مزن وزیر شہباز شریف مرچی ہانگژو  ءَ یک مصروفیں روچے گوازینت کنت، انفارمیشن ٹیکنالوجی ءُ ٹیلی کام، بیٹری توانائی ءِ ذخیرہ کنگ ءِ نظام ءُ زراعت ءِ شوبگ ءِ بابت ءَ ’’پاکستان چائنہ بزنس ٹو بزنس انویسٹمنٹ کانفرنس“ ءَ بہر زوریت

ہانگژو۔24مئی  (اے پی پی): یک شمبے ءِ روچ ءَ مزن وزیر محمد شہباز شریف ہانگژو  ءَ وتی دزگٹیں  روچ ءَ گوازینت کنت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر انفارمیشن ٹیکنالوجی ءُ ٹیلی کام، بیٹری انرجی اسٹوریج سسٹم ءُ کشت ءُ کشاری ءِ شوبگ ءِ ھوالگ ءَ ھانگجو ءَ برجم داشتگیں پاکستان چین بزنس ٹو بزنس انویسٹمنٹ کانفرنس ءَ بھر زوری کنت۔ کانفرنس ءِ تہ ءَ پاکستانی ءُ چینی کمپنی آنی نیام ءَ کمک ءُ سرمایہ کاری معاہدہ ءُ تپاک  نامہ آنی سر ءَ دستخط ءُ مٹ ءُ بدلی ھم ھوار کنگ بیت۔ مزن وزیر کانفرنس ءَ گشتانک ھم دنت۔ مزن وزیر ہانگژو  ءَ چینی مزنیں کمپنی آنی سروک آں گوں گند ءُ نند کنت۔ مزن وزیر علی بابا کمپنی ءِ بنجاھی کارگس ءِ ھم تر ءُ تاب ءَ کنت ۔ اے تر ءُ تاب ءِ وھد ءَ علی بابا ءُ پاکستان ءِ حکومت ءِ نیام ءَ کمک ءِ معاہدہ ءِ سرا دستخط کنگ بیت۔ اے موہ ءَ مزن وزیر گشتانک ھم دنت۔ ایشی ءَ پد مزن وزیر ہانگژو  ءَ چہ وتی تر ءُ تاب ءَ سرجم کنت ءُ بیجنگ ءَ روت۔