خیبر پختونخوا ءِ گورنر ءَ کوئٹہ ءِ چمن ریلوے پھاٹک ءَ وت کُشیں تراک ءِ مذمت کتگ، گران بھائیں انسانی جان ءِ بیرانی ءِ سر ءَ غم درشان کتگ

پشاور۔ 24 مئی (اے پی پی): خیبر پختونخوا ءِ گورنر فیصل کریم کندی ءَ کوئٹہ ءِ چمن ریلوے گیٹ ءَ بوتگیں وت کُش تراک ءَ را سک باز مذمت کتگ ءُ گران بھائیں انسانی جانانی بیرانی ءِ سر ءَ سک باز رنج ءُ گم ءِ درشان کتگ۔ خیبر پختونخوا ءِ گورنر ءَ پبلک ریلیشنز آفیسر ءِ نیمگ ءَ چہ جاڑی بوتگیں بیان ءِ تہ ءَ گوشت کہ بزدلیں ناشرکاریں عناصر بے سلاہیں شہری آناں نشانگ جوڑ کنان ءَ راج ءِ حوصلہ ءِ ھلاس کنگ ءَ نہ اَنت۔ آئی ءَ گوشت کہ پاکستانی یک تپاک ءُ جزمیں راج اَنت ءُ سرجمیں راج ناشرکاری ءِ ھلاپ ءَ وتی سیکورٹی فورسز ءُ کانود نافذ کنوکیں ادارگ آنی گوما اوشتاتگ۔ آئی ءَ گوشت کہ امن ءِ دژمنیں قوت ترس ءُ بیم ءِ شنگ کنگ ءَ ملک ءِ استحکام ءَ را تاوان دیگ لوٹ اَنت، البت راج اے نا شریں سازش آناں ناکام کنت۔ خیبرپختونخوا ءِ گورنر ءَ گوشت کہ اے رنگیں بزدلی اُرش الس ءِ حوصلہ ءَ را ھلاس کت نہ کنت، سرجمیں راج ناشرکاری ءِ ھلاپ ءَ یکجائی ءَ انت۔ فیصل کریم کنڈی ءَ تراک ءَ شہید بوتگیں مردمانی واستہ مغفرت ءُ رُتبہانی برز کنگ ءُ غم ءِ آماچیں ھاندان ءِ واستہ صبر ءِ دعا کتگ۔ آئی ءَ ٹپیگ آنی زوت ءُ سرجمیں جان سلامتی ءِ واستہ نیکیں واھشت آنی درشانی کت ءُ گوشت کہ اے مشکل ءِ ساھت ءَ سرجمیں راج آماچیں کھول آنی ھمراھی ءَ اوشتاتگ۔