پاک چین ءِ دوستی وھد، جھان ءِ بدلی ءُ دمگی چیلنج آنی باوجود گیش مھکم بوتگ،  پشت ءَ چک جنک ءُ چارگ ءِ سوال بوت نہ کنت، نوخ ایوک ءَ  برز ءَ ءُ دیم ءَ سفر کنگی انت، محمد اسحاق ڈار

ہانگژو۔24مئی  (اے پی پی): پاک چین ءِ دوستی وھد، جھان ءِ بدلی ءُ دمگی چیلنج آنی باوجود گیش مھکم بوتگ،  پشت ءَ چک جنک ءُ چارگ ءِ سوال بوت نہ کنت، نوخ ایوک ءَ  برز ءَ ءُ دیم ءَ سفر کنگی انت، نائب مزن وزیر محمد اسحاق ڈار ءَ گوشت کہ محمد شہباز شریف ءِ جوانیں سروکی ءَ حکومت اقتصادی زندگ بوھگ ، صنعتی توسیپ ءُ برجمیں دیمروئی ءِ یک مھکمیں ایجنڈا ءِ رندگیری ءَ کنگ اِنت۔  پدا چارگ ءِ گپ نیست۔ نوں بس دیم ءُ برز ءِ سفر اِنت۔ پاکستان ءُ چین ءِ نیام ءَ سفارتی سیادی ءِ 75 سال سرجم بوھگ ءَ انت ۔ اے فخر ءِ گپ اِنت کہ وھد، جھان ءِ بدلی ءُ دمگی چیلنجانی باوجود مئے دوستی گیشتر مھکم بوتگ۔ یک شمبے ءِ روچ ءَ آئی ٹی ءُ ٹیلی کام، بیٹری توانائی ءِ ذخیرہ کنگ ءِ نظام ءُ کشت ءُ کشاری ءِ ھوالگ ءَ پاکستان ءُ چین ءِ کاروبار ءَ چہ کاروباری سرمایہ کاری کانفرنس ءِ بنداتی دیوان ءَ گوں تران کنان ءَ محمد اسحاق ڈار ءَ گوشت کہ من اے کانفرنس ءِ زیبائیں شہر ہانگجو ءَ برجم دارگ ءَ سک باز وش آں ۔ آئی ءَ چینی ضرب المثل ءِ حوالہ داتگ کہ ”بُرز ءَ آسمان اِنت ءُ سوزو ءُ ہانگجو ءِ چیر ءَ“ ءُ مرچی مردم راستی ءَ مار اِت کنت کہ ہانگجو ءَ پرچا زمین ءِ سرا آسمان گُش اَنت۔ اسحاق ڈار ءَ گوشت کہ اے بی ٹو بی کانفرنس ءِ برجائی ءَ مزن وزیر شہباز شریف ءِ سک باز منت وار آں کہ آئی ءَ کمک ءُ وژن داتگ۔ آئی ءَ گوشت کہ مرچی گچین بوتگیں شوبگ پاکستان ءِ اقتصادی مٹ ءُ بدل ءُ صنعتی نوک کنگ ءِ واستہ سک باز المی انت۔ اسحاق ڈار ءَ چین ءِ دری کارانی وزارت، وزارت تجارت، صوبہ ژجیانگ ءِ سروکی ءُ چین ءِ میاں اوستمانی تجارت ءِ دیمروئی ءِ کونسل، ژجیانگ صوبائی کمیٹی ءِ کمک ءَ را ھم ساڑات۔ آئی ءَ گوشت کہ گورنر لیو جی ءِ ذاتی بھر زوری ءَ چہ دوئیں ملک آنی نیام ءَ سیادی ءِ تہ ءَ جہل ءَ سہرا کنگ بیت۔ آئی ئَ گوشت کہ پاکستان ءُ چین ئَ چہ 5سد ئَ چہ گیش کمپنی کانفرنس ئَ بھر زوری کنگ ئَ اَنت، ھمے ادارگ دوئیں ملک آنی نیام ئَ اقتصادی شریکداری ئِ اصل مھکم اَنت۔ اسحاق ڈار ءَ گوشت کہ گوستگیں چار سال آنی تہ ءَ پاکستان ءَ معاشی برجائی رس اِتگ ءُ درائیں چیلنج آنی پد ءَ ھم معیشت دیمروئی ءِ کشک ءَ اِنت۔ پاکستان کاروبار ءِ واستہ تیار انت، پاکستان اصلاحات کنگ ءَ انت ءُ پاکستان دیمروئی کنگ ءَ انت۔ آئی ءَ گوشت کہ وزارت ءِ درئی کار ءَ اقتصادی سفارتکاری ءَ را دری پالیشی ءِ یک مرکزی ستون جوڑ کتگ، وھدیکہ چین ءِ گوما گیش بوھوکیں بی ٹو بی کمک اے نوکیں حکمت عملی ءِ یک ھاسیں مثال اِنت۔ پاکستان ءُ چین ءِ آہنی دوستی ہمک سال گوزز ءَ گیش مھکم بوھان انت۔ نائب مزن وزیر ءُ وزیر ءِ درئی کار ءَ گوشت کہ چین ءُ پاکستان ءَ تاں انوگ ءَ سرجم ءَ چار بی ٹو بی کانفرنس برجم دارگ بوتگ وھدیکہ شعبہ جاتی کانفرنس آنی اے پنچمی ایڈیشن اِنت۔ اے کانفرنس آنی آسر ءَ 300 ءَ چہ گیش مفاہمت نامہ ءُ نزیک ءَ سئے درجن یکجائی منصوبگ آنی سر ءَ دستخط کنگ بوتگ کہ ایشی ءِ کلیں ارزشت 13ارب امریکی ڈالر ءَ چہ گیش اِنت۔ آئی ءَ گوشت کہ اے ایوک ءَ اعداد و شمار نہ انت بلکینگ ءَ دوئیں ملک آنی نیام ءَ اعتماد، دل یکیمی ءُ یکجائی عزائم آنی گواہی انت۔ اسحاق ڈار ءَ گوشت کہ گوستگیں ھپتگ ءَ آئی ءَ را اسلام آباد ءَ آئی بی آئی پاکستان ڈیجیٹل اکانومی ہیڈ کوارٹر ءِ بنگیج کنگ ءِ شرف رستگ وھدے کہ چیئرمین چن ءَ بیجنگ ءَ مزن وزیر ءَ گوں گند ءُ نند ءَ چہ ایوک ءَ 8 ماہ ءَ پد کمپنی ءَ پاکستان ءَ کارگس جوڑ کتگ ءُ وتی کاروائی بندات کتگ۔ آئی ءَ گوشت کہ آئی بی آئی ءِ گوستگیں پاکستان ءِ تر ءُ تاب ءِ ساھت ءَ یک ارب ڈالر ءَ چہ گیش ءِ مفاہمت نامہ ءِ سر ءَ دستخط کنگ بوتگ۔ آئی ءَ پاکستان سروسز گروپ ءُ چین ءِ لانگ مارچ ٹائرز ءِ نیام ءَ یکجائی منصوبگ ءَ را ھم سوبمندیں مثال لیک اتگ ءُ گوشت کہ ایوک ءَ پنچ سال ءَ پد اے منصوبگ یک ارب ڈالر ءِ کمپنی جوڑ بوھگ ءَ انت کہ پاکستان اسٹاک ایکسچینج ءَ درج کنگ بیت۔ اسحاق ڈار ءَ چین ءَ پاکستان ءِ سفیر خلیل ہاشمی ءِ ازمت آناں ساڑات ءُ گوشت کہ آئی ءَ را انوگیں وھد ءَ چین ءِ دری کارانی وزیر ءِ نیمگ ءَ چہ ’’بہتریں سفارتکار‘‘ میڈل دیگ بوتگ، اے پاکستان ءُ چین ءِ سیادی ءَ را دیمروئی دیگ ءِ تہ ءَ آئی ءِ ازمت آنی شناخت اِنت۔ آئی ءَ گوشت کہ دگنیا ءِ توک ءَ پاکستانی سفارتی مشن اقتصادی سفارتکاری ءِ اے ماڈل ءَ را فعال شمولیت، ٹارگٹڈ آؤٹ ریچ، اسٹریٹجک پارٹنر شپ ءُ عملی آسر آنی بنیات ءَ وتی کنگ لوٹ ایت۔ نائب مزن وزیر ءَ گوشت کہ وھد، جھان ءِ مٹ ءُ بدلی ءُ دمگی چیلنج آنی پد ءَ ھم دوئیں ملک آنی دوستی گیش مھکم بوتگ۔ آئی ءَ گوشت کہ حکومت آنی نیام ءَ راجدپتری سیادی نوں ھم یک متحرک ءُ گیش بوھوکیں کاروباری شریکداری ءِ تہ ءَ بدل بوھگ ءَ انت۔ اسحاق ڈار ءَ چینی ضرب المثل ءِ حوالہ داتگ کہ "ہزار میل ءِ سفر یک گامے ءَ چہ بندات بیت”۔  اے گامگیج ءِ حوالہ ءَ آئی ءَ گوشت کہ پاکستان ءَ مزن وزیر شہباز شریف ءِ سروکی ءَ دو سال پیسر شینزن ءَ وتی اولی گام چست کتگ ءُ نوں اے سفر گوں ترندی، دل یکیمی ءُ یک ھاسیں مکسد ءِ گوما دیم ءَ روگ ءَ انت۔ آئی ءَ گوشت کہ نوں پد ءَ چارگ ءِ گپ نہ اِنت، نوں ایوک ءَ دیم ءُ برز ءِ سفر اِنت۔