مزن وزیر شہباز شریف چین ءِ چار روچی تر ءُ تاب ءِ اولی بھر ءِ واستہ ہانگژو  ءَ سر بوتگ

ہانگژو ۔23مئی  (اے پی پی): مزن وزیر محمد شہباز شریف چین ءِ چار روچی تر ءُ  تاب ءِ اولی بھر ءِ واستہ ہانگژو  ءَ سر بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ شمبے ءِ روچ ءَ ہانگژو  ءِ شیاؤ شین بالی پٹ ءَ سر بوھگ ءِ سر ءَ مزن وزیر ءَ را ڈپٹی گورنر ژجیانگ شو وینگوانگ ، پاکستان ءَ چین ءِ سفیر جیانگ زیڈونگ ءُ  چین ءَ پاکستان ءِ سفیر ھامی خالی ءَ وش اتک کت۔ مزن وزیر ءِ ھمراھی ءَ نائب مزن وزیر ءُ درئی کارانی وزیر سینیٹر محمد اسحاق ڈار، منصوبگ بندی ءِ وفاقی وزیر احسن اقبال، اھوالکاری ءُ شنگکاری ءِ وفاقی وزیر عطا اللہ تارڑ، آئی ٹی ءِ وفاقی وزیر شزہ فاطمہ خواجہ ءُ ھاسیں کمکار طارق فاطمی مزن وزیر ءِ ھمراھی ءَ انت۔ مزن وزیر ہانگژو  ءَ ژجیانگ ءِ صوبائی پارٹی ءِ سیکرٹری وانگ ہاؤ ءَ گوں گند ءُ  نند کنت۔ آ سی پیک فیز ٹو ءِ چیر دستی ءَ پاکستانی ءُ  چینی کمپنیانی نیام ءَ کمک ءَ را دیمروئی دیگ ءِ واستہ برجم داشتگیں بزنس فورم ءَ بھر زوری کنت ءُ  منوگری ءُ  تپاک نامہ ءِ بدلی ءِ مراگش ءَ بہر زوریت۔ ایشی ءَ ابید مزن وزیر ءِ سروکیں چینی کمپنی آنی سی ای اوز آنی گوما ھم گند ءُ  نند بیت۔ مزن وزیر چینی کمپنی علی بابا ءِ ہیڈ کوارٹر ءِ ھم تر ءُ تاب کنت ءُ کمک ءِ واستہ تپاک نامہ آنی سر ءَ دستخط کنگ ءِ مراگش ءَ ھم بھر زوری کنت۔