بلوچستان ءِ سر وزیر میر سرفراز بگٹی ءَ کوئٹہ ءَ ناشرکاری ءِ وئیل ءِ ایراد گپتگ

کوئٹہ۔ 24 مئی (اے پی پی): بلوچستان ءِ سر وزیر میر سرفراز بگٹی ءَ کوئٹہ ءَ چمن پھاٹک ءِ نزیک ءَ ناشرکاری ءِ وئیل ءَ را سک مذمت کتگ ءُ گشتگ کہ فتنہ الهندستان ءِ ناشرکار بے گناہیں شہری زالبول ءُ زھگاں نشانگ جوڑ کنان ءَ وتی ظلم ءُ زوراکی ءَ ثابت کنگ ءَ انت۔ آئی ءَ وتی بیان ءِ تہ ءَ گوشت کہ چمن پھاٹک ءِ تراک ءَ بے گناہیں شہری آنی ھون ریچوکیں ناشرکار ھچ وڑیں رعایت ءِ مستحق نہ اَنت، ریاست ءِ ھلاپیں عناصر ءُ آھانی آسراتی دیوک گچینی رنگ ءَ ھلاس کنگ بنت۔ میر سرفراز بگٹی ءَ بے گناھیں مردمانی سر ءَ اُرش بزدلی ءِ کار لیک اِتگ اَنت ءُ گْوشتگ کہ نوں بلوچستان ءَ ناشرکارانی پناہ گِر ءُ پناہ نہ بیت ءُ اے جنگ داں گُڈّی ناشرکار ھلاس کنگ مہ بیت اے جنگ برجاہ مان اِیت۔ آئی ءَ گوشت کہ ریاست فتنہ الهندستان ءُ ایشی ءِ آسراتی آناں وتی سرجمیں توان ءَ گوں کچلگ ءِ واستہ جزم انت۔