ایران ءِ صدر محمد باقر قالیباف  ءَ شہید آیت اللہ علی خامنہ ای ءِ یات ءَ سردار ایاز صادق ءَ دلپدردی ءِ مراگش ءَ بھمکزورگ ءِ دعوت داتگ

اسلام آباد۔30جون  (اے پی پی): جمہوریہ اسلامی ایران ءِ اسلامی شورا ءِ کونسل ءِ سروک محمد باقر قالیباف  ءَ راجی اسمبلی ءِ سروک سردار ایاز صادق ءَ را باقاعدہ دعوت داتگ کہ آ سرکاری تعزیت ءِ مراگش ءَ بھمکبہ زوریت کہ آ 3 جولائی 2026 ءَ ایران ءَ برجم دارگ بیت۔ آیت اللہ سید علی خامنہ ایئی. سئے شمبے ءِ روچ ءَ راجی اسمبلی ءِ سیکرٹریٹ ءِ رد ءَ ایران ءِ اسپیکر محمد باقر قالیباف  ءَ وتی دعوت نامہ ءِ تہ ءَ آیت اللہ سید علی خامنہ ای ءِ شہادت ءِ سر ءَ سک باز رنج ءُ گم ءِ درشانی کتگ ءُ گوشت کہ اے مراگش ءِ برجم دارگ ءِ ھاترا راجی، اسلامی ءُ میاں اوستمانی رھشون سروسز ءِ شھادت ءِ ھاترا جوڑ کنگ بوھگ ءَ اِنت۔ آئی ءَ راجی اسمبلی ءِ اسپیکر سردار ایاز صادق، پاکستان ءِ پارلیمنٹ ءُ پاکستانی الس ءِ واستہ وتی نیکیں واھشت ءُ احترام ءِ درشانی کت ءُ گوشت کہ پاکستان ءُ ایران ءِ نیام ءَ براتی سیادی وت مہ وتی احترام، یکجائی ءِ قدر ءُ راجدپتری دوستی ءِ بنیات ءَ انت کہ وھد ءِ گوزگ ءَ گوں مھکم بوھگ ءَ انت۔ اسپیکر قالیباف  ءَ وتی کلوہ ءِ تہ ءَ اے امیت ھم سہرا کت کہ دوئیں براتیں ھمساھگیں ملک آنی نیام ءَ نزیکیں کمک ءُ راجدپتری دوستی آیوکیں وھد ءَ ھم دیمروئی کنت۔ آئی ءَ گوشت کہ آیت اللہ سید علی خامنہ ای ءِ ازمت ءُ انصاف، راجی حاکمیت ءُ مسلم امت ءِ شرپ ءِ واستہ جہد ءُ کوشست آیوکیں نسل آنی واستہ مدام چراگ ءِ رنگ ءَ مانیت۔