ریلوے ءِ وفاقی وزیر ءَ کوئٹہ ءِ تراک ءِ مذمت

اسلام آباد۔24مئی  (اے پی پی): وفاقی وزیر برائے ریلوے محمد حنیف عباسی ءَ کوئٹہ تراک ءِ مذمت ءَ سک مذمت کتگ ءُ گشتگ کہ اے وڑیں بزدلیں ناشرکاری اُرش راجی جزم ءَ را نزور کت نہ کن انت۔ وزارت ریلوے ءِ نیمگ ءَ چہ جاڑی بوتگیں مذمت ءِ بیان ءِ تہ ءَ محمد حنیف عباسی ءَ گوشت کہ بھارت ءُ اوگانستان ءَ پاکستان ءِ ھلاپیں عناصر ناشرکاری ءِ سرپرستی کنگ ءَ اَنت، دژمن ءِ اُرد پاکستان ءَ ناامنی ءِ شنگ کنگ ءِ واستہ نا شریں کار آنی تہ ءَ ھوار اَنت، بھارت ءُ اوگانستان ءَ چہ کار کنوکیں ناشرکاریں نیٹ ورک آنی بدیں نیت آنی رد ءَ ھچبر سوبمند نہ بیت۔ محمد حنیف عباسی ءَ گوشت کہ کوئٹہ کنٹ ءَ چہ آیوکیں شٹل ٹرین ءِ سر ءَ چمن پھٹک ءِ نزیک ءَ تراک بوتگ، ایشی ءِ آسر ءَ انجن ءَ ھوار سئے کوچ ریل ءَ چہ در کپتگ اَنت وھدیکہ دو کوچ الٹ بوتگ اَنت۔ فورسز سیکورٹی ءَ فوراً دمگ کورڈن کتگ ءُ ریسکیو آپریشن بندات کتگ۔ وفاقی وزیر ءَ گوشت کہ وئیل ءِ واستہ ریسکیو ٹرک ءُ ریلیف ٹرین ریلیف آپریشن ءِ واستہ جاہ ءَ روان دیگ بوتگ انت۔ محمد حنیف عباسی ءَ گوشت کہ ناشرکار انسانیت ءُ ملک ءِ دژمن اَنت ایشاں ناشرکیں آسر ءَ سر کنگ بیت۔ آئی ءَ گوشت کہ پاک ریلوے ءِ آپریشنل چست ءُ ایر بے رکاوٹ ءَ برجاہ مان اَنت۔ ریلوے ءِ وزیر ءَ انتظامیہ ءَ را پنت ءُ شون کتگ کہ اے وئیل ءِ بابت ءَ زوت رپورٹ پیش بہ کنت۔