بنگلہ دیش ءِ سینئر سول سروس افسراں وفاقی وزیر انفارمیشن ءَ گوں گند ءُ نند کتگ، دو نیمگی سیادی آنی تہ ءَ جوانیں دیمروئی ءَ را وش اتک کناں، عطاء اللہ تارڑ

اسلام آباد۔22مئی  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ پاکستان ءُ بنگلہ دیش ءِ نیام ءَ دو نیمگی سیادی آنی تہ ءَ جوانیں پیشرفت ءَ را وش اتک کنان ءَ گوشت کہ دوئیں ملک آنی نیام ءَ راجدپتری سیادی ءُ انتظامی ءُ حکومت داری ءِ یکجائی میراث است انت۔ آئی ءَ اے گپ پاکستان ءِ تر ءَ بوھوکیں بنگلہ دیش ءِ سینئر سول سروس افسر آنی ڈل ءَ گوں تران کنان ءَ گوشت۔ گند ءُ نند ءَ وت مہ وتی مفاد ءِ جیڈھ، گورننس سسٹم، انتظامی اصلاحات ءُ ادارگی صلاحیت ءِ تہ ءَ گہتری ءَ ھوار جتا جتائیں تک ءُ پھنات آنی سر ءَ چار ءُ تپاسی کنگ بوت۔ اے موہ ءِ سر ءَ مزن وزیر ءِ ھاسیں کمکار طارق فاطمی، وفاقی سیکرٹری انفارمیشن اشفاق احمد خلیل ءُ اے دگہ مردم ھم ساڑی اتنت۔ وفاقی وزیر ءِ اھوالکاری ءَ ڈل ءَ را پاکستان ءِ تہ برجاھیں اصلاحات ءِ گامگیج ءُ حکومتی پالیشی آنی بابت ءَ سرپد کت۔ آئی ءَ پاکستان ءُ بنگلہ دیش ءِ سول سروسز ءِ نیام ءَ ایگزیکٹو ڈویلپمنٹ پروگرام ءَ را گوستگیں دہائی آنی تہ ءَ یک مزنیں دیمروئی لیک اتگ۔ وفاقی وزیر ءَ گوشت کہ پاکستان ءُ بنگلہ دیش ءِ نیام ءَ راجدپتری سیادی ءُ انتظامی ءُ گورننس ءِ یکجائی میراث است انت، وھدیکہ دوئیں ملک آنی نیام ءَ دو نیمگی سیادی آنی تہ ءَ جوانیں دیمروئی آناں وش اتک کنگ ءِ وھد ءَ اے رنگیں سیادی ءَ چہ وت مہ وتی بھروسہ ءُ جوڑیشت ءِ کمک ءَ را گیش دیمروئی رسیت۔ عطا اللہ تارڑ ءَ گوشت کہ پاکستان دوستیں ملک آنی گوما ادارگی کمک ءُ تجروبت آنی مٹ ءُ بدلی ءَ را ھاسیں ارزشت ءَ دنت۔ آئی ءَ دوئیں ملک آنی نیام ءَ تربیت ءُ صلاحیت سازی ءِ ادارگ آنی نیام ءَ کمک ءَ را گیش دیمروئی دیگ، فیکلٹی ءِ تبادلہ، یکجائی پٹ ءُ پول ءُ تربیت ءِ ماڈیول آنی تیاری ءِ ضلورت ءِ سر ءَ زور پر دات۔ وفاقی وزیر برائے اھوالکاری ءَ سول سروس اکیڈمی ءِ نیمگ ءَ پاکستان بنگلہ دیش زانشتی راہداری ءِ چیر دستی ءَ پروگرام ءِ سوبمندیں برجائی ءَ را ھم ساڑات۔ بنگلہ دیش ءِ سول سروس افسر آنی ڈل ءَ پاکستان ءِ انتظامی ڈھانچہ ءُ جتا جتائیں شوبگ آنی تہ ءَ اصلاحات ءِ گامگیج آنی تہ ءَ دلگوشی ءِ درشانی کت۔ گند ءُ نند ءَ را دو نیمگی سیادی ءُ پیشہ وارانہ تجروبت آنی مٹ ءُ بدلی ءِ رد ءَ جوانیں ءُ جوڑیشت ءِ رنگ ءَ بیان کنگ بوتگ۔ گند ءُ نند ءَ ساڑی بوتگیں مزن وزیر ءِ ھاسیں کمکار طارق فاطمی ءَ پاکستان ءُ بنگلہ دیش ءِ نیام ءَ پیشہ وارانہ سیادی ءُ ادارگی کمک ءِ دیمروئی ءِ سر ءَ زور پر دات ءُ گوشت کہ خطہ ءَ یکوئی ءُ وت مہ وتی یکوئی ءِ دیمروئی ءِ واستہ دو نیمگی سیادی سک باز المی انت۔ اے موہ ءِ سر ءَ سول سروس اکیڈمی ءِ ڈائریکٹر سی ٹی پی سید شبیر اکبر زیدی ءَ سول سروس اکیڈمی ءِ مول ءُ مراد، نوکیں تربیتی نظام، کورس ماڈیول، اسٹڈی پروگرام ءُ صلاحیت سازی ءِ جتا جتائیں گامگیج آنی ھوالگ ءَ ڈل ءَ را سرجمیں بریفنگ دات۔ ڈل ءِ باسکاں سلمیٰ صدیقہ مہتاب، محمد مصطفیٰ جمال حیدر، ابو ریحان میاح، فیروز احمد، محمد منیر الاسلام، توفیق امام، ریحان اختر، احتشام الحق، محمد شمس الحق، محمد عبدالسلام، ذی الرحمان، ضیا احمد ثمن ھوار اتنت۔