واستہ شفاف، مھکم ءُ کاروبار دوستیں چاگرد ءِ پھجارینگ ءِ واستہ جزم اِنت۔ وزارت تجارت ءِ جارکش ءِ رد ءَ آئی ءَ اے ھیالانی درشانی چار شمبے ءِ روچ ءَ کورین پاور کمپنی ءِ چیف ایگزیکٹو آفیسر کم من ینگ ءَ گوں گپ ءُ تران کنان ءَ کتگ اَنت۔ گند ءُ نند ءَ پاکستان ءِ ہائیڈرو پاور سیکٹر ءَ کوریا ءِ سرمایہ کاری، سوات ءَ جاری ہائیڈرو پاور منصوبگ ءُ آہانی دیمروئی ءِ بابت ءَ گپ ءُ تران کنگ بوت۔ ڈل ءَ وفاقی وزیر ءَ را پاکستان ءَ کمپنی ءِ سرمایہ کاری، برجاھیں منصوبگ ءُ مالی کمک ءِ بندوبست آنی بابت ءَ سرپدی دات ءُ سرپدی دات کہ کمپنی سوات ءَ 229میگاواٹ اسرت کدم ءُ 238میگاواٹ کلم اسرت ہائیڈرو پاور منصوبگ آنی سر ءَ کار کنگ ءَ اِنت۔ اے منصوبگ آنی واستہ نزیک ءَ یک ارب ڈالر ءِ فنانسنگ ءِ ھم بندوبست کنگ بوتگ۔ وفاقی وزیر برائے تجارت ءَ پاکستان ءَ کورین پاور کمپنی ءِ برجاھیں دلچسپی ءُ سرمایہ کاری ءِ اعتماد ءِ توسیپ کنان ءَ گوشت کہ حکومت سیادی داروکیں ادارگ آنی گوما سرجمیں کمک ءَ را دل یکیمی کنت تانکہ درملکی سرمایہ کار آناں ھمک رنگیں آسراتی پجاری کنگ بہ بنت۔ آئی ءَ سیادی داروکیں ادارگ آنی گوما رابطہ ءُ کمپنی ءَ را دیم ءَ اتکگیں جیڈھ آنی سر ءَ ممکنہ کمک ءِ ھم دل یکیمی دات۔ اے موہ ءِ سر ءَ کوریا ءِ ڈل ءَ پاکستانی حکومت ءِ گوما برجاھیں رابطہ ءُ کمک ءِ وسیلگ ءَ منصوبگ آنی سر ءَ گیش دیمروئی ءِ امیت سہرا کت۔