اسلام آباد ءِ وانگ ءُ زانگ ءِ ادارگاں بی ایس پروگرام قائداعظم یونیورسٹی ءُ ہائیر ایجوکیشن کمیشن ءِ معیار ءَ سرجم نہ کتگ، وزیر مملکت ءِ وانگ ءُ زانگ ءُ کزبی ھیل کاری

اسلام آباد۔22مئی  (اے پی پی): راجی اسمبلی ءَ را ھال دیگ بوتگ کہ اسلام آباد ءِ وانگ ءُ زانگ ءِ ادارگ آنی تہ ءَ بی ایس پروگرام قائداعظم یونیورسٹی ءِ وابستگی ءَ گوں بندات کنگ بوتگ بلے نہ قائداعظم یونیورسٹی ءِ معیار ءُ نہ ہائیر ایجوکیشن کمیشن ءِ رد ءَ عمل کنگ بوتگ۔ جمعہ ءِ روچ ءَ عالیہ کامران ءُ دگہ مردمانی نیمگ ءَ وفاقی دارالحکومت اسلام آباد ءِ وانگ ءُ زانگ ءِ ادارگ آنی تہ ءَ بی ایس پروگرام ءِ تہ ءَ داخلہ ءِ واستہ نودربر آناں دیم ءَ اتکگیں جیڈھ آنی بابت ءَ نوٹس ءِ پسو ءَ وانگ ءُ زانگ ءُ پیشہ وارانہ تربیت ءِ وزیر مملکت واجہ قمر ءَ ایوان ءَ گوشت کہ اسلام آباد ءِ تہ ءَ بی ایس پروگرام یونیورسٹی ءِ وانگ ءُ زانگ ءِ ادارگ آنی تہ ءَ بندات کنگ بوتگ۔ بلے چوشیں ھچ وڑیں رھبند ءُ رھبند ءِ منّگ نہ بوتگ ءُ نہ کہ ھما رہبند پیلو کنگ بوتگ کہ قائداعظم یونیورسٹی یا ہائیر ایجوکیشن کمیشن ءِ رہبندانی رد ءَ بہ بنت۔ وابستگی ءَ چہ پیسر یک جامع ادارہ جاتی جائزہ ءِ کنگ بیت، ایچ ای سی ءِ 2024 وابستگی ءَ گوں سیادی داروکیں پالیسی ءَ را ھم ھیال ءَ دارگ بیت۔ اے کار ءِ تہا فیکلٹی ءِ کساس، لیب، کلاس روم، کوالٹی، ہر چیز ءِ سرا چمشانک دیگ بیت کہ ایشی ءَ پد وابستگی کنگ بیت۔