پاکستان ژجیانگ ءِ گوما جتا جتائیں پڑ آنی تہ ءَ کمک ءِ دیمروئی ءَ را سک باز ارزشت دنت، مزن وزیر شہباز شریف

ہانگژو۔23مئی  (اے پی پی): مزن وزیر شہباز شریف ءَ گوشت کہ پاکستان ژجیانگ ءِ گوما کمک ءَ را دیمروئی دیگ ءَ را سک باز ارزشت دنت ھاسیں رنگ ءَ ڈیجیٹل اکانومی، ای کامرس، انفارمیشن ٹیکنالوجی، ٹیلی کمیونیکیشن، کشت ءُ  کشار، قابل تجدید توان، نوکیں صنعتی کاری ءُ  ہنر ءِ دیمروئی ءِ شوبگ آنی تہ ءَ۔ آئی ءَ شمبے ءِ روچ ءَ ہانگژو  ءَ چین ءِ کمیونسٹ پارٹی ژجیانگ صوبائی کمیٹی ءِ پارٹی سیکرٹری واجہ وانگ ہاؤ ءَ گوں گپ ءُ تران کنگ ءَ ات۔ وانگ ہاؤ ءَ مزن وزیر شہباز شریف ءَ را صوبہ ژجیانگ ءَ وش اتک کت۔ مزن وزیر ءَ صوبہ ژجیانگ ءِ جوانیں دیمروئی منصوبگ آناں ساڑات ءُ  صدر شی جن پنگ ءِ دور اندیشیں سروکی ءِ توسیپ کت کہ آئی ءَ پارٹی ءِ صوبائی کمیٹی ءِ پارٹی سیکرٹری ءِ بستار ءَ سرجم کتگ۔ مزن وزیر ءَ صدر شی جن پنگ ءِ نیمگ ءَ پیش کتگیں ’’پاکیں آپ ءُ  سبزیں کوہ انمولیں اثاثہ اَنت‘‘ ءِ تصور ءَ را ھاسیں رنگ ءَ ساڑات۔ مزن وزیر ءَ گوشت کہ ژجیانگ ءِ دیمروئی ایشی ءِ زندگیں مثال اِنت کہ چاگردی رکھینگ، سبزیں دیمروئی ءُ  مزنیں کوالٹی ءِ اقتصادی دیمروئی ءَ را وت مہ وتی کمکی رنگ ءَ دیمروئی دیگ بوت کنت۔ مزن وزیر ءَ گوشت کہ پاکستان صوبگ ژجیانگ ءِ گوما کمک ءَ دیمروئی دیگ ءَ سک باز ارزشت ءِ دنت، ھاسیں رنگ ءَ ڈیجیٹل اکانومی، ای کامرس، انفارمیشن ٹیکنالوجی، ٹیلی کمیونیکیشن، کشت ءُ کشاری، قابل تجدید توان، جدید صنعتی کاری ءُ ہنر ءِ دیمروئی ءِ شوبگ آنی تہ ءَ مزنیں ارزشت ءَ دنت۔ صوبائی تک ءِ کمک پاکستان ءُ  چین ءِ سیادی ءِ یک ھاسیں ستون اِنت ءُ  صنعتی کمک، کشت ءُ کشاری جدید کنگ، ٹیکنالوجی ءِ بھر ءُ  بانگ ءُ  برآمدات ءِ سرا مبنی دیمروئی ءِ وسیلگ ءَ سی پیک ءِ دومی بھر ءَ را دیم ءَ برگ ءِ تہ ءَ ھاسیں کرد پیلو کت کنت۔ مزن وزیر ءَ کمک ءِ ھوالگ ءَ دو ھاسیں کاگد آنی سر ءَ دستخط ءِ مراگش ءَ ھم بھر زوری کت۔ اولی سند صوبہ ژجیانگ ءُ صوبہ پنجاب ءِ نیام ءَ بہن ءُ صوبہ ءِ سیادی ءِ جوڑ کنگ ءِ تپاک نامہ بوتگ۔ تپاک نامہ ءِ مول ءُ مراد تجارت، سرمایہ کاری، کشت ءُ کشاری، وانگ ءُ زانگ، دود ءُ ربیدگ، سیل ءُ سواد ءُ مردم آنی نیام ءَ رابطہ ءِ شوبگ آنی تہ ءَ کمک ءَ را گیش کنگ اِنت۔ مزن وزیر ءَ ہانگژو  نارمل یونیورسٹی ءُ  بیجنگ ءَ پاکستانی سفارتخانہ ءِ نیام ءَ چین ءُ  پاکستان یکجائی ٹیکنالوجی پٹ ءُ  پولی مرکز ءِ جوڑیشت ءِ ھوالگ ءَ دستاویز ءِ سر ءَ دستخط کنگ ءِ مراگش ءَ ھم بھر زوری کت۔ مرکز ءَ چہ پاکستان ءُ چین ءِ ادارگ آنی نیام ءَ اکیڈمک کمک، عملی پٹ ءُ پول، ٹیکنالوجی ءِ تبادلہ ءُ سیادی ءَ را دیم ءَ برگ بیت۔ مزن وزیر ءَ گوشت کہ پاکستان ءُ چین ءِ نیام ءَ سفارتی سیادی ءِ برجائی ءِ 75 سال سرجم بوھگ ءَ اِنت ءُ دوئیں ملک اُلس دوستی، دیمروئی ءِ رِد ءَ کار مندیں ءُ عملی کمک ءِ نوکیں دور ءِ تہ ءَ داخل بوھگ ءَ اَنت۔