پاکستان ریلوے سرجمیں ملک ءَ ٹرین ءُ ریلوے اسٹیشن آنی سر ءَ مسافر آنی آسراتی ءَ را گہتر کنگ ءِ واستہ گامگیج زورگ ءَ اِنت، فرح ناز اکبر

اسلام آباد۔22مئی  (اے پی پی): وفاقی وانگ ءُ زانگ ءُ پیشہ وارانہ تربیت ءِ وزارت ءِ پارلیمانی سیکرٹری فرح ناز اکبر ءَ راجی اسمبلی ءَ گوں تران کنان ءَ گوشت کہ پاکستان ریلوے سرجمیں ملک ءَ ٹرین ءُ ریلوے اسٹیشن آنی سر ءَ مسافر آنی آسراتی ءَ را گہتر کنگ ءِ واستہ سنگینیں گامگیج زورگ ءَ انت۔ جمعہ ءِ روچ ءَ راجی اسمبلی ءَ جست ءُ پرس ءِ وھد ءَ یک جست ءِ پسو ءَ آئی ءَ گوشت کہ گرین لائن، بزنس ایکسپریس، شلمار ایکسپریس ءُ قراقرم ایکسپریس ءَ ھوار پریمیئر ٹرین سروسز ءَ را جوانیں کوالٹی ءِ آسراتی، کیٹرنگ ءُ مسافر آنی واستہ سروس ڈیلیوری ءِ گوما چلائینگ بوھگ ءَ انت۔ آئی ءَ گوشت کہ اے ٹرین آنی سر ءَ جوانیں کوالٹی ءِ فوڈ سروسز ءُ صفائی ءِ شریں معیار آناں دل یکیمی کنگ بوھگ ءَ اِنت تانکہ مسافر آناں جوانیں سفری تجربگ رسگ ءَ اِنت۔ پارلیمانی سیکرٹری ءَ گیش گوشت کہ مزنیں ریلوے اسٹیشن آنی سر ءَ   جان سلامتی ءُ صفائی ءَ را گہتر کنگ ءِ واستہ لاہور، راولپنڈی، ملتان، خانیول ءُ کراچی کینٹ ریلوے جوڑ کنگ بوتگ۔ اسٹیشن آنی انتظامی ءِ کار دمگی فضلہ ءِ انتظامی کمپنی آنی دست ءَ دیگ بوتگ۔ آئی ءَ گوشت کہ راجی ریل نیٹ ورک ءِ سر ءَ روگ ءَ ایندگہ مسافر ریل آنی تہ ءَ ھم ساپ ءُ سلہ ءِ معیار ءُ وردن ءِ کوالٹی ءَ را گیش گہتر کنگ ءِ واستہ ھمے رنگیں کوشست بوھگ ءَ انت۔ فرح ناز اکبر ءَ گوشت کہ کیو آر کوڈ ءِ سر ءَ شکایت آنی نظام ھم بندات کنگ بوتگ، ایشی ءِ وسیلگ ءَ مسافر وتی سفر ءِ وھد ءَ یا اسٹیشن ءَ سروسز، صفائی یا وردن ءِ کوالٹی ءِ ھوالگ ءَ شکایت درج کنگ ءَ انت۔ آئی ءَ گوشت کہ اے نظام ءِ وسیلگ ءَ رستگیں شکایت آناں المی گامگیج ءُ گیواری ءِ واستہ ترندیں رنگ ءَ دیم دیگ بیت، ایشی ءَ چہ وھد ءِ سر ءَ پسو ءُ احتساب ءَ را دل یکیمی کنگ بیت۔ الاٹمنٹ ءِ بابت ءَ ھال ءُ اھوال کنان ءَ آئی ءَ گوشت کہ پشاور، راولپنڈی، لاہور، ملتان، سکھر، کراچی ءُ کوئٹہ ءَ ھوار جتا جتائیں ریلوے ڈویژن آنی تہ ءَ گہتری آرگ بوتگ۔ آئی ءَ گوشت کہ ریلوے اسٹیشن آنی اپ گریڈیشن ءِ واستہ 243.675ملین کلدار ءِ کلیں تخصیص کارمرد کنگ بوتگ ایشی ءِ مول ءُ مراد ریلوے نیٹ ورک ءِ سر ءَ مسافر آنی آسراتی ءُ سروس ءِ کوالٹی ءَ را گیش کنگ اِنت۔ آئی ءَ امیت سہرا کت کہ پاکستان دی ریلوے آیوکیں وھد ءَ برجاھیں اصلاحات ءُ سروس اپ گریڈ ءِ وسیلگ ءَ گیش گہتری ءَ را برجاہ دار ایت۔