مزن وزیر شہباز شریف ءَ امریکی صدر ڈونلڈ ٹرمپ ءَ را امن ءِ واستہ وتی لس کوشست آنی پد ءَ مبارک بات داتگ

ہانگژو۔24مئی  (اے پی پی): مزن وزیر محمد شہباز شریف ءَ امریکی صدر ڈونلڈ ٹرمپ ءَ را امن ءِ واستہ آئی ءِ لس کوشست ءُ سعودی عرب، گتر، ترکی، مصر، متحدہ عرب امارات، اردن ءُ پاکستان ءِ سروک آنی گوما سک باز کارآمد ءُ پائدگ مندیں ٹیلی فون گپ ءُ تران ءِ سر ءَ مبارک بات داتگ۔ یک شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ جاڑی بوتگیں بیان ءِ تہ ءَ مزن وزیر ءَ گوشت کہ صدر ڈونلڈ ٹرمپ ءَ را امن ءِ برجائی ءِ واستہ آئی ءِ لس کوشست آنی سر ءَ ءُ سعودی عرب، گتر، ترکی، مصر، متحدہ عرب امارات، اردن ءُ پاکستان ءِ سروک آنی گوما سک باز کارآمد ءُ پائدگ مندیں ٹیلی فون گپ ءُ تران ءِ سر ءَ مبارک بات داتگ۔ اے ٹیلی فون ءِ گپ ءُ تران ءَ فیلڈ مارشل سید عاصم منیر ءَ پاکستان ءِ نمائندگی کتگ ءُ من اے سرجمیں عمل ءِ تہا آئی ءِ بے مٹیں کوشست آنی سک باز ستا کناں۔ مزن وزیر ءَ گوشت کہ ٹیلی فون ءِ گپ ءُ تران ءَ چہ دمگ ءِ استیں جاور ءُ دمگ ءَ برجاھیں امن ءِ کوشست آنی سر ءَ گپ ءُ تران کنگ ءِ کارآمدیں موہ پجاری بوت۔ مزن وزیر ءَ گوشت کہ پاکستان وتی امن ءِ کوشست ءَ سرجمیں ھک ءُ دلی ءَ گوں برجاہ دار ایت ءُ مارا امیت انت کہ سک زوت دیم ءِ دور ءِ گپ ءُ تران ءِ میزبانی ءَ کناں۔