درئی کارانی کارگس ءِ جارکش ءَ مزن وزیر محمد شہباز شریف 23 ءَ بگر داں 26 مئی ءَ چین ءِ سرکاری تر ءُ تاب

اسلام آباد۔22مئی  (اے پی پی): مئی ءَ چہ 26 مئی ءَ مزن وزیر محمد شہباز شریف چین ءِ سرکاری تر ءُ تاب ءَ کنت۔درئی کارانی کارگس ءِ جارکش طاہر حسین آندرابی ءَ جمعہ ءِ روچ ءَ پریس بریفنگ ءِ تہ ءَ گوشت کہ مزن وزیر ءِ چین ءِ تر ءُ تاب ھاسیں ارزشت ءِ واھند اِنت پرچا کہ دوئیں ملک چین ءِ سفارتکاری ءِ سالروچ ءَ برجم دارگ ءَ اَنت۔ تعلقات ءِ سرا ات۔ جارچین ءَ گوشت کہ مزن وزیر محمد شہباز شریف تر ءُ تاب ءِ وھد ءَ چین ءِ سروکی ءَ گوں گند ءُ نند کنت ایشی ءِ تہ ءَ صدر شی جن پنگ ءُ مزن وزیر لی کی کیانگ ھوار انت۔ امیت انت کہ اے تر ءُ تاب ءَ چہ سیاسی بھروسہ ءِ مھکم کنگ، اسٹریٹجک کوآرڈینیشن، سیاسی کمک ءِ تہ ءَ گیشی ءُ دوئیں ملک آنی نیام ءَ دیریں دوستی ءَ را گیش مھکم ءُ گیش کنگ ءَ کمک رسیت۔ مزن وزیر راجی جمہوریہ چین ءِ حکومت ءِ دعوت ءِ سرا تر ءُ تاب ءَ انت۔ آئی ءَ گوشت کہ اے تر ءُ تاب دوئیں ملک آنی نیام ءَ دیریں ءُ آزمائشی شریکداری ءَ را گیش مھکم کنگ ءِ واستہ یک ھاسیں موہ ءِ ثابت بیت، ہر موسم ءِ اسٹریٹجک شریکداری ءَ را نوک کنگ ءُ یکجائی آیوکیں وھد ءِ گوما پاکستان ءُ چین ءِ سیادی ءِ وژن ءَ را دیم ءَ برگ ءِ واستہ یک ھاسیں موہ ءِ ثابت بیت، وھدیکہ جتا جتائیں پڑ آنی تہ ءَ کمک ءِ نوکیں امکان آنی سر ءَ ھم ھیال ءُ لیکہ کنگ بیت۔ اے تر ءُ تاب ءِ ھاسیں ارزشت ءِ ھست انت کہ پاکستان ءُ چین وتی سفارتی سیادی ءِ جوڑیشت ءِ 75 سالی روچ ءَ برجم دارگ ءَ انت۔ مزن وزیر وتی تر ءُ تاب ءَ چین ءِ شہر ہانگجو ءَ چہ بندات کنت، اودا آ آئی ٹی، ٹیلی کمیونیکیشن، توانائی ءِ ذخیرہ کنگ ءُ کشت ءُ کشاری ءِ بابت ءَ پاکستان ءُ چین بزنس ٹو بزنس سرمایہ کاری کانفرنس ءِ سروکی ءَ کنت۔ کانفرنس ءَ دوئیں ملک آنی سرمایہ کار، کاروباری مردم ءُ صنعت ءِ نمائندگ آنی بھر زوری بیت۔ آئی ءَ گوشت کہ دوئیں نیمگ ءَ سیاسی، اقتصادی ئُُ اسٹریٹجک شوبگ آنی تہ ءَ دو نیمگی سیادی ئُُ کمک ءِ سر ءَ چار ئُُ تپاسی کنگ بیت۔ دری کارانی کارگس ءِ جارکش ءَ گوشت کہ مزن وزیر پاکستان ءُ چین ءِ نیام ءَ سفارتی سیادی ءِ 75 سال ءِ درگت ءَ بیجنگ ءَ چینی پیپلز ایسوسی ایشن ءِ نیمگ ءَ برجم داشتگیں استقبالیہ ءِ بھر زوری کنت۔