پاکستان حکومت درملکی سرمایہ کاری ءِ تہ ءَ گیشی ءِ واستہ اولیت ءِ بنیاد ءَ گامگیج زورگ ءَ انت، مزن وزیر شہباز شریف ءَ گوں گتری ڈل ءَ گپ ءُ تران

اسلام آباد۔22مئی  (اے پی پی): مزن وزیر محمد شہباز شریف ءَ گوشت کہ حکومت درملکی سرمایہ کاری ءِ تہ ءَ گیشی ءِ واستہ ترجیحی بنیاد ءَ گامگیج کنگ ءَ انت ءُ ھاسیں سرمایہ کاری ءِ آسراتی کونسل ءِ چیر دستی ءَ سرمایہ کاری ءِ راہ ءَ اڑاند دور کتگ انت۔ آئی ءَ اے ھیالانی درشانی گتر ءِ تعمیر  گروپ ءِ بانی محمد حسین آل علی ءِ سروکی ءَ ڈل ءَ گوں گپ ءُ تران کنان ءَ کت کہ آئی ءَ جمعہ ءِ روچ ءَ ادا گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ گند ءُ نند ءِ تہ ءَ نائب مزن وزیر ءُ درئی کار  سینیٹر محمد اسحاق ڈار، وفاقی وزیر احد خان چیمہ، عطاء اللہ تارڑ، وزیر مملکت بلال اظہر کیانی ءُ سیادی داروکیں مزنیں کارندہ ھوار بوتگ اَنت۔ مزن وزیر ءَ گوشت کہ گتر پاکستان ءِ دیرانی دوست اِنت، آئی ءَ ھمک گرانیں ساھت ءَ پاکستان ءِ کمک کتگ۔ حکومت درملکی سرمایہ کاری ءِ تہ ءَ گیشی ءِ واستہ ترجیحی بنیاد ءَ گامگیج کنگ ءَ اِنت۔ ھاسیں سرمایہ کاری ءِ آسراتی کونسل ءِ چیر دستی ءَ سرمایہ کاری ءِ دیم ءَ رکاوٹ ھلاس کنگ بوتگ انت۔ آئی ءَ گوشت کہ پاکستان ءَ سیل ءُ سواد، ھوٹل ءُ گامگیجان نوازی، رئیل اسٹیٹ ءُ تعمیراتی شوبگ آنی تہ ءَ سرمایہ کاری ءِ مزنیں گنجائش است انت۔ مزن وزیر ءَ سیادی داروکیں واک آناں ہدایت کت کہ آ گل ءَ را پاکستان ءَ سرمایہ کاری ءِ ھوالگ ءَ آسراتی ءُ کمک بہ کن اَنت۔ تمیر گروپ ءِ بانی ءَ پاکستان ءَ گروپ ءِ سرمایہ کاری ءُ برجاھیں منصوبگ آنی بابت ءَ سرپدی دات۔ تمیر گروپ پاکستان ءَ گامگیجان نوازی ءُ ہوٹل، رئیل اسٹیٹ ءُ جوڑیشت ءِ شوبگ ءَ سرمایہ کاری کنگ ءِ واھشت مند اِنت ءُ اے درگت ءَ بازیں منصوبگ آنی سر ءَ کار بندات بوتگ۔ محمد حسین آل علی ءَ پاکستان ءَ اے گل ءِ نیمگ ءَ سرمایہ کاری ءَ را گیش کنگ ءِ تہ ءَ سک باز واھشت ءِ درشانی کت۔ محمد حسین آل علی ءَ مزن وزیر شہباز شریف ءِ سروکی ءَ ملک ءِ دیمروئی ءُ کاروبار ءُ درملکی سرمایہ کاری ءِ تہ ءَ گیشی ءِ واستہ چست کتگیں گامگیج آناں ساڑات۔ آئی ءَ گوشت کہ مزن وزیر ءِ سروکی ءَ حکومت ایس آئی ایف سی ءِ چیر دستی ءَ سرمایہ کار آناں آسراتی ءِ واستہ جوانیں گامگیج کنگ ءَ اِنت۔